Numeri 7 - BIBELE

Matona a meloko a ntšha dineo

¹ Ka tšatši le Moshe a feditšego go hloma Ntlokgethwa ka lona, le go e tlotša, le go e kgetha le thoto ya yona ka moka, le dibjana tša yona ka moka, go di tlotša le go di kgetha,

² ka lona leo matona a Baisiraele, e lego bagolo ba meloko ya bona, ba tlišitše dineo; e be e le bagolo bala ba meloko, balaodi ba ba ba badilwego.

³ Ba tlišitše dineo tša bona pele ga Morena; e be e le dikoloi tše di selelago tša dihlaka, le dipholo tše lesome le metšo e mebedi. Bagolo ba babedi ba ntšhitše koloi e tee e tee, ba di tliša pele ga Ntlokgethwa.

⁴ Morena a bolela le Moshe a re:

⁵ Amogela tše ba di tlišago, e be tša go dira mediro ya Ngwako wa Kgwerano. Le di neele Balefi ka go lebanya mediro ya bona.

⁶ Moshe a amogela dikoloi tšeo le dipholo tšeo, a di neela Balefi.

⁷ Dikoloi tše pedi le dipholo tše nne o di neetše Bagerisone ka go lebanya mediro ya bona.

⁸ Dikoloi tše nne o di neile Bamerari, ka go lebanya mediro ya bona. Di be di lebelelwa ke Ithamara morwa wa Arone moperisita.

⁹ Bakahathe ga se a ba neela selo ka gobane modiro wa bona sekgethweng e be e le wa go rwala ka magetla.

¹⁰ Matona a tlišitše le dineo tša go kgakola aletare ka tšatši leo e tlodi -- tšwego ka lona. Ba beile dineo tša bona pele ga aletare.

¹¹ Gomme Morena a botša Moshe a re: Bagolo bao ge ba tliša dineo tša go kgakola aletare a ba tliše ka o tee ka tšatši le tee.

¹² E a tlišitšego neo ya gagwe ka tšatši la pele ke Nahesone morwa wa Aminadaba wa moloko wa Juda.

¹³ Neo ya gagwe e be e le mogopo wa silifera wa sekele tše lekgolo le masome a mararo, le moruswi wa silifera wa sekele tše masome a šupago, ka kelo ya sekgethwa. Ka dipedi di be di tletše bupi bjo bo tšhetšwego makhura gore e be sebego sa dijo;

¹⁴ le pitšana ya gauta ya sekele tše lesome e tletše diorelo;

¹⁵ le powana, le kgapa, le kwanyana ya ngwaga o tee ya sehlabelo;

¹⁶ le phoko ya seloba;

¹⁷ le seleboga sa kgomo tše pedi, le kgapana tše tlhano, le phoko tše tlhano, le kwanyana tše tlhano tša ngwaga o tee. Ke tšona dineo tša Nahesone morwa wa Aminadaba.

¹⁸ Wa tšatši la bobedi e be e le Nathaniele morwa wa Tsuari letona la Isashara.

¹⁹ O tlišitše neo ya gagwe; e be e le mogopo wa silifera wa sekele tše lekgolo le masome a mararo, le moruswi wa silifera wa sekele tše masome a šupago, ka kelo ya sekgethwa. Ka dipedi di be di tletše bupi bjo bo tšhetšwego makhura gore e be sebego sa dijo;

²⁰ le pitšana ya gauta ya sekele tše lesome e tletše diorelo;

²¹ le powana, le kgapa, le kwanyana ya ngwaga o tee ya sehlabelo;

²² le phoko ya seloba;

²³ le seleboga sa kgomo tše pedi, le kgapana tše tlhano, le phoko tše tlhano, le kwanyana tše tlhano tša ngwaga o tee. Ke tšona dineo tša Nathaniele morwa wa Tsuari.

²⁴ Wa tšatši la boraro e be e le Eliaba morwa wa Helone letona la Basebulone.

²⁵ Neo ya gagwe e be e le mogopo wa silifera wa sekele tše lekgolo le masome a mararo, le moruswi wa silifera wa sekele tše masome a šupago, ka kelo ya sekgethwa. Ka dipedi di be di tletše bupi bjo bo tšhetšwego makhura gore e be sebego sa dijo;

²⁶ le pitšana ya gauta ya sekele tše lesome e tletše diorelo;

²⁷ le powana, le kgapa, le kwanyana ya ngwaga o tee ya sehlabelo;

²⁸ le phoko ya seloba;

²⁹ le seleboga sa kgomo tše pedi, le kgapana tše tlhano, le phoko tše tlhano, le kwanyana tše tlhano tša ngwaga o tee. Ke tšona dineo tša Eliaba morwa wa Helone.

³⁰ Wa tšatši la bone e be e le Elitsuri morwa wa Sedeuri letona la Barubeni.

