Ôsea 9 - Bibili 1927 (Omyene)

¹ Israèl, ayeṉ’igeṽa ni mbya, egolaṉi g’aṉongo, konde ô re pa p’ôkuṽi wo g’ôṽelaṉô ntigage Yeôva, konde ô re tonda p’ipa ibe gw’arèviṉô môdu m’ibile!

² Ireṽiṉô ny’ilônda n’ivyariṉô ny’ilônda nyi ze nyeze waô, n’ôbuka wi be maṉô.

³ Wi ze dwaṉe gô ntye yi Yeôva; Efrayim e be fwinya gw’Egipt, ko waô ny’inya s’isèkè gw’Asur.

⁴ Wi ze jir’intyagô s’ivè gôre Yeôva: si ze tondye yè. Intyagô saô si be dwaṉa gôre waô ga mpèmba ya mongi w’iwoga; waôdu wi be nya yô wi be feva, konde mpèmbi yaô yi be dwaṉa kaô gôre waô, yi ze jingiṉe du gô nagô yi Yeôva.

⁵ Aṉwè be denda sè gw’intyugu s’ôrunda, gw’intyugu s’ifèti si Yeôva?

⁶ Konde vôna, wi kènda g’ômwanja w’ijiliza; Egipt e be datiza waô, Mof e be bèṉa waô; siki yaô, yi r’ezom̃a zi njôni gôre waô, yi be bongô n’ifalifa, n’arèndè mi be pôm̃a gw’inagô saô s’akuku.

⁷ W’abyeṉô ne intyugu s’ôgôm̃a, w’abyeṉô n’intyugu s’ekôlè: Israèl e be mya! Ôvogisi ar’ôtem̃u, ôma re n’iṉiṉa aperyô n’ôgu, g’ômwanja w’ibuṉa s’ibe so na s’ipavi so.

⁸ Efrayim ne ôṽèmbisi gô sir’Anyambyè yam̃; ôvogisi ... ne isinga ny’ômbeṉa w’inyoṉi gw’impoṉo sè sôdu, n’ôlôvalôvi gô nagô y’Anyambyè yè.

⁹ W’afweviz’ikuṽi yaô pôlô, ga gw’intyugu si Gibea; Yeôva e be jônginy’ibe saô, e be tevuṉ’ibe saô.

¹⁰ My’alèng’Israèl egolaṉi gw’ilônda y’igoli gw’itôve, my’ayeṉ’ireri saṉi ga ilônd’iwonde y’erere zi figi; ndô w’akèndi gôre Baal‐Peor, av’ikuṽi yaô g’ôgaṉ’ômbe, n’arweṉi waô n’isèkè ga nt’arondi waô.

¹¹ Ivenda ny’Efrayim nyi be dôgwa ga nyoṉi: e ze dwaṉe nyèṉè njaṉa, ge inyem̃e, ge ipundiga.

¹² J’awaṉi waô w’apôm̃a, mi be bonga waô, waô rwagaga ro aṉaga; azile gôre waô, gô be fala myè waô!

¹³ Efrayim, ga nt’are myè jeṉa pe nkôṽa yi Tir, are bèṉô pa gô mbôra mbya; ndô Efrayim e be kèndy’awaṉi wè gôre yè yi be jôṉa waô.

¹⁴ Va waô, Yeôva! ... Ô be pa waô ande? ... Va waô iwum̃u nyi pang’inyem̃e gô dubwa n’ambèṉè ma kakaka!

¹⁵ Ibe saô si tum̃inyô gô Gilgaal; konde my’aṽiki waô vovo. G’ômwanja w’ibe s’ijanji saô, mi be suga waô avila gô nagô yam̃. Mi ze tonde waô nyèṉè; ivangiṉi yaô yôdu yi r’ivavisi.

¹⁶ Efrayim abôlyô, ôrambi wè w’ajôm̃i; wi ze jaṉ’ilônda nyèṉè; na ja wi re n’awaṉa, mi be jôṉ’awaṉa wi tondô w’iwum̃u nyaô.

¹⁷ Anyambyè yam̃ e be fala waô, konde wi re jogiṉô yè, na wi be dwaṉe mbôlangaṉaga gôr’aṉongo.