Ijembô 1 - Bibili 1927 (Omyene)

¹ Ôzaviṉô gôr’ôma wi re e pa kangaṉa gô môndo y’arègo, Ge kum̃aṉa gô mpoṉo y’aṉag’aṽe, Ge dwaṉa baru gô nkumba y’izèlyisi;

² Ndô itondi sè ri re gw’ivanga nyi Yeôva, E pikilya nyô ôm̃anda n’ôgwèra!

³ Are g’erere bèṉô pa pyèrè g’ômpôviṉa w’aṉingô, Zi jaṉ’ilônda gw’egômbe za zô, N’ijavi sè s’ayôm̃e du: Ezom̃’edu zi dendô yè zi kènda mbyambye.

⁴ Arègo wi zele yeṉo, Ndô wi re ga wulu yi pèvizô n’ômpunga.

⁵ Yeṉo r’arègo w’agum̃aṉe gô ntyugu y’ijèkèlya, Ge aṉag’aṽe gô mandô y’agôre;

⁶ Konde Yeôva avôrô mpoṉo y’agôre, Ndô mpoṉo y’arègo yi be jilizô.