NUMERI 2 - SURAT BARASIH BARITA BAHALAP

Eka genep suku hong eka bakemah

¹ Tuhan hamauh dengan Moses tuntang Aron:

² “Katika oloh Israel mampendeng kemahe, genep oloh musti mampendeng kemah intu kaliling bandera pasukae mahapan tanda jalahan ayue kabuat. Uras kare kemah te musti impendeng hakaliling Kemah-Ku, tapi kejau isut bara hete.”

^3-9 Intu hila timor, tentara je mamenda bandera Yuda musti mampendeng kemah manumon pasukan ayue dengan pamimpin ayue kabuat manumon susunan je kalotoh: SUKU PAMIMPIN KARE BITIE Yuda Nahason anak Aminadab 74.600 Isakhar Eliab anak Suar 54.400 Sebulon Eliab anak Helon 57.400 Samandiaie 186.400 Pasukan Yuda te musti haguet pangkaheloe.

SUKU PAMIMPIN KARE BITIE

^10-16 Intu hila salatan, tentara je mamenda Ruben, musti mampendeng kemah manumon pasukan dengan pamimpie kabuat-kabuat manumon susunan je kalotoh: SUKU PAMIMPIN KARE BITIE Ruben Elisur anak Sedeur 46.500 Simeon Selumiel anak Surisadai 59.300 Gad Elyasap anak Rehuel 46.650 Samandiaie 151.450 Pasukan Ruben musti haguet kilau gilir je kadue.

SUKU PAMIMPIN KARE BITIE

¹⁷ Limbah te, intu bentok hapus tentara Israel, mananjong suku Lewi sambil meton Kemah Tuhan. Sama kilau katika ewen mampendeng kemah, kalote kea ewen mananjong, genep pasukae intu ekae manumon kare banderan ewen.

^18-24 Intu hila barat, tentara je mamenda bandera Epraim musti mampendeng kemah manumon pasukae dengan genep pamimpie huang susunan je kalotoh: SUKU PAMIMPIN KARE BITIE Epraim Elisama anak Amihud 40.500 Manase Gamaliel anak Padasur 32.200 Benyamin Abidan anak Gideoni 35.400 Samandiaie 108.100 Pasukan Epraim musti mananjong intu likut suku Lewi.

SUKU PAMIMPIN KARE BITIE

^25-31 Intu hila utara, tentara je mamenda bendera Dan musti mampendeng kemah manumon pasukan dengan genep pamimpie manumon susunan je kalotoh: SUKU PAMIMPIN KARE BITIE Dan Ahieser anak Amisadai 62.700 Aser Pagiel anak Okran 41.500 Naptali Ahira anak Enam 53.400 Samandiaie 157.600 Pasukan Dan haguet kilau je pangkarahiae.

SUKU PAMIMPIN KARE BITIE

³² Kare bitin oloh Israel je indaptar huang kare pasukan manumon genep pasukae iete 603.550 biti.

³³ Kilau je irentah Tuhan akan Moses, oloh Lewi dia indaptar hayak dengan kare oloh Israel je beken.

³⁴ Oloh Israel malalus kakare taloh je irentah Tuhan akan Moses. Genep kemah aton intu kaliling banderae kabuat, tuntang haguet manumon jalahae tuntang keluargae.