لوقا 8 - موقدس کتاب1 سونرا عئسا شهرلر و کندلری گزئب وعظ ادئردی و تارینین پادشاهلیغینین خوش خبرئنی ورئردی. اونائکی شاگئرد ده اونونلا ائدئلر. 2 ناپاک روحلاردان و ناخوشلوقلاردان صاغالمیش بعضی آروادلار دا اونونلا گزئردئلر: ائچئندن یدّی ائبلئس چیخمیش مجدللی دیئلن مریم، 3 هئرودون ناظئری خوزانین آروادی یوآنّا، سوزانّا و بئر چوخ آیری آروادلار کی، اؤز وارلاری ائله اونلارا خئدمت ادئردئلر. اکئنچی مثلی (متّا 13:1-23، مرقوس 4:1-20) 4 او زامان کی، بؤیوک بئر جاماعات ییغیلدی و او آداملار دا کی، هر شهردن اونون یانینا گلئردئلر، عئسا اونلارا بئر مثل نقل اتدی: 5 «بئر اَکئنچی توخوم سپمهیه چیخدی. توخومو سپن زامان اونلاردان بعضئسی یول قیراغینا دوشوب، آیاق آلتیندا پایمال اولدو و گؤیون قوشلاری اونو یدئلر. 6 بعضئسی داشلیغا دوشدو و بئتن واختدا قورودو، چونکی روطوبتی یوخ ائدی. 7 بعضئسی تئکانلار آراسینا دوشدو. تئکانلار اونلارلا برابر بؤیویوب اونلاری بوغدولار. 8 لاکئن بعضئسی یاخشی تورپاغا دوشدو و بئتئب یوز قات آرتیق ثمره وردی.» عئسا بونلاری دیئب بله نئدا اتدی: «اشئتمهیه قولاغی اولان اشئتسئن!» 9 آمّا شاگئردلری اوندان سوروشدولار: «بو مثلئن معناسی نهدئر؟» 10 عئسا ددی: «تارینین پادشاهلیغینین سئرّلرئنی بئلمک سئزه ورئلئب، لاکئن اؤزگه آداملارا مثللرلهدئر کی، گؤردوکلری حالدا گؤرمهسئنلر و اشئتدئکلری حالدا آنلاماسینلار. 11 مثلئن معناسی بودور: توخوم تارینین کلامیدیر. 12 یول قیراغینا دوشَنلر اونلاردیرلار کی، کلامی اشئدئبلر؛ سونرا شرئر گلئر و کلامی اونلارین اورهیئندن گؤتورور، مبادا ائنانیب نئجات تاپسینلار. 13 داشلیغا دوشَنلر اونلاردیرلار کی، کلامی اشئدن واخت شادلیقلا قبول ادئرلر، لاکئن کؤکلری اولمادیغیندان بئر مودّت ائمان گتئرئرلر و ائمتاحان زامانی ائماندان دؤنورلر. 14 تئکانلار آراسینا دوشَنلر اونلاردیرلار کی، کلامی اشئدئرلر، لاکئن گده-گده بو حیاتین نئگارانلیغی ائچئنده، ثروت و لذّتلری ائچئنده بوغولورلار و ثمره گتئرمئرلر. 15 آمّا یاخشی تورپاق اوستونه دوشَنلر اونلاردیرلار کی، کلامی صادئق و یاخشی اورَکله اشئدئب ساخلاییرلار و صبرله ثمره ورئرلر. لامپا چیراغین مثلی (مرقوس 4:1-25) 16 هچ کس چیراق یاندیریب اونو قابلا اؤرتمز و یا یاتاق آلتینا قویماز. چیراغی چیراقدانا قویار کی، ائچهری گئرنلر ائشیغی گؤرسونلر. 17 چونکی اِله گئزلئن بئر شی یوخدور کی، بلّی اولماسین؛ و اِله گئزلئن بئر شی یوخدور دا کی، بئلئنئب آشکارا چیخماسین. 18 بونا گؤره ده، نجه اشئتدئیئنئزه دئقّت ادئن؛ چونکی کئمده وارسا، اونا داها چوخ ورئلهجک. لاکئن کئمده یوخسا، الئنده اولدوغونو گومان اتدئیی ده اوندان آلیناجاق.» 