གསུང་མགུར 21 - New Tibetan Bible བོད་འགྱུར་གསར་མ།གསུང་མགུར་ཉེར་གཅིག༌པ། རྣམ་པར་རྒྱལ་བའི་བསྟོད་པ། 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཡ་ཝཱེ་ཁྱེད་ཀྱི་སྟོབས་ནང་རྒྱལ་པོ༌དགའ། །ཁྱེད་ཀྱི་རྒྱལ་ཁའི་དབང་གིས་རབ་ཏུ༌སྤྲོ།། 2 དེ་ཡི་སེམས་ཀྱི་འདོད་སྨོན་ཁྱེད་ཀྱིས༌བསྐངས། །ཁ་ནས་ཅི་ཞུས་ཀུན་ལ་བཀའ་ལན༌གནང༌།།༼ སེ༌ལཱ། ༽ 3 ཡིད་འོང་བྱིན་རླབས་དང་བཅས་ཁོ་རང༌བསུས། །ལྷད་མེད་གསེར་གྱི་ཅོད་པན་དེའི་མགོར༌བསྐོན།། 4 དེ་ཡིས་འཚོ་ཡུན་ཕྱིར་དུ་ཞུས་པ༌ན། །ཁྱེད་ཀྱིས་གཏན་དུ་ཚེ་ཐག་རིང་བར༌མཛད།། 5 ཁྱེད་ཀྱི་རྒྱལ་ཁའི་དབང་གིས་གཟི་དཔལ༌ཆེ། །ཟིལ་ཤུགས་བརྗིད་ཉམས་ཀྱིས་ནི་ཁོ་རང༌བརྒྱན།། 6 ཁྱེད་ཀྱིས་ཁོ་ལ་གཏན་གྱི་བྱིན་རླབས༌གནང༌། །ཁྱེད་དྲུང་ཁོ་རང་དགའ་ཞིང་སྐྱིད་པར༌མཛད།། 7 རྒྱལ་པོས་ཡ་ཝཱེར་ཡིད་རྟོན་བྱེད་པ༌དང༌། །བླ་ན་མེད་པ་ཉིད་ཀྱི་མཐའ་ཡས༌པའི། །བྱམས་བརྩེའི་དབང་གིས་ཁོ་ནི་གཡོ་བ༌མེད།། 8 ཁྱེད་ཀྱི་ཕྱག་གིས་དགྲ་བོ་ཐམས་ཅད༌རྙེད། །ཁྱེད་ཕྱག་གཡས་པས་དགྲ་ཟླ་འཛིན་པར༌འགྱུར།། 9 ཁྱེད་ཉིད་མངོན་སུམ་བྱོན་པའི་དུས་དེ༌ལ། །དེ་རྣམས་རབ་ཚའི་མེ་ཐབ་བཞིན་དུ༌མཛད། །ཡ་ཝཱེས་ཐུགས་ཁྲོ་དང་བཅས་ཁོ་རྣམས༌མིད། །མེ་ཡིས་དེ་རྣམས་འཇོམས་པར་བྱེད་པ་འོ།། 10 དེ་ཚོའི་བུ་རྒྱུད་ས་ནས་མེད་པར༌བྱེད། །དེ་རྣམས་ས་བོན་མི་ཡི་གྲས་ནས༌འཇོམས།། 11 དེ་ཚོས་ཁྱེད་ལ་ངན་སེམས་བཅངས༌ན་ཡང་། །ཁོ་ཚོས་སྤེལ་བའི་གཡོ་ཐབས་འགྲུབ་མ༌གྱུར།། 12 དེ་རྣམས་གདོང་ལ་གཏད་ནས་གཞུ་འཐེན༌དུས། །ཁོ་ཚོ་ཁ་ཕྱིར་འཁོར་ནས་འབྲོ་བར༌འགྱུར།། 13 ཀྱེ་ཀྱེ་ཡ་ཝཱེ་ཁྱེད་ཉིད་མཐུ་སྟོབས༌ནང༌། །ཁྱད་དུ་འཕགས་པར་གྱུར་དང་ངེད་རྣམས༌ཀྱིས། །ཁྱེད་ཀྱི་དབང་ལ་བསྟོད་ཅིང་མགུར་གླུ༌ལེན།། |
(cc) 2016-2023 པར་དབང་དམ་པའི་གསུང་རབ་བོད་འགྱུར་གསར་མའི་རྩོམ་སྒྲིག་སྡེ་ཚན་ལ་དབང་བ་ཡིན།
(cc) 2016-2023 New Tibetan Bible translation committee.
The Holy Bible in Modern Literary Tibetan, New Tibetan Bible translation.
This translation is made available under the terms of the Creative Commons Attribution-NonCommercial-NoDerivatives 4.0 International license.
* Attribution: When using the New Tibetan Bible text, you must credit the New Tibetan Bible (new-tibetan-bible.com) as the source.
* NonCommercial: You may not sell the New Tibetan Bible text or use it for commercial purposes.
* NoDerivatives: You may share the New Tibetan Bible text, but you may not change it.