Salmane 4 - Norsk ovesettelse 1978/85 nynorsk

Kveldssong

¹ Til korleiaren. Med strengespel. Ein Davids-salme.

² Når eg ropar, så svar meg, du Gud som er mi rettferd. I nauda fann du utveg for meg. Ver meg nådig, og høyr mi bøn!

³ De menneske, kor lenge skal mi ære krenkjast? Kor lenge vil de elska fåfengd og jaga etter lygn og svik? Sela

⁴ Vit at Herren gjer under for den som er trufast mot han. Herren høyrer når eg ropar til han.

⁵ Skjelv av redsle og synda ikkje meir, tenk dykk om på lega, og ver stille! Sela

⁶ Ber fram dei rette offer, og set dykkar lit til Herren!

⁷ Det er mange som seier: «Gjev vi fekk oppleva lukke! Lat ljoset frå ditt åsyn skina over oss, Herre!»

⁸ Du gjev meg større glede i hjarta enn dei andre har når dei får korn og vin i mengd.

⁹ I fred vil eg leggja meg ned og sova. For du, Herre, einast du lèt meg kvila trygt.