श्रेष्‍ठगीत 6 - पवित्र बाइबल

यरूशलेमका स्त्रीहरू ऊ सित बोल्छन्

¹ हे सुन्दरी स्त्री, भन तिम्रा प्रेमी कहाँ गएका छन्? भन तिनी कुन बाटो गएका छन्? ताकि हामी उहाँको खोजीगर्न तिमीलाई सहायता गर्न सकौं।

यरूशलेमका स्त्रीहरूलाई तिनी उत्तर दिन्छिन्

² मेरो प्रेमी आफ्नो बगैंचामा जानुभएको छ। उहाँ बगैंचालाई हेर्न र त्यहाँबाट लिलीहरू बटुल्न जानु भएको छ।

³ म मेरा प्रेमीकी हुँ र उहाँ मेरो प्रेमी हुनुहुन्छ। उहाँ लिली फूलको बगैंचामा डुल्नु हुन्छ।

उनी सित ऊ बोल्छ

⁴ तिमी तिर्सा जस्तै सुन्दरी छौ, तिमी यरूशलेम जस्तै आकर्षक छौ। तिमी एउटा झण्डा बोक्ने डरलाग्दो सेना झैं सहासी छौ।

⁵ तिम्रा आँखाहरूले मलाई अति उत्तेजित बनाउँछन्। अनि तिम्रो केश लामो र घुम्रिएको छ। गिलाद पर्वतबाट तलतिर ओर्लदै गरेका बाख्राहरूको बगाल झैं। यसर्थ तिमीले मलाई नहेर।

⁶ तिम्रो दाँतहरू नुहाएर निस्केका र कत्रन तयार रहेका भेंडा़हरू जस्तै छन्। तिनीहरू सबै जुम्ल्हा पाठाहरू जन्माए अनि तिनीहरू मध्ये एउटा पनि गुमाएनन्।

⁷ घुम्टो मित्र तिम्रा ती कनपटहरू एस्ता छन् कि जस्ता दारीमका फ्याकलाहरू हुन्।

⁸ उहाँका साठ्ठी रानीहरू छन् अनि अस्सी रखौटीहरू अनि अनगन्ती नयाँ तरूणीहरू छन्।

⁹ तर त्यहाँ मेरो ढुक्कुरको निम्ति एउटै स्त्री छन्, मेरो सम्पूर्णता जुन आमाले तिनलाई जन्माइन्, ती आमाकी प्रसिद्ध नानी, जवान स्त्रीहरूले देखेर प्रशंसा गरे, अनि रानीहरू र रखौटीहरूले पनि तिनको प्रशंसा गरे।

स्त्रीहरूले उसको प्रशंसा गर्छन्

¹⁰ ती कन्या स्त्री को हुन्? अरूणोदय झैं चम्कन्छिन् जुनझैं सुन्दरी छिन्। तिनी घामझैं चहकिली छिन् तिमी एउटा झण्डा बोक्ने डरलाग्दा सेनाझैं साहासी छौ।

ऊ उनीसित बोल्छन्

¹¹ म तल ओखरको बगैंचा तिर गएँ बेंसीहरूको फल हेर्न दाखहरू फूल्यो कि भनेर हेर्न दारिमले कोपीलाहरू लगायो कि भनेर हेर्न गएँ।

¹² तिनले मलाई मेरा मानिसहरूको सब भन्दा राम्रो रथमा चढ्न मन्जुरी दिएको अनुभव गरें।

यरूशलेमका स्त्रीहरूले तिनलाई बोलाए

¹³ हे शूलम्मेनी फर्केर आऊ, फर्केर आऊ, फर्केर आऊ ताकि हामी तिमीलाई हेर्न सक्छौं, किन तिमीहरूले शूलम्मेनीलाई, सेनाहरूको युद्ध छाउनीमा नर्तकीलाई झैं हेरिरहेका छौ!