GENESIS 10 - SURAT BARASIH BARITA BAHALAP

Rinting horoi kare anak Noah

¹ Jetoh rinting horoi kare anak Noah, iete Sem, Ham tuntang Yapet. Limbah danum soho ewen mandino anak hatue.

² Kare anak Yapet iete Gomer, Magog, Madai, Yawan, Tubal, Meseh tuntang Tiras.

³ Turonan Gomer iete oloh Askenas, Ripat tuntang Togarma.

⁴ Turonan Yawan iete oloh Elisa, Spanyol, Siprus tuntang Rodes.

⁵ Ewen te tato hiang ain kare bangsa je melai hong kare pasisir tasik tuntang hong kare pulau. Jete uras turonan Yapet. Genep bangsa tuntang suku melai hong lewue kabuat-kabuat, tuntang aton basae kabuat.

⁶ Kare anak Ham iete Kus, Mesir, Libia, Kanaan.

⁷ Turonan Kus iete oloh Seba, Hawila, Sabta, Raema tuntang Sabtakha. Turonan Raema iete oloh Seba tuntang Dedan.

⁸ Kus bara anak hatue arae Nimrod je jadi oloh gancang je solake hong kalunen.

⁹ Hapan pandohop Tuhan tuntang ie jadi oloh pamandop je abas. Awi te oloh hamauh, “Keleh Tuhan manjadian ikau oloh pamandop je abas kilau Nimrod.”

¹⁰ Solake kerajaan ayue iete Babel, Erekh, tuntang Akad. Katelo-teloe te uras hong Babilonia.

¹¹ Bara hete ie haguet akan Asur, palus mampendeng lewu Niniwe, Rehobot-Ir, Kalah,

¹² tuntang Resen je aton helat Neniwe dengan Kalah. Urase te lewui hai.

¹³ Turonan Mesir iete oloh Lidia, Ananim, Lehabim, Naptohim,

¹⁴ Patrusim, Kasluhim tuntang Kaptorim. Oloh Kasluhim te tato hiang ain bangsa Pilistin.

¹⁵ Kare anak Kanaan iete Sidon, je bakas, tuntang Het.

¹⁶ Kanaan te kea tato hiang ain bangsa Yebusi, Amori, Girgasi,

^17-18 oloh Hewi, Arki, Sini, Arwadi, Semari tuntang Hamati. Kare suku oloh Kanaan te kasaburan hete-hete,

¹⁹ sampai saran watas lewun ewen impalombah bara Sidon akan salatan manintu Gerar, sampai tokep Gasa. Tuntang akan hila timor manintu Sodom, Gomora, Adma, tuntang Seboim, sampai tokep Lasa.

²⁰ Jete uras turonan Ham. Genep bangsa tuntang suku melai hong lewue kabuat-kabuat tuntang aton basae kabuat.

²¹ Sem, kaka Yapet, iete tato hiang ain bangsa Ibrani.

²² Kare anak Sem iete Elam, Asur, Arpaksad, Lud tuntang Aram.

²³ Turonan Aram iete oloh Us, Hul, Geter tuntang Mas.

²⁴ Arpaksad bapa Selah. Tuntang Selah bapa Eber.

²⁵ Eber aton anake due hatue; ije arae Peleg, awi hong jaman te kare bangsa hong kalunen jari bagi-bagia. Je kaduee arae Yoktan.

²⁶ Turonan Yoktan iete oloh Almodad, Selep, Hasar-Mawet tuntang Yerah,

²⁷ Hadoram, Usal, Dikla,

²⁸ Obal, Abimael, Seba,

²⁹ Opir, Hawila tuntang Yobab. Uras ewen te turonan Yoktan.

³⁰ Kaleka ewen te sasar lombah bara Mesa akan Separ iete tanah bukit hila timor.

³¹ Jete uras turonan Sem. Genep bangsa tuntang suku melai hong lewue kabuat-kabuat tuntang mahapan basae kabuate.

³² Ewen handiai te uras turonan Noah, mije-mije bara bangsae, manumon rinting horoi ewen mije-mije. Ewen te je jadi asal turonan kare bangsa hong kalunen toh limbah danum soho te.