19 عئسانین آنا و قارداشلاری اونون یانینا گلدئلر، لاکئن جاماعاتین چوخلوغوندان اونا یاخینلاشا بئلمهدئلر. 20 عئسایا خبر ورئب ددئلر: «آنان و قارداشلارین اشئکده دوروب ائستهیئرلر کی، سنی گؤرسونلر.» 21 عئسا جاواب ورئب اونلارا ددی: «منئم آنام و قارداشلاریم اونلاردیرلار کی، تارینین کلامینی اشئدئب اونا عمل ادئرلر.» عئسا کولهیی یاتیردیر (متّا 8:23-27، مرقوس 4:35-41) 22 گونلرئن بئرئنده عئسا اؤز شاگئردلری ائله بئر قاییغا مئنئب اونلارا ددی: «گؤلون او بئری تایینا کچک.» بلهجه یولا دوشدولر. 23 قاییق سو اوزونده گدن واخت، عئسا یوخویا گتدی. گؤلده شئدّتلی بئر کولک باشلادی اله کی، قاییق سو ائله دولوردو. اونلار خطره دوشموشدولر. 24 شاگئردلر عئسانین یانینا گلدئلر و اونو اویادیب ددئلر: «اوستاد! اوستاد! هلاک اولوروق!» عئسا دوروب کولهیه و سویون تلاطومونه آجیقلاندی. کولک یاتدی و آراملیق دوشدو. 25 او زامان عئسا اونلارا ددی: «ائمانینیز هارادادیر؟!» اونلار تعجّوب و قورخو ائچئنده بئربئرلرئنه دیئردئلر: «بو کئمدئر کی، هم کولهیه، هم ده سویا امر ادئر و اوندان ائطاعت ادئرلر!» ناپاک روحلو بئر آدامین شفاسی (متّا 8:28-34، مرقوس 5:1-20) 26 اونلار جلئلئن موقابئلئنده اولان جدهرئلرئن وئلایتئنه گلدئلر. 27 عئسا قاییقدان ساحئله چیخاندا، او شهر اهلئندن ائبلئس الئنه توتولموش بئر آداما راست گلدی. بو آدام اوزون زاماندان بری پالتار گیمئردی و اِوده یوخ، مقبرهلرده یاشاییردی. 28 او، عئسانی گؤرن زامان، باغیریب اونون قاباغیندا یره دؤشَندی و اوجا سسله ددی: «ای تاعالا تارینین اوغلو عئسا، مندن نه ائستهیئرسن؟ سنه یالواریرام، منه عذاب ورمه!» 29 چونکی عئسا اونا امر اتمئشدی کی، بو آدامدان اشئیه چیخسین. ناپاک روح دفهلرله اونو توتموشدو و آدامی زنجئرلر و کوندهلرله باغلاییب باشینا موحافئظ قویموشدولار. آمّا گئنه ده زنجئرلری قیریردی و ائبلئس طرفئندن چؤللره قووولوردو. 30 عئسا اوندان سوروشدو: «آدین نهدئر؟» جاواب وردی: «قوشون.» اونا گؤره کی، اونا بئر چوخ ائبلئس گئرمئشدی. 31 اونلار عئسایا یالواردیلار کی، اونلارا برزخه گتمهیه امر اتمهسئن. 32 اورادا، داغدا بؤیوک بئر دونگوز سوروسو اوتلاییردی. اونا یالواردیلار کی، دونگوزلارین ائچئنه گئرمهیه اونلارا ائجازه ورسئن. عئسا دا ائجازه وردی. 33 ائبلئسلر او آدامدان چیخیب دونگوزلارا گئردئلر. دونگوز سوروسو اوچوروما طرف قاچیب، اورادان گؤله آتیلدی و هامیسی بوغولدولار. 34 چوبانلار بو حادئثهنی گؤرن واخت قاچیب، بو خبری شهرده و کندده یایدیلار. 35 خالق اولوب-کچنلری گؤرمک اوچون چیخیب، عئسانین یانینا گلدی و ائچئندن ائبلئسلر چیخمیش آدامی گؤردولر کی، عئسانین آیاقلاری یانیندا پالتار گیئنمئش و عاغیللاشمیش اوتوروب. و دهشته دوشدولر. 