Ap'u 5 - V'nen P'as iv'i Turanien Trtarep' m'a Turanien M'dah

A Natn Atam itauatah ani

¹ Puk laha iv'iv'en nl nam'elan Atam. Arna napn Atua ien m'ertu, iani inep'a hin.

² Hin ianr arv'i dui m'a tav'et. Arna napn ianr imhmah anr katu nahar iv'i M'ertu.

³ Naran Atam paian inelnal iv'amk pln ineltl (130), mardel iamk iak asnn, inep'a sera hin, kav'i m'lkn. Itu nahan iv'i a Set.

⁴ A Set iak asn Atam, sarei kasilv' ml pai inelnal iv'asatl (800). Dui m'a tav'et kinkin ml aviak asnn.

⁵ Atam isilv' dav'a ier pai inelnal iv'asav'et pln ineltl (930), sarei kadam'a.

⁶ A Set isilv' dav'a pai inelnal iv'amk pln ilm' (105), sarei a Inus iak asnn.

⁷ A Inus iak sarei, laha a Set isilv' ml dav'a pai inelnal iv'asatl pln isaru (807). Dui m'a tav'et kinkin ml aviak asnn.

⁸ Paian a Set inelnal iv'asav'et pln inal lman iru (912), sarei kadam'a.

⁹ A Inus isilv' dav'a pai inelsav'et (90), sarei a Kainan iak asnn.

¹⁰ A Kainan iak sarei, a Inus isilv' uam dav'a pai inelnal iv'asatl pln inal lman ilm' (815). Dui m'a tav'et kinkin ml aviak asnn.

¹¹ Paian a Inus inelnal iv'asav'et pln ilm' (905), sarei kadam'a.

¹² A Kainan isilv' dav'a pai inelsaru (70), sarei a Mahalalel iak asnn.

¹³ A Mahalalel iak sarei, laha a Kainan isilv' uam dav'a pai inelnal iv'asatl pln inelv'a (840). Dui m'a tav'et kinkin ml aviak asnn.

¹⁴ Paian a Kainan inelnal iv'asav'et pln inal (910), sarei kadam'a.

¹⁵ A Mahalalel isilv' dav'a pai inellm'sei pln ilm' (65), sarei a Saret iak asnn.

¹⁶ Naran a Saret itiak sarei, laha a Mahalalel isilv' uam dav'a pai inelnal iv'asatl pln ineltl (830). Dui m'a tav'et kinkin ml aviak asnn.

¹⁷ Paian a Mahalalel inelnal iv'asatl pln inelsav'et, nelnal iv'amk nen ilm' (895), sarei kadam'a.

¹⁸ A Saret isilv' pai inelnal iv'amk pln inellm'sei pln iru (162), sarei a Inuk iak asnn.

¹⁹ A Inuk iak sarei, laha a Saret isilv' ml dav'a pai inelnal iv'asatl (800). Dui m'a tav'et kinkin ml aviak asnn.

²⁰ Paian a Saret inelnal iv'asav'et pln inellm'sei pln iru (962), sarei kadam'a.

²¹ A Inuk isilv' pai inellm'sei pln ilm' (65), sarei a Metusala iak asnn.

²² A Metusala iak sarei, laha a Inuk iv'el m'ei Atua pai inelnal iv'atl (300). Dui m'a tav'et kinkin ml aviak asnn.

²³ Paian a Inuk inelnal iv'atl pln inellm'sei pln ilm' (365).

²⁴ A Inuk iv'el m'ei Atua, sarei ialak ml, sena ti Atua ilav'i.

²⁵ A Metusala isilv' pai inelnal iv'amk pln inelsatl pln isaru (187), sarei a Lameh iak asnn.

²⁶ A Lameh iak sarei, laha a Metusala isilv' uam pai inelnal iv'asaru pln inelsatl, nelsav'et nen iru (782). Dui m'a tav'et kinkin ml aviak asnn.

²⁷ Paian a Metusala inelnal iv'asav'et pln inellm'sei pln isav'et (969), sarei kadam'a.

²⁸ A Lameh isilv' pai inelnal iv'amk pln inelsatl pln iru (182), sarei a natn dui iamk iak asnn.

²⁹ Itu nahan iv'i a Nua kavr ti a, “Dui laha ipani ti p'vrn ipap'as naran nvm'akar kavan sei a lm'ad, sena ti nadep' iter a nv' nl reran a Mlin Eia.”

³⁰ A Nua iak sarei, laha a Lameh isilv' uam pai inelnal iv'alm' pln inelsav'et pln ilm' (595). Dui m'a tav'et kinkin ml aviak asnn.

³¹ Paian a Lameh inelnal iv'asaru pln inelsaru pln isaru (777), sarei kadam'a.

³² A Nua paian inelnal iv'alm' (500), laha a Sem, a Ham m'ei a Sep'et aviak asnn.