³¹ Neo ya gagwe e be e le mogopo wa silifera wa sekele tše lekgolo le masome a mararo, le moruswi wa silifera wa sekele tše masome a šupago, ka kelo ya sekgethwa. Ka dipedi di be di tletše bupi bjo bo tšhetšwego makhura gore e be sebego sa dijo;

³² le pitšana ya gauta ya sekele tše lesome e tletše diorelo;

³³ le powana, le kgapa, le kwanyana ya ngwaga o tee ya sehlabelo;

³⁴ le phoko ya seloba;

³⁵ le seleboga sa kgomo tše pedi, le kgapana tše tlhano, le phoko tše tlhano, le kwanyana tše tlhano tša ngwaga o tee. Ke tšona dineo tša Elitsuri morwa wa Sedeuri.

³⁶ Wa tšatši la bohlano e be e le Selumiele morwa wa Tsurishadai letona la Basimeone.

³⁷ Neo ya gagwe e be e le mogopo wa silifera wa sekele tše lekgolo le masome a mararo, le moruswi wa silifera wa sekele tše masome a šupago, ka kelo ya sekgethwa. Ka dipedi di be di tletše bupi bjo bo tšhetšwego makhura gore e be sebego sa dijo;

³⁸ le pitšana ya gauta ya sekele tše lesome e tletše diorelo;

³⁹ le powana, le kgapa, le kwanyana ya ngwaga o tee ya sehlabelo;

⁴⁰ le phoko ya seloba;

⁴¹ le seleboga sa kgomo tše pedi, le kgapana tše tlhano, le phoko tše tlhano, le kwanyana tše tlhano tša ngwaga o tee. Ke tšona dineo tša Selumiele morwa wa Tsurishadai.

⁴² Wa tšatši la go selela e be e le Eliasafa morwa wa Dehuele letona la Bagada.

⁴³ Neo ya gagwe e be e le mogopo wa silifera wa sekele tše lekgolo le masome a mararo, le moruswi wa silifera wa sekele tše masome a šupago, ka kelo ya sekgethwa. Ka dipedi di be di tletše bupi bjo bo tšhetšwego makhura gore e be sebego sa dijo;

⁴⁴ le pitšana ya gauta ya sekele tše lesome e tletše diorelo;

⁴⁵ le powana, le kgapa, le kwanyana ya ngwaga o tee ya sehlabelo;

⁴⁶ le phoko ya seloba;

⁴⁷ le seleboga sa kgomo tše pedi, le kgapana tše tlhano, le phoko tše tlhano, le kwanyana tše tlhano tša ngwaga o tee. Ke tšona dineo tša Eliasafa morwa wa Dehuele.

⁴⁸ Wa tšatši la go šupa e be e le Elisama morwa wa Amihudu letona la Baefuraimi.

⁴⁹ Neo ya gagwe e be e le mogopo wa silifera wa sekele tše lekgolo le masome a mararo, le moruswi wa silifera wa sekele tše masome a šupago, ka kelo ya sekgethwa. Ka dipedi di be di tletše bupi bjo bo tšhetšwego makhura gore e be sebego sa dijo;

⁵⁰ le pitšana ya gauta ya sekele tše lesome e tletše diorelo;

⁵¹ le powana, le kgapa, le kwanyana ya ngwaga o tee ya sehlabelo;

⁵² le phoko ya seloba;

⁵³ le seleboga sa kgomo tše pedi, le kgapana tše tlhano, le phoko tše tlhano, le kwanyana tše tlhano tša ngwaga o tee. Ke tšona dineo tša Elisama morwa wa Amihudu.

⁵⁴ Wa tšatši la seswai e be e le Gamaliele morwa wa Padatsuri letona la Bamanase.

⁵⁵ Neo ya gagwe e be e le mogopo wa silifera wa sekele tše lekgolo le masome a mararo, le moruswi wa silifera wa sekele tše masome a šupago, ka kelo ya sekgethwa. Ka dipedi di be di tletše bupi bjo bo tšhetšwego makhura, gore e be sebego sa dijo;

⁵⁶ le pitšana ya gauta ya sekele tše lesome e tletše diorelo;

⁵⁷ le powana, le kgapa, le kwanyana ya ngwaga o tee ya sehlabelo;

⁵⁸ le phoko ya seloba;

⁵⁹ le seleboga sa kgomo tše pedi, le kgapana tše tlhano, le phoko tše tlhano le kwanyana tše tlhano tša ngwaga o tee. Ke tšona dineo tša Gamaliele morwa wa Pedatsuri.

⁶⁰ Wa tšatši la senyane e be e le Abidani morwa wa Gideoni letona la Babenyamini.

⁶¹ Neo ya gagwe e be e le mogopo wa silifera wa sekele tše lekgolo le masome a mararo, le moruswi wa silifera wa sekele tše masome a šupago, ka kelo ya sekgethwa. Ka dipedi di be di tletše bupi bjo bo tšhetšwego makhura gore e be sebego sa dijo;

⁶² le pitšana ya gauta ya sekele tše lesome e tletše diorelo;

⁶³ le powana, le kgapa, le kwanyana ya ngwaga o tee ya sehlabelo;

⁶⁴ le phoko ya seloba;

⁶⁵ le seleboga sa kgomo tše pedi, le kgapana tše tlhano le phoko tše tlhano, le kwanyana tše tlhano tša ngwaga o tee. Ke tšona dineo tša Abidani morwa wa Gideoni.

