གསུང་མགུར 23 - New Tibetan Bible བོད་འགྱུར་གསར་མ།གསུང་མགུར་ཉེར་གསུམ༌པ། ཡ་ཝཱེ་ང་ཡི་རྫི་བོ་ཡིན། 1 ༼དཱ་བིད་ཀྱི་མགུར༌མ།༽ ཡ་ཝཱེ་ང་ཡི་རྫི་བོ་ཡིན་པ༌དང༌། །བདག་ལ་མི་འདང་བ་ནི་ཅི་ཡང༌མེད།། 2 ཁོང་གིས་ནེའུ་གསིང་སྤང་ཁར་བདག་བསྙལ༌ཞིང༌། །ཆུ་ཕྲན་ལྷིང་འཇགས་འགྲམ་དུ་བདག་ཁྲིད༌དོ།། 3 བདག་གི་སེམས་ནི་སླར་ཡང་སོས་སུ༌མཛད། །ཁོང་གི་མཚན་སྙན་ལ་ནི་བསྔགས་པའི༌ཕྱིར། །བདག་ནི་དྲང་ཕྱོགས་ལམ་དུ་ལེགས་པར༌ཁྲིད།། 4 ཁྱེད་ནི་བདག་དང་ལྷན་དུ་བཞུགས་པའི༌ཕྱིར། །འཆི་བའི་གཅོང་རོང་བརྒྱུད་ནས་སོང་ན༌ཡང༌། །ང་རང་ངན་པར་འཇིགས་སྣང་ཡོད་མ༌ཡིན། །ཁྱེད་ཀྱི་འཁར་བ་དང་ནི་དབྱུག་པས༌ཀྱང༌། །བདག་གི་ཡིད་སེམས་ལ་ནི་གསོ་བར༌མཛད།། 5 ཁྱེད་ཀྱིས་ཕ་རོལ་དགྲ་བོའི་མིག་མདུན༌ནས། །བདག་གི་ཆེད་དུ་གསོལ་ལྕོག་རྒྱས་པར༌བཤམས། །བདག་གི་མགོ་བོར་སྣུམ་གྱིས་ཡོངས་སུ༌བྱུགས། །བདག་གི་འཐུང་བའི་ཕོར་པ་ལྟེམས་པར༌མཛད།། 6 བདག་གི་ཚེ་གཅིག་ལུས་གཅིག་དུས་ཀུན༌ཏུ། །ཁྱེད་ཀྱི་བྱམས་དང་སྙིང་རྗེ་བདག་ལ༌འགྲོགས། །བདག་ནི་ཡ་ཝཱེའི་བཞུགས་གནས་ནང་དུ༌ནི། །ཇི་སྲིད་བར་དུ་སྡོད་པར་འགྱུར་བ༌འོ།། |
(cc) 2016-2023 པར་དབང་དམ་པའི་གསུང་རབ་བོད་འགྱུར་གསར་མའི་རྩོམ་སྒྲིག་སྡེ་ཚན་ལ་དབང་བ་ཡིན།
(cc) 2016-2023 New Tibetan Bible translation committee.
The Holy Bible in Modern Literary Tibetan, New Tibetan Bible translation.
This translation is made available under the terms of the Creative Commons Attribution-NonCommercial-NoDerivatives 4.0 International license.
* Attribution: When using the New Tibetan Bible text, you must credit the New Tibetan Bible (new-tibetan-bible.com) as the source.
* NonCommercial: You may not sell the New Tibetan Bible text or use it for commercial purposes.
* NoDerivatives: You may share the New Tibetan Bible text, but you may not change it.