Sup 27 - V'nen P'as iv'i Turanien Trtarep' m'a Turanien M'dah

¹ Sarei ml, a Sup iv'ana uam, kavr ti a,

² “Inep'a nut Atua isilv' inap'ei, Hin itlev'la sera v'nen hua, la ip'as ha, asnk, a ti nkalak p'as. Atua na Nut Hua Udlani iten sarei ti nrn istu arna m'im'ilk, inep'a ti ihaau.

³ Naran nm'im'in uam, Naran m'im'ilk, la iendan asn Atua ha, iter uam al lkk,

⁴ Pnk ikav'ana kavrp'ep'a si stu, Nm'k ikavrp'ep'a hap'ilien.

⁵ Iaviviln a ti p'evr ti kam'i kvvrdaui uaki. P'klk iviviln uaki, nkaruh arna v'ahien lera dav'a ti silv'ienak ipahiris.

⁶ Aau, kana p'klk iviviln, nuada si lera, nkalni. Nlk ikasip'len kana, dav'a ti nkasilv' ml.

⁷ Nrn ti m'ertu, la imlen kana ha, ipanep'a sera m'ertu stu, Aau, nrn ti m'ertu, la ip'tir a ti iparp kana ha, ipanep'a sera m'ertu iaviviln.

⁸ ?Sena ti m'ertu, la ip'ip'en lamuru ha, irndu ti ipalev' ultin ipastudau, v'eti ipatrah v'ata, Ipavr ti Atua ipalev'la silv'ienan?

⁹ ?Atua ipav'rn ani naran ipav'ara eia, Naran der ipaiari?

¹⁰ ?Hin ipalak mima asn Atua na Nut Hua Udlani karn ip'as ani? ?Ipav'ara an Atua ipel?

¹¹ Kana p'ev'iv'en sei a kam'i, aau, p'evrur lm'an Atua. Nkatutuan sei naran p'evrur sei iter asn Atua na Nut Hua Udlani.

¹² Nsarei kam'i ktvla sarei pr; ?V'eti kvnep'a sera m'ertu ptn ihei sena v'ata?

¹³ Nadep', la m'ertu na si stu ilav'i asn Atua ha, inap'i laha, Sei arm'ertu, la avutakm a m'ertu uraur avlav'i asn Atua na Nut Hua Udlani ha, inap'i laha:

¹⁴ Ipavr ti a natn apavstudau, ipav'i a ti tali han iparpr uaki, Armardelan apavhan p'ret, v'eti akavrapd.

¹⁵ Arm'ertu, la apavlak uam naran hin itam'a sarei ha, hir lera apavram'a uaki, sarei apatinr. Tvtanu, la avv'i nkar ha, akavvalau sanar.

¹⁶ Ipavr ti ipatupien silva, v'eti ipanep'a sera ieneiev' uaki, Ipavr ti ipan m'ev' lil m'a klus, inep'a nut aani m'a vdrei inap'ei,

¹⁷ Aau, hin ipatupien klus lera, v'eti m'ertu viviln ipauei pr. Aau, m'ertu, la ahavan si stu nakl ha, apavtupapr silva lera anr.

¹⁸ M'ertu inap'i lera ihl nmahan inep'a nut kakrus iani inap'ei. Iv'i nmah tvtv uaki, aau, iani inep'a nut m'ertu ip'aus nut ihli inap'ei.

¹⁹ Dui, la iak a sei ha, ipam'atr a nadep', v'eti akalev'la p'akn, Ipaiela m'aten, v'eti itam'a sarei uaki.

²⁰ Ipadedrn ipalahml sarei uaki, aau, v'ahien lera ipatavkari ipanep'a nut uiniv' iani inap'ei. Aau, nalen lil ipalev'luei lihat.

²¹ Nalen, la iendan arna Is ha, ipalev'luei, laha, ikalak ml, Ipalev'lei a utan.

²² Nalen lera iparpi dav'a dav'a, ikarn istu ani, Laha, ipadedrn ipastudau karuh, a ti nut hua na nalen ikaiari ml.

²³ M'ertu apavusa lm'ar ani, Apavsip'lani dav'a ti iparuh a utan.