Números 2 - Nivaclé Bible

Chiyisclanvatich'e pa vat'ichavat

¹ Pa Lhcaanvacle yiyôjiesha pa Moisês shi' pa Aarón pa yit'esha:

² “Vooy japi Israel lhavos isjop ca nasnatesh pava lhatsha'nuvos ca ninayeemey clee na lhavôjqu'e na Tsha'nuvo'esh ti Chivatvan'e, pa ve'lhaae ts'ivee pa yinôôclhanitsha sivôclôc lhayeech ti chiyvenchatesh ts'ivee papi yitsôt'ajesh t'ajôôjam.

³ “Yiey na lhum'ôcjinucjulh pa t'ichavat jayu japi c'afoquelhayesh ti yinôôlhanitsha pa sivôclôc lhayeech yitsôt'ajesh ja Judá. Vooy ja tc'a'sham ja Judá caaj ja lhanvacleesh lhey Naasón, lhaôs ja Aminadab,

⁴ yiey jan lhjunash ti chiyitsjuulh ti yamvatsham setenta y cuatro mil seiscientos japi nivacle.

⁵ Natvayjulh japi lhech pa t'ichavat jayu japi c'afoquelhayesh yiey ja tc'a'sham ja Isacar, ti caaj ja lhanvacleesh Natanael, lhaôs ja Zuar,

⁶ yiey jan lhjunash ti chiyitsjuulh ti yamvatsham japi cincuenta y cuatro mil cuatrocientos japi nivacle.

⁷ Shi' shta ca natvayjulh japi lhech pa t'ichavat jayu japi c'afoquelhayesh yiey ja tc'a'sham ja Zabulón, ti caaj ja lhanvacleesh Eliab, lhaôs ja Helón,

⁸ yiey jan lhjunash ti chiyitsjuulh ti yamvaatsham japi cincuenta y siete mil cuatrocientos japi nivacle.

⁹ Nôque lhjunash ja vat'ichavat yie' ja Judá pa pu'jana'esham japi c'afoquelhayesh, pa yamvatsham ciento ochenta y seis mil cuatrocientos japi nivacle ti yie' t'ajuyish japi Israel lhavos.

¹⁰ “Vooy na fiyatjulh pa t'ichavat jayu japi c'afoquelhayesh ti yinôôclhanitsha pa sivôclôc lhayeech yiey ja tc'a'sham ja Rubên. Ti caaj ja lhanvacleesh Elisur, lhaôs ja Sedeur,

¹¹ yiey jan lhjunash ti chiyitsjuulh ti yamvatsham japi cuarenta y seis mil quinientos japi nivacle.

¹² Pa natvayjulh japi lhech pa t'ichavat jayu japi c'afoquelhayesh ja tc'a'sham ja Simeón, ti caaj ja lhanvacleesh Selumiel, lhaôs ja Zurisadai,

¹³ yiey jan lhjunash ti chiyitsjuulh ti yamvatsham japi cincuenta y nueve mil trescientos japi nivacle.

¹⁴ Shi' shta japi lhech tavayjulh jayu pa t'ichavat japi c'afoquelhayeshja tc'a'sham ja Gad, ti caaj ja lhanvacleesh Eliasaf, lhaôs ja Reuel,

¹⁵ yiey jan lhjunash ti chiyitsjuulh ti yamvatsham japi cuarenta y cinco mil seiscientos cincuenta japi nivacle.

¹⁶ Nôque lhjunash ja vat'ichavat yie' ja Rubên pa pu'janasham japi c'afoquelhayesh, pa yamvatsham ciento cincuenta y un mil cuatrocientos cincuenta japi nivacle, ti napu'esh'e pa yie' jayu.

¹⁷ “Vooy japi levitas yuyey jayu ts'ivee tatsha yiey java yichatjulhsham vat'ichavtes, pa nichaaj jayu ts'ivee ja Tsha'nuvo'esh ti Chivatvan'e. Pava yichatjulhsham vat'ichavates pa ninijiyinch'e jayu jan lhjunash ti tayôjijanesh pa vat'ichavat ti yichaaj ts'ivee pava yitsôt'ajesh chinôôclhanita sivôclôc lhayjey.

