Eksodose 15 - BIBELE

Sereto sa Baisiraele, Mara, Elima

¹ Mohla woo Moshe le Baisiraele ba binetše Morena koša ba re: A nke ke binele Morena, ka gobane o tsogile a phagama. Dipitsi, le banamedi ba tšona, o di lahletše lewatleng,

² Maatla a ka, koša ya ka, ke Morena Monamodi wa ka. Modimo wa ka ke yena; a nke ke mo rete, Modimo wa botate; a nke ke mo tlotle,

³ Morena Mogale dintweng, mong wa ina leo la “Morena”!

⁴ Makoloi a Farao le dira tša gagwe, o di wetša lewatleng; bahlabani ba bagale bagwe o ba tekišitše kua Lehlakawatle.

⁵ Ba ribegetšwa ke mafula, ba sobela wa matlapa madibeng.

⁶ Morena, letsogo la gago le taga ka maatla a lona; Morena, letsogo la gago le roba manaba.

⁷ Barumodi ba gago o ba uša ka bogolo o phagame; O tuka bogale wa ba fiša bjalo ka mahlaka.

⁸ Wa budula o befetšwe, meetse a kubuga, Mafula a itlhopha wa maboto, Mola o rethile gara watle.

⁹ Lenaba la re: Ke a hlomarela, ke a swara! Ke tlo abaganya dithebola, ka gora ka bona. A nke ke khwamole tšhoša, atla sa ka se ba fetše.

¹⁰ Mme wena wa fo buša moya, watle la ba tšea; ba teka wa morodu, ba ile le bodiba bjo bogolo.

¹¹ Morena, mo go medimo moetšawena ke mang? Moetšawena Moithlama ka bokgethwa? Wa go retwa ka ditšhošabatho, Modiramatete.

¹² O emišitše tsogo le letona, mme lefase la ba metša.

¹³ Gomme setšhaba sa baphološwa ba gago, o se etetša ka botho, ka maatla a gago o se iša kua felo gokgethwa ga gago.

¹⁴ Ditšhaba di a di kwa, mme tša roromela; Go hlakgasela go wela ba la Filisita;

¹⁵ Kgošana tša Edomo bjale di tlaletšwe; Bagale ba Moaba ba swerwe ke go thothomela; Beng ba la Kanana bohle ba nolega moko;

¹⁶ Ba welwa ke dikgakanego le tlalelo; Ba hloka molomo ba bone bogolo bja atla sa gago; Go be go fete tšhaba sa gago, Morena; Go be go fete setšhaba sa baruiwa ba gago.

¹⁷ O tlo ba goroša, o tlo ba hloma thabeng tša naga ya gago, Felo mo wena Morena o tlogo aga gona, Sekgethweng se wena Mong a rena o tlogo se thea ka atla sa gago.

¹⁸ Kgoši neng le neng, ka mehla le mehla, ke yena Morena.

¹⁹ Ba itšalo ka gobane dipitsi tša Farao, le dikoloi tša gagwe, le banamedi ba tšona, ba be ba tsene lewatleng, mme Morena a gomiša meetse a lewatle a ba wela godimo, mola Baisiraele ba tšhetše lewatle ba gata mo go omilego.

²⁰ Bjale Miriama, kgaetšedi ya Arone, e a bego a le moporofeta, a swara moropa ka seatla, mme basadi ka moka ba tšwa nae ba swere meropa ba bina.

²¹ Miriama a ba hlabelela koša a re: Binelang Morena koša, ka gobane o tsogile a phagama; Dipitsi le banamedi ba tšona, o di lahletše watleng.

²² Gona moo Lewatleng la Mahlaka Moshe o tsogile le Baisiraele, mme ba tšwela lešokeng la Suri; ba sepela matšatši a mararo, ba se ke ba hwetša meetse.

²³ Ge ba fihla Mara, ba šitwa go nwa meetse a Mara, ka gobane a be a galaka. Leina la felo fao ge e le “Mara,” le ra go galaka.

²⁴ Setšhaba sa ngangana le Moshe sa re: Re tlo nwa eng?

²⁵ Moshe a hlabošetša Morena lentšu; mme Morena a mo laetša sehlare. Moshe a se lahlela meetseng, mme a ba bose. Gona moo o ba beetše molao le mokgwa; o ba lekile gona moo,

²⁶ a re: Ge o theetša ruri se Morena Modimo wa gago a se bolelago, ge o dira tše yena a bonago di lokile, ge o kwešiša melao ya gagwe mme o hlokomela ditaelo tša gagwe ka moka, gona nka se ke ka go tlišetša le bjo botee bja malwetši ale ke a tlišeditšego Baegipita; ka gobane ke nna Morena Moreku wa gago.

²⁷ Ba fihla Elima. Gona moo go na le didiba tše lesome le metšo e mebedi, le dihlare tša melala tše masome a šupago. Mme ba bokana gona moo meetseng.