36 بو حادئثهنی گؤرنلر ائبلئس الئنه توتولموش آدامین نجه صاغالدیغینی اونلارا نقل اتدئلر. 37 او زامان جَدهره وئلایتئنئن بوتون خالقی عئسادان خاهئش اتدئلر کی، اورادان گتسئن، چونکی اونلاری بؤیوک دهشت بوروموشدو. عئسا دا قاییغا مئنئب قاییتدی. 38 اوندان ائبلئسلر چیخمیش آدام عئسایا یالواردی کی، اونون یانیندا قالسین. آمّا عئسا اونو مورخّص ادئب ددی: 39 «اِوئنه قاییت و تارینین سنه نه اتدئیئنی نقل ات.» او دا گدئب عئسانین اونا اتدئکلرئنی بوتون شهرده یایدی. دئرئلن قیز و صاغالان آرواد (متّا 9:18-26، مرقوس 5:21-43) 40 عئسا گری قاییدان زامان، خالق شادلیقلا اونون پئشوازینا چیخدی، چونکی اونو گؤزلهیئردئلر. 41 بو آرادا، یایروس آدلی بئر کنئسه ریئسی گلئب، عئسانین آیاقلارینا دوشدو و اونا یالواردی کی، اونون اِوئنه گلسئن. 42 چونکی اونائکی یاشلاریندا اولان بئریبئردانه قیزی اؤلوم حالیندا ائدی. اونون اِوئنه گدنده، جاماعات عئسانی هر طرفدن سیخیشدیردیلار. 43 اورادا بئر آرواد وار ائدی کی، اونائکی ائلدن بری قان آخماسی کسئلمهمئشدی و هچ کس اونا شفا وره بئلمهمئشدی. 44 آرواد عئسانین آرخاسیندان گلئب، پالتارینین اَتهیئنه ال سورتدو و او آندا اونون قان آخماسی کسئلدی. 45 عئسا سوروشدو: «منه کئم ال سورتدو؟» هامی ائنکار اتدی. او زامان پطروس ددی: «اوستاد، جاماعات هر طرفدن هوجوم ادئب، سنی سیخیشدیریر.» 46 لاکئن عئسا ددی: «منه بئر نفر ال سورتدو، چونکی اؤزومدن قووّت چیخدیغینی بئلدئم.» 47 او زامان آرواد، گئزلی قالا بئلمهدئیئنی گؤرنده تئترهیه-تئترهیه گلئب، عئسانین آیاقلارینا دوشدو و بوتون خالقین حوضوروندا نقل اتدی کی، نه سببدن اونا ال سورتوب و او آندا نجه شفا تاپیب. 48 عئسا دا اونا ددی: «قیزیم، ائمانین سنی خئلاص اتدی. سالامات گت.» 49 عئسا حله بو سؤزو دیئردی کی، کنئسه ریئسئنئن اِوئندن بئر آدام گلئب ددی: «قیزین اؤلدو، آرتیق اوستادا زحمت ورمه.» 50 لاکئن عئسا بونو اشئدن زامان اونا ددی: «قورخما، آنجاق ائمان ات و او صاغالاجاق.» 51 اِوه گئردئکلری واخت عئسا، پطروس، یوحنّا، یعقوب، و قیزین آتا-آناسیندان باشقا هچ کئمه اِوه گئرمهیه ائجازه ورمهدی. 52 بو آرادا، هامی قیز اوچون یاس توتوب آغلاییردی. آمّا عئسا ددی: «آغلامایین، او اؤلمهیئب، آنجاق یاتیب.» 53 اونلار قیزین اؤلدویونو بئلدئکلری اوزوندن عئسایا گولدولر. 54 لاکئن عئسا قیزین الئندن توتوب ددی: «اوشاق، قالخ!» 55 قیزین روحو گری قاییتدی. قیز او آندا آیاغا قالخدی. عئسا امر اتدی کی، اونا یمک ورسئنلر. 56 قیزین آتا-آناسی تعجّوبدن مات قالمیشدیلار. آمّا عئسا اونلارا تاپشیردی کی، بو حادئثهنئن حاقّیندا هچ کسه دانیشماسینلار. |
© Elam Ministries 2013. All rights reserved.
Elam Ministries