San Mateo 1 - Nivaclé Bible

Papi p'alha' tô'lha pa Jesucristo

¹ Nôque vatqu'isjayanach chiyi'sesh'e lhapesh java lheyis papi lhacchevot ja Jesucristo, jô lhech tô'lha papi ve'lheelhsham pa David shi' pa Abraham.

² Pa Abraham lhô'sesh pa Isaac, pa Isaac lhô'sesh pa Jacob, pa Jacob lhô'sesh pa Judá shi' papi lhch'injavot.

³ Pa Judá lhô'sesh pa Fares shi' pa Zara, vooy lhpa lhamimi lhey Tamar. Pa Fares lhô'sesh pa Esrom, pa Esrom lhô'sesh pa Aram.

⁴ Pa Aram lhô'sesh pa Aminadab, pa Aminadab lhô'sesh pa Naasón, pa Naasón lhô'sesh pa Salmón.

⁵ Pa Salmón lhô'sesh pa Booz, vooy lhpa lhamimi lhey Rahab. Pa Booz lhô'sesh pa Obed, vooy lhpa lhamimi lhey Rut. Pa Obed lhô'sesh pa Isaí.

⁶ Pa Isaí lhô'sesh pa lhcaanvacle David, pa lhcaanvacle David lhô'sesh pa Salomón, vooy lhpa lhamimi lhch'acfaesh lhapesh pa Urias.

⁷ Pa Salomón lhô'sesh pa Roboam, pa Roboam lhô'sesh pa Abías, pa Abías lhô'sesh pa Asa.

⁸ Pa Asa lhô'sesh pa Josafat, pa Josafat lhô'sesh pa Joram, pa Joram lhô'sesh pa Uzías.

⁹ Pa Uzías lhô'sesh pa Jotam, pa Jotam lhô'sesh pa Acaz, pa Acaz lhô'sesh pa Ezequías.

¹⁰ Pa Ezequías lhô'sesh pa Manasés, pa Manasés lhô'sesh pa Amón, pa Amón lhô'sesh pa Josías.

¹¹ Pa Josías lhô'sesh pa Jeconías shi' papi lhch'injavot, jan t'aplhuqué ti chiychajey japi israelitas ja cotsjaat Babilonia.

¹² Meelh ti tapec papu lhech, pa lhechesh pa caaj pa lhaôs pa Jeconías pa lhey Salatiel, pa Salatiel lhô'sesh pa Zorobabel.

¹³ Pa Zorobabel lhô'sesh pa Abiud, pa Abiud lhô'sesh pa Eliaquim, pa Eliaquim lhô'sesh pa Azor;

¹⁴ Pa Azor lhô'sesh pa Sadoc, pa Sadoc lhô'sesh pa Aquim, pa Aquim lhô'sesh pa Eliud.

¹⁵ Pa Eliud lhô'sesh pa Eleazar, pa Eleazar lhô'sesh pa Matán, pa Matán lhô'sesh pa Jacob.

¹⁶ Pa Jacob lhô'sesh pa José, pa lhech lhjayaesh lhpa María, lhpa lhech lhamimi ja Jesús lhey shta Cristo.

¹⁷ Pa Abraham catorce pat'ajôôjjam papi tô'lha pa yamjey pa David, pa David catorce shta pat'ajôôjjam papi tô'lha pa yamjey pan t'aplhu' ti chiychajey papi israelitas pa cotsjaat Babilonia. Vooy pap'elh catorce shta pat'ajôôjjam pa yamjey ti nivat'aj ja Cristo.

Ti nivat'aj pa Jesucristo

¹⁸ Lhech lhjunash ti nivat'aj ja Jesucristo: Lhja lhamimi María lhanjuyjascheesh ja José; jôjjeclay ninôveelhvacop ti yituma. Yitumjat pa t'unaj pa Espíritu Santo.*xc*

¹⁹ Vooy ja José lhanjuyjatsech'esh lhja María. Yaychavalhey ca nitayjop jô lhech jaspa tanca nitanchayjayesh.

²⁰ Meelh ti yaychavalhtajey navôque, pa lhechesh pa nijujom ti yi'van pa lh'angel pa Lhcaanvacle ti yit'esh: “José, lhtôôlhsham papi ve'lheelhsham pa David, ya aj ca anjovaayshi ti ajayaesh jayu lhja María, lhayaash pa lhaôs ti tô'lha ja Espíritu Santo.

²¹ Caaj jayu pa lhaôs, pa lhech eyiyanesh jayu Jesús. Lhayaash ti yilhjenesh jayu japi nivacle pava lhsasch'esha'ne.”*xd*

²² Navôque lhacôm'a vaclan jaspa yôfisch'e ja t'ônashesh lhapesh pa Lhcaanvacle ti yiyôjaa papi chiytôyjata pava ti vaclan:

²³ “Yituma jayu lhpa lhutsja pa caaj jayu pa lhaôs, pa lhech lhanquey jayu Emanuel” (côque lhey nôque yich'e': “Yimônlhanitjajop pa Dios”).,,

²⁴ Meelh ti nijat'o ja José, pa yisnatesh pan t'ônash pa lh'ángel pa Lhcaanvacle, pa lhjayaesh lhja María.

²⁵ Taj ti tanca namaan, vooy ti yamey ti nivat'aj ja vatjutsa' lhaôs JESUS.