Salmane 1 - Norsk oversettelse 1938 nynorsk

Sæla åt den gudlege, 1-3; den usæle lagnaden åt dei ugudelege, 4-6.

¹ Sæl er den mann som ikkje gjeng i råd med ugudlege og ikkje stend på veg med syndarar og ikkje sit i sæte med spottarar,

² men som hev si lyst i Herrens lov og grundar på hans lov dag og natt.

³ Han er lik eit tre som er planta ved rennande bekker, som gjev si frukt i si tid, og som lauvet ikkje visnar på; og alt det han gjer, hev han lukka med.

⁴ Ikkje so er det med dei ugudlege; men dei er lik agner, som vinden føykjer burt.

⁵ Difor skal dei ugudlege ikkje standa seg i domen, og syndarar ikkje i samlingi av dei rettferdige.

⁶ For Herren kjenner vegen dei rettferdige fer, men den vegen dei ugudlege fer, gjeng til grunns.