سایلار 4 - موقدس کتابقوحات اؤولادلارینین وظئفهلری 1 سونرا رب موسا و هارونلا دانیشیب اونلارا ددی: 2 «لاوئلیلر آراسیندان قوحات اؤولادلارینا منصوب آتالارینین اِو اَهلی و نسئللری سئیاهییا آلین. 3 حوضور چادیریندا خئدمت اتمهیه گلن اوتوز یاشیندان اَلّی یاشینا قدر کئشئلرئن هامیسینی حسابلایین. 4 قوحاتلیلارین حوضور چادیریندا لاپ موقدّس اشیالار حاقّیندا خئدمتی بودور: 5 دوشَرگه یولا دوشَنده هارونلا اوغوللاری ائچهری گئرسئنلر، آراکَسمه پردهسئنی اِندئرئب، اونونلا شهادت ساندیغینی اؤرتسونلر. 6 اونون اوستونه سو ائتی دَرئسئندن اؤرتوک چکئب، اوستونه بوسبوتون لاجورد کتان سَرسئنلر و اونون دئرَکلرئنی یرئنه قویسونلار. 7 تقدئس چؤرهیئن مئزی اوستونه لاجورد کتان سَرئب، کتانین اوستونه نئمچهلری، قابلاری، لَیَنلری و مایع تقدئمی تؤکمَک اوچون پئیالالاری قویاجاقلار. دائمی چؤرک اونون اوستونده قالمالیدیر. 8 اونلارین اوستونه قیرمیزی بئر کتان سَرئب، سو ائتی دَرئسئندن بئر اؤرتوک چکسئنلر و اونون دئرَکلرئنی یرئنه قویسونلار. 9 لاجورد کتان گؤتوروب، ائشیق ورن چیراقدانی، چیراقلارینی، پئلته ماشالارینی، سئنئلرئنی و چیراقدان خئدمتئنه ائشلهدئلَن بوتون یاغ قابلارینی اؤرتسونلر. 10 چیراقدانی و اونون بوتون آوادانلیغینی سو ائتی دَرئسئندن بئر اؤرتوکله ساریییب، خَرهیه قویسونلار. 11 قیزیل قوربانگاهین اوستونه لاجورد کتان سَرئب، اونو سو ائتی دَرئسئندن بئر اؤرتوکله اؤرتسونلر و دئرَکلرئنی تاخسینلار. 12 موقدّس مکاندا عئبادت زامانی ائشلهدئلَن بوتون اشیالاری گؤتوروب لاجورد کتانلا ساریسینلار و سو ائتی دَرئسئندن بئر اؤرتوکله اؤرتوب، خَرهیه قویسونلار. 13 سونرا قوربانگاهدان یاغ و کولو تمئزلهیئب، اوستونه ارغوانی کتان چکسئنلر. 14 عئبادت زامانی ائشلهدئلَن بوتون اشیالارینی دا اونونلا قویسونلار: خَکَندازلارینی، چَنگللری، کورَکلری، لَیَنچهلری، قوربانگاهین بوتون آوادانلیغینی. سونرا بونلارین اوستونو سو ائتی دَرئسئندن بئر اؤرتوکله اؤرتوب، دئرَکلرئنی تاخسینلار. 15 دوشَرگه یولا دوشَنده، او زامان کی، هارونلا اوغوللاری موقدّس اشیالاری و موقدّس مکانین بوتون آوادانلیغینین اؤرتمهیئنی باشا چاتدیریرلار، قوحاتلیلار اونو داشیماغا گلسئنلر. بلهجه موقدّس شیلره توخونماییب اؤلمَزلر. حوضور چادیریندا اولان بو شیلری گرک قوحاتلیلار داشیسینلار. 16 کاهئن هارون اوغلو اِلعازارین ائشی چیراق اوچون یاغا، عطئرلی بوخورا، دائمی تاخیل تقدئمی و مسح یاغینا نظارت اتمکدئر. او بوتون خیمه و ائچئنده اولان هر شیه، موقدّس مکانلا آوادانلیغینا نظارت ادهجکدئر.» 17 رب موسا و هارونلا دانیشیب اونلارا ددی: 18 «قویمایین کی، لاوئلیلر آراسیندان قوحاتلیلارین عایئلهلرئنئن قبئلهسی یوخ اولسون. 19 آنجاق بونو اونا گؤره ات کی، لاپ موقدّس شیلره یاخینلاشدیقلاری زامان، دئری قالیب اؤلمهسئنلر؛ هارونلا اوغوللاری ائچهری گئرئب، اونلارین هَرهسئنی اؤز ائشئنئن اوستونه و اؤز یوکونون باشینا قویسونلار. 20 لاکئن قوحاتلیلار بئر آن بِله، ائچهری گئرئب موقدّس اشیالارا باخمایاجاقلار، یوخسا اؤلرلر.» گِرشون اؤولادلارینین وظئفهلری 21 سونرا رب موسا ائله دانیشیب اونا ددی: 22 «گِرشونلولاری دا منصوب اولدوقلاری آتالارینین اِو اَهلئنه گؤره سئیاهییا آل. 23 اونلاردان اوتوز یاشیندان اَلّی یاشینا قدر اولانلاری سئیاهییا آل؛ بوتون اونلاری کی، حوضور چادیرینا خئدمت اوچون گئرئب، اونون ائشلرئنی گؤرورلر. 