MASMUR 1 - SURAT BARASIH BARITA BAHALAP

BUKU IJE SOLAKE MASMUR 1–41 Kasanang je toto

¹ Salamat oloh je dia manumon nasehat oloh papa, dia manyonto oloh badosa tuntang dia hinje dengan oloh je manawah Hatalla,

² tapi je rajin malalus parentah Tuhan tuntang mangumange handau hamalem.

³ Oloh te bahasil hong kare gawie; ie kilau upon kayu intu saran sungei je mamua intu wayahe tuntang dia puji balayu dawee.

⁴ Kabalikae oloh papa: ie kilau bulu je inantawus riwut.

⁵ Oloh papa kareh ihukum Hatalla, hakim aie, tuntang imisah bara ungkup Ayue.

⁶ Awi oloh panumon ingagalan tuntang ingalindong Tuhan, tapi oloh papa manintu akan kabinasa.