2 कुरिन्थि 13 - नोयरी नोवलू नियम

आखरी चेतावनी

¹ ओमे तिसऱ्या टायमोमें आय तुमाआ जागे आवत्लू बेन किंवा तीन साक्षीदारांच्या सोबिमरोत हर एक गोठी नियुक्त कोअयी जाइलो.

² जेहलो आय जांहा दिहरा टायमोमें तुमाआरी ओतु तेहलूज ओमे सेटेरोत ओतलू तियाअ मांहाआरी जिये पहीले पाप कोल्यु अने दिहरा आखे माहुंहु ओमे पहिलुच कोत आपोहो का जर आय फासी आविलो ताहा सोडविणारू नाहा,

³ काहाके तुमु ताहा याआ प्रमाण मागतेहे का ख्रिस्त मामेहे गोगीत होय जे तुमा कोअता अशक्त नाहा पण तुमामे समर्थी होय.

⁴ तो निर्बल मुळे क्रूसापोओ सोडवियू गोल्यो तेबी पण परमेश्वरोओ सामर्थ्यावाही जिवंत होय आमाहा पण तीयाम अशक्त होय पण परमेश्वरोओ सामर्थ्यावाही तुमाआ याकोअता त्याआरी जिवंत रोही.

⁵ स्वतःहा पारखिल्यु पाला का विश्वास मेहे होय का नाहा, स्वतःहा पारखत्लू की तुमामे स्वतः विषयी मालुम नाहा का येशु ख्रिस्त तुमामे होय? नहाते तुमु पारखिल्यो बेन कामोओ निकलीलू होय.

⁶ पोन माआ आशा होय का तुमामे मालुम ओत जानारू का तुमु बेन कामोओ नाहा.

⁷ आमू आपाआ परमेश्वरोओ ए प्रार्थना कोअत्लू का तुमु किबी वाईट कोहू कायना, याकोअता नाहा का आमाहा खोरो देखिलो जोवे, पण यकोअता का तुमु हाजो कोअला जोवे, जेबी आमाहा बेन कामोओ ठराविलो.

⁸ काहाके आमू सत्त्याआ विरोधाम किबी कोहू शकत नाहा, पण सत्यासाठीच कोहू शकतो.

⁹ जाहा आमू अशक्त होय अने तुमु बलवान होय, ताहा आमाहा खुश ओतू, अने ए प्रार्थना पण कोअत्लू का तुमु पुरोओत जाहू जोवे.

¹⁰ यामुळे जर तुमाआ फासओ आव गोठी लेखातुलू, का उपस्थित ओत माहु तियाअ अधिकारा प्रमाणोओ ज्याहा प्रभूने बिगडाविलो कोते नाहा पण बोनाविलाकाजे माहु आप्लु होय वातडो डोआवाही वागुई कायना.

शुभकामना अने आशीर्वाद

¹¹ आखरी ऐ पाही, आनंदाम रो, पुरो उवनारा जा; हिमंत मेका एकुच मोन मेकिलो रो, अने प्रेम अने शांतीचा दाता परमेश्वर तुमाआ आरी रोही.

¹² एक दिहराहा पवित्र चुंबनाने नमस्कार को

¹³ आखे पवित्र मांहे तुमामे सलाम कोअता.

¹⁴ प्रभु येशु ख्रिस्ता अनुग्रह अने परमेश्वरा अने प्रेम अने पवित्र आत्माआ सहभागिता तुमु आखा आरी ओती रोय.