Ôsea 8 - Bibili 1927 (Omyene)

¹ Wel’ôrombo g’ôgwaṉi wo! Ôlôvalôvi e bya ga ngwanyoṉi gô nagô yi Yeôva, konde wi re jôṉa pe njeki yam̃, avav’ivangi nyam̃.

² Wi be tônga gôre myè inè: Anyambyè yam̃, azwè Israèl, azw’avôrô wè!

³ Israèl are fala pe mbya; ôlôvalôvi e be kombizè.

⁴ Wi re dôṽya p’aga ndô aranga n’ôzômbyô wam̃, n’ivangiṉi ko my’amya; wi re panga p’ikaṉa ni siki yaô ya pupu na ya teṉateṉa; gô ntiṉa yiṉo wi be jilizô.

⁵ Yeôva are fala pa mwô’nyare wo, Samarya! Eguṉu zam̃ z’abam̃iṉi gôre waô. Wi be bika gô mèpizô kwanga ôlingô sè?

⁶ Wô pila avila gôr’Israèl, ôkèngèkèngè w’avangi wô, na wô arang’Anyambyè; yeṉo mwô’nyare wi Samarya wi be nyigyanyigyô.

⁷ Gô re nè wi re nyènya p’ômpunga, wi be teṉ’ôgulônkangwè; wi ze dèng’egôrô zi bile; yom̃a yi be punjiṉa yi ze jaṉize mpèmba, na ja yi tô jaṉa, agènda wi ko mèṉa yô.

⁸ Israèl ajilizô! Vèṉo wi re gôr’aṉongo ga evagô zi re zi zele ni njôni.

⁹ Konde w’akèndi gw’Asur, egolaṉi ga buru y’iga yi kum̃aṉ’anka; Efrayim are pa pe mpagaga gô dèng’indegô.

¹⁰ Vangaṉe wi re pa pe mpagaga gôr’aṉongo, vèṉo mi ke datiza waô, ko waô sunge jeṉe njuke g’ômwanja w’irwaṉô ny’ôga w’ivangiṉi.

¹¹ Efrayim are buṉiza p’imbôra si jirô intyagô gô janj’ibe, n’imbôra siṉo si jirô intyagô si re pôsunyè pa gw’ibe.

¹² Vanga my’atèndiṉè intyale sôdu s’ivangi nyam̃, si be dwaṉa ga ôsam̃u ômwoṉa.

¹³ Wi jôṉ’inyam̃a si jiriṉa waô myè ntyagô, ko waô ny’izôṉe ya sô: Yeôva e pa tonda sô. Ndô vèṉo Yeôva e jônginy’ibe saô, ko yè tevuṉ’ibe saô: wi be fwinya gw’Egipt.

¹⁴ Israèl are deṽaṉa pa ayè y’avangi yè, aṉôg’inagô s’aga, ni Yuda are buṉiza p’inkal’injoli; ndô mi be tôm̃’ôgôṉi gw’inkali saô, ko wô pez’inagô s’aga sa sô.