प्रेरितो काम 24 - नोयरी नोवलू नियम

फेलिक्सो सामने पौलुस

¹ दीहोओ फासाडी हनन्याह महायाजक खोब पुरनीयाह अने तीरतूल्लुस नावाआ एखा वोकीलाहा आरी लेत आव्यू अने ते सुभेदार आगाडी पौलाआ विरुद्ध केस कोअयी.

² जांहा तो बोलावला गोल्यो तेहलाम तिरतुल्लुस तियापो दोष लागाडी कोहू लाग्यू, ओ, महाराज फेलिक्स द्वारे आमाहा वोडी स्वस्थता जोडी होय अने ताआ प्रबंधांने आव जातीकोता अनेक वाईट सुधारत होय.

³ याल हर एक जागापो अने हर एक प्रकाराने धन्यवाद आरी मानतेहे.

⁴ पोन याकोअता का ताहु फासी दुख आपुहू इच्छित नाहा, आय ताहु विनंती कोअत्लू का कृपा कोईत आमाआं बेन एक गोठी होमलित ले.

⁵ काहाके का आमाहा आव मांहाहा उपद्रवी अने जगोआ आखे यहुदी माय बंद कोअनारू अने नासरी याआ पंथाचा मुख्य मिलव्यू होय.

⁶ तो मंदिराहा अशुद्ध कोहू इच्छिला पण आमाहा तियाहा तोईत लेधलो आमाहा तियाहा आमा व्यावास्थाच्या नुसार दंड आप्यू ओतलू,

⁷ पोन पलटनाआ मुखी लुसियास तियाहा जबरजस्ती आमाआ आथोमेहे रोत सांडाडीत लेदो.

⁸ अने शिपायाआ तापो आविलाआ आज्ञा आप्यी आव आखे गोथिहिई ज्याआ विषया माय आमाहा तियापो दोष लागाडीत तू खुद तियाहा तोपासित ले.

⁹ यहुदी माहु पण तिया हातीरी आपित कोयु, याआ गोठी याआ प्रकारोओ होय.

फेलिक्सो सामने पौलुसोओ उत्तर

¹⁰ जांहा सुभेदारआ पौलाहा बोलण्याचा संकेत कोईला वेले तेहलाम तिये उत्तर आप्लु, आय ओ जाईत का तू जाअखो वोराम आव जातीही न्याय कोईत होय आनंदावाही आपाआ उत्तर आपित होय.

¹¹ तू स्वतः जणू शकतो का जांहा पोरोत आय यरुशलेमो उपासना कोइला कोअता आवयू माहु बारा दिहारोत जाखो उवे नाहा.

¹² तिये माहु नाहा मंदिरोम, नाहा प्रार्थना कोआत, नाहा नगरामेहे कोडाआरी वाद कोअत्लू तेहलाम किंवा गोर्दी पालील्यो,

¹³ अने नाहा ताहा ते तियाअ गोठीही ज्याचा ते ओमे मापो दोष लागाडीत होय, ताआगाडी खोरो प्रमाणित कोहू सेकतेहे.

¹⁴ पोन आय ताआगाडी ओ नाव लेहो का तियाअ पंथाला पाखंड कोतेहे त्याज रीतीपो आय आगलाआ परमेश्वरोओ नमन कोअल्त्तू अते ज्या गोठी नियमशास्त्र अने संदेष्ट्याआ पुस्तकामेहे लेखिलो होय तियाअ आखापो विश्वास कोअत्लू.

¹⁵ अने परमेश्वरोओ आशा मेकोहो काजे आपु पण मेकात्ले का धोर्मी अने अधर्मी बेनुअजा जिवंत उठीलो उवे.

¹⁶ याकोअता आय स्वतःपण यत्न कोअत्लू का परमेश्वराही माहुपोरोत माआ बुद्धी कायम निर्दोष राहो.

¹⁷ जाअखो वर्षानंतर आय आपाआ माहुंहु अर्पण पोहचावडीलोओ अने भेट सोडावुहु कोअता आवयू ओतू.

¹⁸ तिये माहु मंदिरोम, शुद्ध हालोंम, बिना गोर्दी आरी अने बिना दंगु कोअत्लू तेहलाम, भेट चोडविलो पालील्यो होय आशियाआ किबी यहुदी ओते तियाहा उचित ओते

¹⁹ का केधी माआ विरोधाम तियापो किबी गोठी होय ताहा इही तुमा आगाडी मापो दोष लवावा.

²⁰ किंवा याआ स्वतः देखाडूलो का जांहा आय महासभामे उबु ओतु तेहलाम तिये मामेहे कोडु अपराध पालील्यो?

²¹ आव होमला गोठीकोता सोडीत जी माहु तीयाम उभे रोत आयडीत कोयु ओते मोल्यामरोत जिवंत उठीला विषया माय ताआ आगाडी आज मुकदमा चालीलो होय.

²² फेलिक्स याआ पंथाआ ए गोठी ठीक-ठीक उलखित्लू ओतु तियाहा ओ कोत आप्लु का जांहा पलटणचा सुभेदार लुसियास आवे तेहलाम तुमाआ गोठीई निर्णय कोअही.

²³ अने सुबेदाराहा आज्ञा आप्यी का पौलाहा किबी वेल सुडविलो मेकीत राखवालदारी कोईली अने तियाआ दोस्तामरोन कोडाआ पण तियाआ सेवा कोईत थांबवायचे नाहा.

पौलुसोओ फेलिक्स अने तिया लाडीरी बातचीत

²⁴ किबी दिहो नंतर फेलिक्स आपाआ लाडी द्रुसिल्ला जी यहुदी ओती आरी घेऊन आवयू अने पौलाहा हादीत तियाअ विश्वासाआ विषया माय जो ख्रिस्त येशु उपो होय त्यापोरोत होमल्यु.

²⁵ जाहा तो धर्म अने संयम अने आवनाराआ न्यायाआ चर्चा कोईत ओतु तेहलाम फेलिक्स बितकोईत उत्तर आप्लु, ओमेजा, वेल पालीत ताहु फासी हादाळीते.

²⁶ तियाहा पौलाआरी किबी रुपये जोडीला पण आशा ओती याकोअता फासी हादीत तियाआ आरी गोठी कोईत रोतलू.

²⁷ पोन जाहा बेन वर्षानंतर ताहा पुर्कीयास फेस्तुस फेलिक्स च्या जागापो आवयू अने फेलिक्स यहुदी माहुंहु खुश कोइलाआ इच्छावाहि पौलाहा बंदीच सोडीत गोल्यो.