¹⁸ “Yiey na nuutch'ejulh caaj pa t'ichavat jayu japi c'afoquelhayesh pa yichaaj jayu pa yinôôclhanitsha sivôclôc lhayeech tô'lha ja Efraín. Ti caaj ja lhanvacleesh Elisama, lhaôs ja Amiud,

¹⁹ yiey jan lhjunash ti chiyitsjuulh ti yamvatsham japi cuarenta mil quinientos japi nivacle.

²⁰ Pa natvayjulh japi lhech pa t'ichavat jayu japi c'afoquelhayesh ja tc'a'sham ja Manasês, ti caaj ja lhanvacleesh Gamaliel, lhaôs ja Pedasur,

²¹ yiey jan lhjunash ti chiyitsjuulh ti yamvatsham japi treinta y dos mil doscientos japi nivacle.

²² Pa natvayjulh shta japi lhech pa t'ichavat jayu japi c'afoquelhayeshpa tc'a'sham ja Benjamín, ti caaj ja lhanvacleesh Abidán, lhaôs ja Gedeoni,

²³ yiey jan lhjunash ti chiyitsjuulh ti yamvatsham japi treinta y cinco mil cuatrocientos japi nivacle.

²⁴ Nôque lhjunash ja vat'ichavat yiey ja Efraín pa pu'janasham jayu japi c'afoquelhayesh pa yamvatsham jayu japi ciento ochenta mil cien japi nivacle, ti pu'jana'esham jayu ja yie'shi.

²⁵ “Vooy ja fchenajjulh caaj jayu pa t'ichavat japi c'afoquelhayesh ti yichaaj jayu pa yinôôclhanitsha pa sivôclôc lhayeech yiey ja Dan. Ti caaj ja lhanvacleesh Ahiezer, lhaôs ja Amisadai,

²⁶ yiey jan lhjunash ti chiyitsjuulh ti yamvatsham japi setenta y dos mil setecientos japi nivacle.

²⁷ Pa natvayjulh japi lhech pa t'ichavat jayu japi c'afoquelhayesh ja tc'a'sham ja Aser, ti caaj ja lhanvacleesh Pagiel, lhaôs ja Ocrán,

²⁸ yiey jan lhjunash ti chiyitsjuulh ti yamvatsham japi cuarenta y un mil quinientos japi nivacle.

²⁹ Pa tavayjulh jayu shta japi lhech pa t'ichavat japi c'afoquelhayesh ja tc'a'sham ja Neftalí, ti caaj ja lhanvacleesh Ahira, lhaôs ja Enán,

³⁰ yiey jan lhjunash ti chiyitsjuulh ti yamvatsham japi cincuenta y tres mil cuatrocientos japi nivacle.

³¹ Nôque lhjunash ja vat'ichavat yiey ja Dan pa pu'janasham jayu japi c'afoquelhayesh, pa yamvatsham jayu japi ciento cincuenta y siete mil seiscientos japi nivacle, pa lhech yôj'e jayu pa yie' ts'ivee.”

³² Ti chiyitsjuulh pat'ajôôjam papi Israel lhavos ti vacalhsham ti c'afoquelhayesh pa seiscientos tres mil quinientos cincuenta papi nivacle.

³³ Taj ti vooy pan t'ônasheshem pa Lhcaanvacle pa Moisês papi levitas ti nichinu'esham ti chiyitsjuulh.

³⁴ Vooy papi Israel lhavos yisnatesh lhacôm'a pan t'ônasheshem pa Lhcaanvacle ti yiyôjiesha pa Moisês: pa ve'lhee ts'ivee pa t'ichavat pa yitsôt'ajesh yinôôclhanitsha ti yicheelh papi yitsôt'ajesh lhpo'c'ojam shi' pat'ajôôjam.