Mateyu 1 - Nlakano Nahihano ni Masalmo 1930

¹ Livro a oyariwa wa Yesu Kristu, mwana a Davide, mwana a Abrahamu.

² Abrahamu áyara Isake; nave Isake áyara Yakobo; nave Yakobo áyara Yuda ni annawe;

³ nave Yuda áyara Farese ni Zara mwa Tamare; nave Farese áyara Ezronu; nave Ezronu áyara Aramu;

⁴ nave Aramu áyara Aminadabe; nave Aminadabe áyara Naasoni; nave Naasoni áyara Salmoni;

⁵ nave Salmoni áyara Boazi mwa Rahabe; nave Boazi áyara Obede mwa Rute; nave Obede áyara Yese;

⁶ nave Yese áyara Davide mwene owo.

⁷ Nave Davide áyara Solomoni mwa mwara a Uriya; nave Solomoni áyara Roboamu; nave Roboamu áyara Abiya; nave Abiya áyara Asa;

⁸ nave Asa áyara Yosafete; nave Yosafete áyara Yoramu; nave Yoramu áyara Uziya;

⁹ nave Uziya áyara Yotama; nave Yotama áyara Ahaze; nave Ahaze áyara Hezekiya;

¹⁰ nave Hezekiya áyara Manase; nave Manase áyara Amoni; nave Amoni áyara Yosiya;

¹¹ nave Yosiya áyara Yekoniya ni annawe va mahiku ókushiwa o Babulo.

¹² Nave vachuli vaya va okushiwa iwo o Babulo, Yekoniya áyara Salatieli; nave Salatieli áyara Zorobabele;

¹³ nave Zorobabele áyara Abiyudi; nave Abiyudi áyara Eliyakimu; nave Eliyakimu áyara Azoro;

¹⁴ nave Azoro áyara Sadoki; nave Sadoki áyara Akimu; nave Akimu áyara Eliyudi;

¹⁵ nave Eliyudi áyara Eleazara; nave Eleazara áyara Matani; nave Matani áyara Yakobo;

¹⁶ nave Yakobo áyara Yosefe, iyawe a Mariya, yowo Yesu otchuwiwa Kristu áyariwe mwa yowo.

¹⁷ Hiha maloko othene opacherya va Abrahamu ophiyerya va Davide ti maloko khumi na masheshe; nave opacherya va Davide ophiyerya vókushiwa o Babulo maloko khumi na masheshe; nave opacherya vókushiwa o Babulo ophiyerya wa Kristu maloko khumi na masheshe.

Oyariwa wawe wa Yesu Kristu.

¹⁸ Nave oyariwa wawe wa Yesu Kristu wári wawihiha: Amannya Mariya áhakameliwa ti Yosefe, nyenya ehithelanne yawo, áphwanyiwa yowo arupanle mwa Munepa Wawéla.

¹⁹ Nyenya Yosefe iyawe, ári ékhaikhai, nave’tho hákhwenle omúliha muru, érerya m’murimani omuhiya yowo wiphini.

²⁰ Nyenya vawupuwela?-?upuwela yowo itchu iha, onani, ngelo a Apwiya áhoneya wa yowo mulohani, alocha, Yosefe, mwana a Davide, ohóve wikusherya mekhá Mariya mwará; vawi eyo yawakheliwa mwa yowo eri ya Munepa Wawéla.

²¹ Nave anarwa‐ayara mwana mwamulopwana, nave onarwa‐omutchuwa nsina nawe Yesu; vawi Yola anarwa‐avulusha atchu awe wa sotcheka saya.

²² Nave sothe sene iha sákhala wi yériwe yolochiwa ti Apwiya mwa mulipa‐miririmo, ni wi,

²³ Onani mwali anarwa‐arupala, Nave anarwa‐ayara mwana mwamulopwana, Nave enarwa‐emutchuwa nsina nawe Emanueli; ti notaphuleya, Muluku ni Hiyo.

²⁴ Nave Yosefe ávinya va erilo awe, éra ntoko énriye omuléla ngelo a Apwiya, íkusherya mekhiye mwariye;

²⁵ nave hámusuwenle yowo ophiyerya amuyanre mwanawe; amutchuwa nsina nawe Yesu.