ཡེར་མི་ཡཱ 45 - New Tibetan Bible བོད་འགྱུར་གསར་མ།ལེའུ་ཞེ་ལྔ་པ། ཡ་ཝཱེས་པཱ་རུག་ལ་ཞལ་བཞེས་གནང་བ། 1 ཡ་ཧུ་དཱའི་རྒྱལ་པོ་ཡོ་ཤི་ཡཱའི་བུ་ཡེ་ཧོ་ཡཱ་ཀིམ་བྱ་བའི་སྲིད་ལོ་བཞི་པར། ནེར་ཡཱའི་བུ་པཱ་རུག་གིས་ལུང་སྟོན་པ་ཡེ་རེམ་ཡཱའི་ཞལ་ལས་གསུངས་པའི་བཀའ་རྣམས་གླེགས་བམ་དུ་བཀོད་པ་སྟེ། ཡེ་རེམ་ཡཱ་ཡིས་པཱ་རུག་ལ་འདི་ལྟར། 2 ཀྱེ་པཱ་རུག་ལགས། ཡེས་ར་ཨེལ་གྱི་དཀོན་མཆོག་ཡ་ཝཱེས་ཁྱོད་ལ་འདི་སྐད་དུ། 3 སྔར་ཁྱོད་ཀྱིས་སྐྱོ་བ་ལ། དཀོན་མཆོག་ཡ་ཝཱེས་ངའི་ཟུག་གཟེར་གྱི་སྟེང་དུ་སྡུག་བསྔལ་བསྣན་པས། ང་འཁུན་ཞིང་ཐང་ཆད་དེ་ངལ་གསོ་མི་འཐོབ་བོ་ཞེས་སྨྲས་སོ། ། 4 དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱིས་དེ་ལ་འདི་ལྟར། ལྟོས་ཤིག ངས་རང་གིས་གང་ཞིག་བརྩིགས་པ་དེ་བཤིག་པར་འགྱུར་ལ། རང་གིས་གང་ཞིག་བཙུགས་པ་དེ་བསློག་པར་བྱ་སྟེ། ངས་ཡུལ་ཁམས་ཡོངས་སུ་དེ་ལྟར་བྱའོ། ། 5 ཁྱོད་ཀྱིས་རང་གི་ཆེད་དུ་དོན་ཆེན་རྣམས་སྙེག་པ་ཡིན་ནམ། མ་སྙེག་ཅིག ལྟོས་ཤིག ངས་མིའི་རིགས་ཐམས་ཅད་ལ་ཆག་སྒོ་འབྱུང་བར་བྱེད་མོད། འོན་ཀྱང་ཁྱོད་ནི་གང་དུ་སོང་ནའང་ངས་ཁྱོད་རང་དམག་འཁྲུག་ལས་སྲོག་ཐར་བར་བྱའོ་ཞེས་དཀོན་མཆོག་ཡ་ཝཱེས་གསུངས་སོ། ། |
(cc) 2016-2023 པར་དབང་དམ་པའི་གསུང་རབ་བོད་འགྱུར་གསར་མའི་རྩོམ་སྒྲིག་སྡེ་ཚན་ལ་དབང་བ་ཡིན།
(cc) 2016-2023 New Tibetan Bible translation committee.
The Holy Bible in Modern Literary Tibetan, New Tibetan Bible translation.
This translation is made available under the terms of the Creative Commons Attribution-NonCommercial-NoDerivatives 4.0 International license.
* Attribution: When using the New Tibetan Bible text, you must credit the New Tibetan Bible (new-tibetan-bible.com) as the source.
* NonCommercial: You may not sell the New Tibetan Bible text or use it for commercial purposes.
* NoDerivatives: You may share the New Tibetan Bible text, but you may not change it.