Nduyo 1 - Bhaibheri Rakachena muChindau

BHUKU ROKUTANGA ( Nduyo 1—41 ) Kudakara kweGwinyiso

¹ Unomuchena munhuwo usikahambi ngokupanga kwevakashata, usikaemi munjira yevashaishi, usikagari pachigaro chevaangarari;

² asi kudakara kwake kuri mumupango waMambo Mwari, unopinimidza ngomupango wake masikati nousiku.

³ Naye unozodai ngomuti wakasimwa pasinde pemigero yemvura, unobara michero yawo ngenguva yawo, mashakani awo aazofoti. Zveshe zvaanoita, unozobudirira.

⁴ Vakashata avazi kudaropi, asi vakadai ngezungu rinotorwa ngedutu.

⁵ Ndizvo vakashata avazoemi mukutongwa, nokuti vashaishi mumushongano wevakarurama;

⁶ ngokuti Mambo Mwari unozia njira yevakarurama, asi njira yevakashata inozopera.