Matiu 1 - V'nen P'as iv'i Turanien Trtarep' m'a Turanien M'dah

Nl nam'elan a Iesu Kristu

¹ Puk laha iv'iv'en nl nam'elan a Iesu Kristu, iv'i a Natn a Divt kav'i a Natn a Epraham.

² A Epraham iv'i a tetian Aisak, Aisak iv'i a tetian a Sikup, A Sikup iv'i a tetiar a Suta m'er tv'aln udlani.

³ A Suta iv'i a tetiar a Peres m'ei a Serah, a uniar iv'i a Tamar. A Peres iv'i a tetian a Esrun, a Esrun iv'i a tetian a Ram.

⁴ A Ram iv'i a tetian Aminatap, Aminatap iv'i a tetian a Nasun, a Nasun iv'i a tetian a Salmun.

⁵ A Salmun iv'i a tetian a Puas, a unian iv'i a Rehap. A Puas iv'i a tetian a Up'et, a unian iv'i a Rut. A Up'et iv'i a tetian a Sesi.

⁶ A Sesi iv'i a tetian a Mlin a Divt. A Mlin a Divt iv'i a tetian a Sulumun, a unian iv'i a naun a Uraia itauamu.

⁷ A Sulumun iv'i a tetian a Riupuam, a Riupuam iv'i a tetian Apaisa, Apaisa iv'i a tetian Asa.

⁸ Asa iv'i a tetian a Siusavat, a Siusavat iv'i a tetian a Siuram, a Siuram iv'i a tetian a Usaia.

⁹ A Usaia iv'i a tetian a Sutam, a Sutam iv'i a tetian Ahas, Ahas iv'i a tetian a Esekaia.

¹⁰ A Esekaia iv'i a tetian a Manasa, a Manasa iv'i a tetian Amun. Amun iv'i a tetian a Susaia.

¹¹ A Susaia iv'i a tetiar a Sehuiakin m'er tv'aln udlani, arna naran alav'r arm'ertu a Isrel kauirv'ar a Papilun.

¹² Naran atlev' sarar katuirv'ar a Papilun, hin a Sehuiakin ima kav'i a tetian a Sialtiel, a Sialtiel iv'i a tetian a Serupapel.

¹³ A Serupapel iv'i a tetian Apiut, Apiut iv'i a tetian a Eliakim, a Eliakim iv'i a tetian Asur.

¹⁴ Asur iv'i a tetian a Satuk, a Satuk iv'i a tetian Ahim, Ahim iv'i a tetian a Ilaiut.

¹⁵ A Ilaiut iv'i a tetian a Eliesa, A Eliesa iv'i a tetian a Matan, a Matan iv'i a tetian a Sikup.

¹⁶ A Sikup iv'i a tetian a Susev', iv'i a naun a Meri, la ilev' a Iesu, avr ti iv'i a Kristu ha.

¹⁷ Itudina hin aranan a Epraham ima kaier a Divt, a tetian inal lman iv'a, aranan a Divt ml ima kaier naran alav'r kauirv'ar a Papilun, a tetian inal lman iv'a, naran avlav'r kauirv'ar a Papilun ima kaier a Kristu, a tetian inal lman iv'a ml.

A Kristu iak asn a Meri

¹⁸ A Iesu iak inap'i laha. Attukar sarei a Meri, iv'i a unian, a ti ipav'i a naun a Susev', v'eti naran idam'atr m'ei, ala ti itkar, arna nut huan a M'im'iln P'as.

¹⁹ A Susev, a naun, iv'i dui pas iamk, hin iarn ti ipani a Meri ipamamih. Sena si lera, irn ti ipakapr turanien lera arna navanel tutuah uaki.

²⁰ V'eti naran iv'ahur si lera, pavrni, im'atr kala ti enselan a Mlin Eia iv'iv'en hin ani, kavr ti a, “Susev', kv'i a natn a Divt, madedrn a ti pauei a Meri ipav'i a naum, sena ti mardel ilak a nln iv'i a natn a M'im'iln P'as.

²¹ Hin ipalev' Dui, nakm patu nahan ipav'i a Iesu, sena ti Hin ipalev'la m'ertuan arna si stuar.”

²² Si udlani lera isapa v'nen a Mlin Eia ivri arna pn dui na v'nenan kavr ti a,

²³ “Pavrni, vitar ipamk dui kinkin idam'atr m'ei, ipatkar kalev' Dui, apatu nahan ipav'i a Emanuil,” naha lera avavi, iv'i “Atua ilak asnd.”

²⁴ Naran a Susev' ithal, iani inep'a nut enselan a Mlin Eia itv'iv'en sarei ani inap'ei, kalev' a Meri iv'i a naun ilak asnn.

²⁵ V'eti iam'atr m'ei ier naran a Meri ilev' a Natn Dui titiamu, laha a Susev' itu nahan iv'i a Iesu.