Estèr 10 - Bibili 1927 (Omyene)

¹ N’awong’ôga Asuerus lèmpô gô ntye na gw’inenge si ntyuṽa.

² N’ijanja sôdu g’ômwanja wi ngulu yè n’isam̃u yè yi mamô, n’agamba g’ômwanja w’ipendi sè s’avendiz’ôga Mardôke, isam̃u yiṉo yôdu yi zele tèndô pa gw’ezangô zi gômbe y’aga wi Maday na wi Paras?

³ Konde Mardôke, ya mw’Iju, ay’aluki ôga Asuerus, avegagi n’ôlubô gôr’Iju ni tonda pa pôlô gôr’awareri yè waôdu; awutagi yè mbya y’iṉongo nyè agambag’am̃ènjè gôre mbuṽe yè yôdu.