Esta 10 - V'nen P'as iv'i Turanien Trtarep' m'a Turanien M'dah

A Mutekai ima kav'i dui lil iamk arna v'anu

¹ Laha, a mlin Ahasueras itaui ti arm'ertu arna v'anu, m'er arm'ertu avlak arna aelan nakl, apavul takis nakl.

² Laha, si udlani iani, la iv'iv'en ti hin iv'i mlin lil iamk kahua ihuadau ha, m'a v'nen p'as ivrur ti a Mutekai iv'i dui lil iamk, iv'i sei a mlin itau ani, si udlani lera avulul ani arna puk iamk ivrur sei armlin a Mitia m'ei a Pesia avani nakl.

³ Sena ti a Mutekai, iv'i m'ertu a Suta, iv'i mlin lil iamk, a mlin Ahasueras uaki iv'i mlin lil kasiv'i. Arm'ertu a Suta avv'ahur ti iv'i dui lil iamk, laha, arm'ertu istudau, la avv'i tv'aln ha, avrn ip'as ani istudau. Hin iv'i dui irn ti ipamhmah anr arm'ertuan, kav'ana arna tamat m'er arm'ertuan udlani.