تئطوسا 2 - موقدس کتاب

صحئح اولانی اؤیرَت

¹ آمّا سنه گلئنجه، سن اساس تعلئمه موناسئب شیلر تعلئم ور.

² یاشلی کئشئلر آییق، ووقارلی، تمکئنلی، ائماندا، محبّتده و تحمّولده داواملی اولسونلار.

³ اِله‌جه ده یاشلی آروادلار رفتارلاریندا مؤحترم اولسونلار، قیبتچی و شراب اسئری اولماسینلار، یاخشی شیلری اؤیرتسئنلر

⁴ کی، جاوان آروادلاری، اَرلرئنی و اوشاقلارینی سِومکده تشوئق اتسئنلر.

⁵ تمکئنلی، عئفّتلی، اِودارلیق ادن، مهرئبان و اؤز اَرلرئنه موطئع اولسونلار کی، تارینین کلامی حؤرمتسئز اولماسین.

⁶ اِله‌جه ده جاوان اوغلانلاری تشوئق ات کی، عاغیلّی اولسونلار.

⁷ هر شیده اؤزونو یاخشی عمل‌لرئن نومونه‌سی گؤرسد: اساس تعلئمده خالئص، صادئق.

⁸ دانیشیقدا صحئح و قینانیلمایان اول کی، دوشمن بئزئم حاقّیمیزدا پئس بئر شی دئیه بئلمه‌یئب، اوتانسین.

⁹ نؤکرلری تشوئق ات کی، اؤز آغالارینا هر شیده موطئع اولوب اونلاری راضی اتسئنلر و سؤزلری ائله عمل‌لری بئر اولسون.

¹⁰ اوغورلوق اتمه‌سئنلر، آمّا بوتون یاخشی ائمانی گؤز قاباغینا قویسونلار کی، هر شیده قورتاریجیمیز تارینین تعلئمئنی بزه‌سئنلر.

¹¹ چونکی تارینین فیضی ظاهئر اولدو و بوتون ائنسانلارا نئجات گتئرئر

¹² و بئزه تربئیه ورئر کی، ائمانسیزلیق و دونیه‌وی هاوا-هوسلری ردّ ادئب بو عصرده تمکئنلی، صالح و تارییا لایئق بئر حیات یاشایاق.

¹³ و تاعالا تاریمیز و قورتاریجیمیز مسئح عئسانین موبارک اومئدئنی و شؤوکتئنئن ظاهئر اولماسینی گؤزله‌یک:

¹⁴ او، اؤزونو بئزئم اوچون فدا اتدی کی، بئزی هر جور حاقسیزلیقدان خئلاص اتسئن و اؤزونه عایید بئر خالق طاهئر اتسئن کی، یاخشی ائشلر اوچون قیرتلی‌دئرلر.

¹⁵ بو شیلری دانیش و بوتون ائقتئدارلا تشوئق و توبئخ ات. قویما هچ کس سنه اعتئناسیزلیق اتسئن.