VPOM 5 - Ngochang

Adam Diusjangh Caiq

¹ Heika Adam dah diusjangh caiq cho nghuot. Mangso dius lyis gvnkhanh dah buisnyeis lyis, nyang lyis Mangso dah vwot teh kuot toh.

² Nyang gas vbusbih yahge vmesbih lyis gvnkhanh toh lho lha, nyah aiq yuk lyis shvmanh dyei. Housoeh nyah aiq yuk lyis gvnkhanh las nyang nyah zomh lyis Dius, ge nyhink.

³ Adam dvxo somhci zvn bos lyis, nyah gungsdoeus lho, nyah vwot teh doeus dah yukgis lo dvyuk bos. Nyang lyis Set ge nyhink.

⁴ Set khoeu thang lhyi Adam gas xetxo zvn nyeis shih. Nyang mas gohtoeu yukgis lo eq nyelo eq tsain bos shih.

⁵ Adam dah nyenhkyi dvnganh lyis gauxo somhci zvn nyeis khoq las shei.

⁶ Set dvxo oeng zvn bos lyis nyang mas yaus zis Enosh nghuot.

⁷ Set gas Enosh bos thang lhyi xetxo nyhet zvn nyeis khoq shih Gohtoeu yukgis lo eq nyelo eq tsain bos shih.

⁸ Set dah nyenhkyi dvnganh lyis gauxo dvci aiq zvn nyeis khoq las shei.

⁹ Enosh ka gauci zvn bos lyis, nyang mas yaus zis Kenan nghuot.

¹⁰ Enosh ka Kenan bos thang lhyi xetxo dvci oeng zvn nyeis shih. Gohtoeu yukgis lo eq nyelo eq tsain bos shih.

¹¹ Enosh dah nyenhkyi dvnganh lyis gauxo oeng zvn nyeis khoq las shei.

¹² Kenan gas nyhetci zvn bos lyis, nyang mas yaus zis Mahalale nghuot.

¹³ Kenan gas Mahalale bos thang lhyi xetxo nyeici zvn nyeis shih. Gohtoeu yukgis lo eq nyelo eq tsain bos shih.

¹⁴ Kenan dah nyenhkyi dvnganh lyis gauxo dvci zvn nyeis las shei.

¹⁵ Mahalale gas khyukci oeng zvn bos lyis, nyang mas yaus zis Yared nghuot.

¹⁶ Mahalale gas Yared bos thang lhyi xetxo somhci zvn nyeis shih. Gohtoeu yukgis lo eq nyelo eq tsain bos shih.

¹⁷ Mahalale dah nyenhkyi dvnganh lyis xetxo gauci oeng zvn nyeis khoq las shei.

¹⁸ Yared gas dvxo khyukci aiq zvn bos lyis, nyang mas yaus zis Enok nghuot.

¹⁹ Yared gas Enok bos thang lhyi xetxo zvn nyeis shih. Gohtoeu yukgis lo eq nyelo eq tsain bos shih.

²⁰ Yared dah nyenhkyi dvnganh lyis gauxo khyukci aiq zvn nyeis khoq las shei.

²¹ Enok gas khyukci oeng zvn bos lyis, nyang mas yaus zis Methusela nghuot.

²² Enok gas Methusela bos thang lhyi Mangso yah dvgeh somhxo zvn suh e. Gohtoeu yukgis lo eq nyelo eq tsain bos shih.

²³ Enok dah nyenhkyi dvnganh lyis somhxo khyukci oeng zvn nghuot.

²⁴ Enok gas Mangso yah dvgeh suh e lha, nyang lyis Mangso thot shwih loh goeus yvmvyah nyang ma nyeis lo.

²⁵ Methusela gas dvxo xetci nyhet zvn bos lyis, nyang mas yaus zis Lamek nghuot.

²⁶ Methusela gas Lamek bos thang lhyi nyhetxo xetci aiq zvn nyeis shih. Gohtoeu yukgis lo eq nyelo eq tsain bos shih.

²⁷ Methusela dah nyenhkyi dvnganh lyis gauxo khyukci gau zvn nyeis khoq las shei.

²⁸ Lamek gas dvxo xetci aiq zvn bos lyis yukgis lo dvyuk bos.

²⁹ Nyang nyah lo lyis Noa ge nyhink las taiq zis gas, Haih lo gas Yhensain nhoengh toh dah nyeisjvng mas, yah loq yah zwi khank las nyungdaus dah yang lyis nhaiqtaink das soeu nghuot, ge.

³⁰ Lamek gas Noa bos thang lhyi oengxo gauci oeng zvn nyeis shih. Gohtoeu yukgis lo eq nyelo eq tsain bos shih.

³¹ Lamek dah nyenhkyi dvnganh lyis nyhetxo nyhetci nyhet zvn nyeis khoq las shei.

³² Noa gas oengxo zvn bos thang lhyi, nyang mas yaus zis Shem, Ham yahge Yaphet tsain nghuot.