⁶⁶ Wa tšatši la lesome e be e le Ahiesere morwa wa Amisadai letona la Badani.

⁶⁷ Neo ya gagwe e be e le mogopo wa silifera wa sekele tše lekgolo le masome a mararo le moruswi wa silifera wa sekele tše masome a šupago, ka kelo ya sekgethwa. Ka dipedi di be di tletše bupi bjo bo tšhetšwego makhura gore e be sebego sa dijo;

⁶⁸ le pitšana ya gauta ya sekele tše lesome e tletše diorelo;

⁶⁹ le powana, le kgapa, le kwanyana ya ngwaga o tee ya sehlabelo;

⁷⁰ le phoko ya seloba;

⁷¹ le seleboga sa kgomo tše pedi, le kgapana tše tlhano, le phoko tše tlhano, le kwanyana tše tlhano tša ngwaga o tee. Ke tšona dineo tša Ahiesere morwa wa Amisadai.

⁷² Wa tšatši la lesome le motšo o tee e be e le Pagiele morwa wa Okarane letona la Basere.

⁷³ Neo ya gagwe e be e le mogopo wa silifera wa sekele tše lekgolo le masome a mararo, le moruswi wa silifera wa sekele tše masome a šupago, ka kelo ya sekgethwa. Ka dipedi di be di tletše bupi bjo bo tšhetšwego makhura, gore e be sebego sa dijo;

⁷⁴ le pitšana ya gauta, ya sekele tše lesome e tletše diorelo;

⁷⁵ le powana, le kgapa le kwanyana ya ngwaga o tee ya sehlabelo;

⁷⁶ le phoko ya seloba;

⁷⁷ le seleboga sa kgomo tše pedi, le kgapana tše tlhano le phoko tše tlhano, le kwanyana tše tlhano tša ngwaga o tee. Ke tšona dineo tša Pagiele morwa wa Okorane.

⁷⁸ Wa tšatši la lesome le metšo e mebedi e be e le Ahira morwa wa Enani letona la Banafutali.

⁷⁹ Neo ya gagwe e be e le mogopo wa silifera wa sekele tše lekgolo le masome a mararo, le moruswi wa silifera wa sekele tše masome a šupago ka kelo ya sekgethwa. Ka dipedi di be di tletše bupi bjo bo tšhetšwego makhura, gore e be sebego sa dijo;

⁸⁰ le pitšana ya gauta ya sekele tše lesome e tletše diorelo;

⁸¹ le powana, le kgapa, le kwanyana ya ngwaga o tee ya sehlabelo;

⁸² le phoko ya seloba;

⁸³ le seleboga sa kgomo tše pedi, le kgapana tše tlhano, le phoko tše tlhano, le kwanyana tse tlhano tša ngwaga o tee. Ke tšona dineo tša Ahira morwa wa Enani.

⁸⁴ Ke tšona tša kgakolo ya aletare tše di ntšhitšwego ke matona a Baisiraele ka tšatši la go tlotšwa ga yona. E be e le megopo ya silifera e lesome le metšo e mebedi, le meruswi ya silifera e lesome le metšo e mebedi, le dipitšana tša diorelo tše lesome le metšo e mebedi tša gauta.

⁸⁵ Mogopo o mongwe le o mongwe e be e le wa sekele tše lekgolo le masome a mararo; moruswi o mongwe le o mongwe e be e le wa sekele tše masome a šupago. Gomme silifera ka moka ya dibja tšeo e be e le sekele tše dikete tše pedi le makgolo a mane, ka kelo ya sekgethwa.

⁸⁶ Dipitšana tše lesome le metšo e mebedi tša gauta tše di tletšego diorelo, ka e tee e be e le ya sekele tše lesome, ka kelo ya sekgethwa; mme gauta ka moka ya tšona e be e le sekele tše lekgolo le masome a mabedi.

⁸⁷ Dikgomo ka moka tša sehlabelo e be e le dipowana tše lesome le metšo e mebedi, le dikgapa tše lesome le metšo e mebedi, le dikwanyana tše lesome le metšo e mebedi tša ngwaga o tee tše di nago le dibego tša tšona tša dijo, le diphoko tše lesome le metšo e mebedi tša seloba.

⁸⁸ Dikgomo ka moka tša seleboga e be e le tše masome a mabedi le metšo e mene, le dikgapana tše masome a selelago, le diphoko tše masome a selelago, le dikwanyana tše masome a selelago tša ngwago o tee. Ke tšona tša kgakolo ya aletare, tša mohla e tloditšwego.

⁸⁹ Gomme ge Moshe a tsena Ngwakong wa Kgwerano go yo bolela le yena, o kwile lentšu le bolela nae le etšwa sekhurumelong sa polokelo ya molao mola gare ga Bakerubi bala ba babedi, go bolelwa le yena.