Numeri 2 - BIBELE Taba yea Botse

Go beakanywa ga dikgoro mešašeng

¹ Morena o file Moshe le Arone ditaelo tše di latelago.

² Ge Baisraele ba hloma mešaša, monna yo mongwe le yo mongwe a hlome mošaša wa gagwe sekgaong sa gabo le sefokeng sa kgorwana ya gabo. Mešaša e hlongwe go rarela Tente.

^3-9 Ka thokong ya bohlabela ba sefoka sa sekgao sa Juda ba hlome mešaša ka dihlopha tša bona, ba na le baetapele ba bona, ka mokgwa wo: Kgoro Moetapele Palo Juda Nagshone, morwa wa Aminadaba 74 600 Isakara Netanele, morwa wa Tsuare 54 400 Sebulone Eliaba, morwa wa Helone 57 400 Palomoka: 186 400 Sekgao sa Juda se tloge pele.

Kgoro Moetapele Palo

^10-16 Ka borwa ba sefoka sa sekgao sa Rubene ba hlome mešaša ka dihlopha tša bona, ba na le baetapele ba bona, ka mokgwa wo: Kgoro Moetapele Palo Rubene Elitsure, morwa wa Shedeure 46 500 Simeone Shelumiele, morwa wa Tsurishadai 59 300 Gade Elisafo, morwa wa Reuele 45 650 Palomoka: 151 450 Sekgao sa Rubene se tloge se latele sa Juda.

Kgoro Moetapele Palo

¹⁷ Ke moka gare ga dikgao tše pedi tša mathomo le dikgao tše pedi tša mafelelo Balefi ba tloge ba rwele Tente. Dikgao ka moka di tloge ka tatelano ya tšona ya ge di hloma mešaša, se sengwe le se sengwe maemong a sona ka sefoka sa sona.

^18-24 Ka bodikela ba sefoka sa sekgao sa Efraime ba hlome mešaša ka dihlopha tša bona, ba na le baetapele ba bona, ka mokgwa wo: Kgoro Moetapele Palo Efraime Elishama, morwa wa Amihude 40 500 Manase Gamliele, morwa wa Pedatsure 32 200 Benjamene Abidane, morwa wa Gidoni 35 400 Palomoka: 108 100 Sekgao sa Efraime se tloge se latele sa Rubene.

Kgoro Moetapele Palo

^25-31 Ka leboa ba sefoka sa sekgao sa Dane ba hlome mešaša ka dihlopha tša bona, ba na le baetapele ba bona, ka mokgwa wo: Kgoro Moetapele Palo Dane Ahiesere, morwa wa Amishadai 62 700 Asere Pagiele, morwa wa Okrane 41 500 Naftali Ahira, morwa wa Enane 53 400 Palomoka: 157 600 Sekgao sa Dane se tloge morago.

Kgoro Moetapele Palo

³² Baisraele ka moka ba ba ngwadišitšwego dikgaong, sehlopha ka sehlopha, e be e le ba 603 550.

³³ Fela, bjalo ka ge Morena a be a laetše Moshe, Balefi ba ile ba se ke ba ngwadišwa le Baisraele ba bangwe.

³⁴ Ka gona Baisraele ba dira tšohle tše Morena a bego a di laetše Moshe. Ba hloma mešaša, ba bangwe le ba bangwe ka morago ga sefoka sa bona, gomme ba bangwe le ba bangwe ba tloga le ba kgorwana ya gabobona.