مثل‌لر کئتابی 4 - موقدس کتاب

حئکمت هر شیدن افضلدئر

¹ ای اوغوللار، آتا وردئیی تربئیه‌نی اشئدئن. دئقّت ادئن کی، معرئفت آنلاغینی آلاسینیز.

² چونکی سئزه علم اؤیرَ‌دئرم؛ تعلئمئمی بوراخمایین.

³ آتامین اِوئنده اوشاق اولاندا، آنامین گؤزونده عزئز اولاندا، بئری-بئردانه اولاندا،

⁴ آتام منه تعلئم ورئب ددی: «قوی اوره‌یئن سؤزلرئمی برک توتسون. وردئیئم امرلری یرئنه یتئر کی، عؤمرون اوزون اولسون.

⁵ حئکمت قازان، آنلاق قازان! سنه ددئیئم سؤزلری نه یاددان چیخارت، نه ده اونلاردان دؤن!

⁶ حئکمتی بوراخما، او، سنی حئفظ ادر. اونو سو، سنی ساخلار.

⁷ حئکمتئن باشلانیشی بودور؛ حئکمتی قازان، بوتون قازاندیقلاریندا فهم قازان.

⁸ حئکمته دَیَر ور؛ سنی اوجالدار. اگر اونو قوجاقلایاسان، سنی شرفه چاتدیرار.

⁹ سنئن باشینا فیض چَلَنگی قویار، عئزّت تاجینی سنه وِرَر.»

¹⁰ اشئت، اوغلوم، سؤزلرئمی قبول ات، عؤمرونون ائل‌لری چوخالار.

¹¹ من سنه حئکمت یولوندا تعلئم ورمئشم. سنی دوز یوللاردا هئدایت اتمئشم.

¹² گزنده یولونو بئر شی کسمز، قاچان زامان دا سوروشمزسن.

¹³ وردئیئم تربئیه‌نی برک توت، اونو بوراخما. اونو ساخلا، چونکی سنئن حیاتیندیر.

¹⁴ پئس آداملارین یولونا گئرمه، شر آدامین یولوندا دا گتمه.

¹⁵ اوندان اوزاق قال، اوندا سفره چیخما. اوندان دؤن، کچئب-گت.

¹⁶ چونکی شر آداملار پئسلئک اتمسه‌لر، یاتا بئلمزلر. کئمسه‌نی ییخماسالار، یوخولاری آپارماز.

¹⁷ چونکی شرارت چؤره‌یئنی ییئرلر، قدّارلیق شرابینی ائچئرلر.

¹⁸ آمّا صالح آدامین یولو، سحر ائشیغی کئمی‌دئر کی، گون اورتا واختینا گده-گده داها چوخ ائشیقلانیر.

¹⁹ شر آداملارین یولو ظولمتدئر. بئلمئرلر کی، اونلاری بودره‌دن نه‌دئر.

²⁰ اوغلوم، سؤزلرئمه دئقّت ات، ددئکلرئمه قولاق آس.

²¹ قویما اونلار گؤزونون قاباغیندان آیریلسین. اونلاری اوره‌یئنئن ائچئنده ساخلا.

²² چونکی اونلاری تاپانلار، حیات و جان‌صاغلیغی تاپار.

²³ هر شیدن چوخ، بوتون جهدله اؤز اوره‌یئنی حئفظ ات، چونکی حیات چشمه‌سی اودور.

²⁴ اَیری دانیشان آغیزی اؤزوندن آت، آزمیش دوداقلاری اؤزوندن اوزاقلاشدیر.

²⁵ قوی گؤزلرئن ائره‌لئیه باخسین، کئرپئکلرئن دوپّه‌دوز قاباغینا دئکئلسئن.

²⁶ آیاغینی قویدوغون طرئقی یاخشی آراشدیر، بوتون یوللارین برقرار اولار.

²⁷ نه صاغا دؤن، نه سولا. آیاغینی پئسلئکدن چک.