གསུང་མགུར 11 - New Tibetan Bible བོད་འགྱུར་གསར་མ།གསུང་མགུར་བཅུ་གཅིག༌པ། དཀོན་མཆོག་ཡ་ཝཱེའི་ནང་དུ་ངལ་གསོ་ཐོབ་པ། 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཡ་ཝཱེ་ཁོང་ཉིད་ང་ཡི་སྐྱབས་གནས༌ཡིན། །དེས་ན་ཁྱོད་ཚོས་བདག་ལ་འདི་ལྟར༌དུ། །ཁྱོད་ནི་བྱ་ལྟར་རང་གི་རི་ལ༌ཕྲོས།། 2 ལྐོག་ནས་སེམས་རྒྱུད་དྲང་པོར་བསྣུན་པའི༌ཕྱིར། །ལྟོས་ཤིག་ངན་པའི་གཞུ་ཐིག་འཐེན་པ༌དང༌། །དེ་ཡི་སྟེང་དུ་མདའ་མོ་བསྐྱིལ་ནས༌ཡོད།། 3 རྩིག་རྨང་བཤིགས་པ་ཡིན་ན་དྲང་པོ༌ཡིས། །གང་ཞིག་བྱ་ནུས་ཞེས་སུ་སྨྲ་བ༌ཅི།། 4 ཡ་ཝཱེ་ཉིད་ཀྱི་མཆོད་ཁང་དམ་པར༌བཞུགས། །ཁོང་གི་རྒྱལ་ཁྲི་ནམ་མཁའི་ཡང་སྟེང༌དུ། །སྤྱན་གྱིས་མི་བུ་རྣམས་ལ་གཟིགས་པ༌དང༌། །སྤྱན་ཟུང་གིས་ནི་མི་ལ་བརྟག་དཔྱོད༌མཛད།། 5 ཡ་ཝཱེས་དྲང་པོ་ངན་པ་གཉིས་ཀར༌བརྟག །གཏུམ་སྤྱོད་ལ་ནི་དགའ་བར་ཁོང་ཉིད༌སྡང༌།། 6 མི་ངན་སྟེང་དུ་རྙི་རྒྱ་འབེབ་པ༌དང༌། །དེ་ཚོའི་ཕོར་པའི་ནང་གི་ཐོབ་སྐལ༌ནི། །མེ་དང་མུ་ཟི་ཚད་རླུང་བཅས་ཡིན༌ནོ།། 7 གང་ལ་ཞེ་ན་ཡ་ཝཱེ་དྲང་བདེན༌ཡིན། །ཁོང་ཉིད་སྤྱོད་པ་དྲང་པོར་ཐུགས་མཉེས༌ཤིང༌། །གཞུང་དྲང་མི་ཡིས་ཁོང་གི་ཞལ་ངོ༌མཇལ།། |
(cc) 2016-2023 པར་དབང་དམ་པའི་གསུང་རབ་བོད་འགྱུར་གསར་མའི་རྩོམ་སྒྲིག་སྡེ་ཚན་ལ་དབང་བ་ཡིན།
(cc) 2016-2023 New Tibetan Bible translation committee.
The Holy Bible in Modern Literary Tibetan, New Tibetan Bible translation.
This translation is made available under the terms of the Creative Commons Attribution-NonCommercial-NoDerivatives 4.0 International license.
* Attribution: When using the New Tibetan Bible text, you must credit the New Tibetan Bible (new-tibetan-bible.com) as the source.
* NonCommercial: You may not sell the New Tibetan Bible text or use it for commercial purposes.
* NoDerivatives: You may share the New Tibetan Bible text, but you may not change it.