24 ائش گؤرمَک و یوک داشیماق خوصوصوندا گِرشون نسئللرئنئن وظئفهسی بودور: 25 خیمهنئن پردهلرئنی، حوضور چادیری ائله اونون اؤرتویونو، اوستوندهکی سو ائتی دَرئسئندن اولان اؤرتویو، حوضور چادیرینین گئرئشئنده اولان آراکَسمهنی، 26 حیطئن پردهلرئنی، خیمه و قوربانگاهین اطرافینداکی حیطئن دروازاسینین آراکَسمهسی ائله ائپلرئنی، و اونلارین عئبادت اوچون ائشلهنَن بوتون اشیالارینی داشیسینلار؛ بو شیلرله گؤرولهجک بوتون ائشلری گِرشونلولار گؤرسونلر. 27 گِرشونلولارین بوتون خئدمتی، ائستر یوک داشیماق، ائستر آیری ائش گؤرمک، گرک هارونلا اوغوللارینین امری ائله گؤرولسون. گِرشونلولارین بوتون یوکلرئنی سن گرک اونلارا تعیئن ادهسن. 28 حوضور چادیریندا گِرشون نسئللرئنئن عایئلهلرئنئن خئدمتی بودور. اونلارین وظئفهلری کاهئن هارون اوغلو ائتامارین نظارتی آلتیندا اولاجاق. مِراری اؤولادلارینین وظئفهلری 29 مِرارئلیلری منصوب اولدوقلاری آتالارینین اِو اَهلئنه گؤره سئیاهییا آل. 30 اوتوز یاشیندان اَلّی یاشینا قدر بوتون او آداملاری سئیاهییا آل کی، حوضور چادیرینین ائشئنی گؤرمک گلئرلر. 31 حوضور چادیریندا خئدمت اِدَرکَن اونلارین وظئفهسی بودور: خیمهنئن چَرچئوهلرئنی، دئرَکلرئنی، سوتونلارینی، آلتلیقلارینی 32 چادیرین اطرافینداکی حیطئن سوتونلاری ائله آلتلیقلارینی، میخلارینی، ائپلرئنی، بوتون آوادانلیغینی و ائشلَتدئکلری هر شیی داشیماق. هر کسی آدباآد تعیئن ات کی، اشیالاری داشیسین. 33 حوضور چادیریندا مِراری نسئللرئنئن وظئفهسی بودور. اونلار کاهئن هارون اوغلو ائتامارین نظارتی آلتیندا خئدمت ادهجکلر.» لاوئلیلرئن سئیاهییا آلینماسی 34 بلهجه موسا، هارون، و جاماعات باشچیلاری، قوحاتلیلاردان عایئلهلره و نسئللره گؤره، 35 اوتوز یاشیندان اَلّی یاشینا قدر، حوضور چادیرینا خئدمت ادئب ائش گؤرمَک اوچون گلن کئشئلرئن هامیسینی سئیاهییا آلدیلار. 36 عایئلهلرئنه گؤره سایدیقلاری کئشئلر ۲۷۵۰ نفر ائدی. 37 حوضور چادیریندا خئدمت ادن قوحات نسئللرئنئن عایئلهلرئنه منصوب ساییلان کئشئلرئن جَمی بو ائدی کی، ربّئن موسایا وردئیی امره گؤره موسا ائله هارون اونلاری سئیاهییا آلدیلار. 38 گِرشونلولاردان عایئلهلرئنه و نسئللرئنه گؤره، 39 اوتوز یاشیندان اَلّی یاشینا قدر، حوضور چادیریندا خئدمت ادئب ائش گؤرمک اوچون گلن کئشئلرئن هامیسی سئیاهییا آلیندی. 40 آتالارینین اِو اَهلئنه گؤره سایدیقلاری کئشئلر ۲۶۳۰ نفر ائدی. 41 گِرشون نسلئندن سئیاهییا آلینان، حوضور چادیریندا خئدمت ادن کئشئلرئن جَمی بو ائدی کی، ربّئن امرئنه گؤره موسا ائله هارون اونلاری سئیاهییا آلدیلار. 42 مِراری اؤولادلاریندان آتالارینین اِو اَهلئنه گؤره 43 اوتوز یاشیندان اَلّی یاشینا قدر، حوضور چادیریندا خئدمت ادئب ائش گؤرمَک اوچون گلن کئشئلرئن هامیسی سئیاهییا آلیندی. 44 عایئلهلرئنه گؤره سایدیقلاری کئشئلر ۳۲۰۰ نفر ائدی. 45 حوضور چادیریندا خئدمت ادن مِراری عایئلهلرئنه منصوب ساییلان کئشئلرئن جَمی بو ائدی کی، ربّئن موسایا امر اتدئیی کئمی، موسا ائله هارون اونلاری سئیاهییا آلدیلار. 46 موسا ائله هارون و ائسرایئل رهبرلری، آتالارینین اِو اَهلئنه گؤره لاوئلیلری، 47 اوتوز یاشیندان اَلّی یاشینا قدر، حوضور چادیریندا خئدمت اتمک و یوک داشیماق اوچون گلن کئشئلرئن هامیسینی سئیاهییا آلدیلار. 48 سایدیقلاری کئشئلر ۸۵۸۰ نفر ائدی. 49 ربّئن امرئنه گؤره هر بئری ادهجَیی خئدمته و داشییاجاغی یوکه گؤره موسانین نظارتی ائله سئیاهییا آلیندی؛ بونلار موسانین طرفئندن ساییلان کئشئلری ائدئلر، نجه کی، رب موسایا امر اتمئشدی. |
© Elam Ministries 2013. All rights reserved.
Elam Ministries