لاوئلیلر 9 - موقدس کتابهارون قوربان گتئرئر 1 سکّئزئنجی گون موسا هارونو، هارونون اوغوللارینی، و ائسرایئل آغساقّاللارینی یانینا چاغیریب 2 هارونا ددی: «اؤزون اوچون گوناه قوربانی اولاراق عیبسئز بئر اِرکَک دانا، و یاندیرما قوربانی اولاراق عیبسئز بئر قوچ گؤتور و ربّئن حوضوروندا تقدئم ات. 3 سونرا ائسرایئل اؤولادلاری ائله دانیشیب اونلارا دِه: ”گوناه قوربانی اولاراق بئر اِرکَک کچی، یاندیرما قوربانی اولاراق بئر-ائلّئک عیبسئز بئر دانا و بئر-ائلّئک عیبسئز بئر قوزو، 4 و باریش قوربانی اولاراق بئر گامیش، بئر قوچ و یاغلا قاتیلمیش تاخیل تقدئملری گؤتورون. چونکی بو گون رب سئزه گؤرونهجک.“» 5 بلهجه اونلار موسانین امر اتدئیی هر شیی حوضور چادیرینین قاباغینا گتئردئلر و بوتون جاماعات یاخینلاشیب، ربّئن حوضوروندا دوردو. 6 موسا ددی: «بودور او شی کی، رب سئزه ادهجیئنی امر ادئب. اله کی، ربّئن جلالی سئزه گؤرونسون.» 7 سونرا هارونا ددی: «قوربانگاها یاخینلاش و اؤزون اوچون گوناه قوربانی ائله یاندیرما قوربانینی تقدئم ات. اله کی، هم اؤزون، هم ده خالق اوچون کفّاره ادهسن. سونرا خالقین قوربانینی تقدئم ات کی، اونلار اوچون کفّاره ادهسن. نجه کی، رب امر ادئب.» 8 هارون قوربانگاها یاخینلاشیب اؤزو اوچون گوناه قوربانی اولان دانانی کسدی. 9 اونون قانینی هارونون اوغوللاری آتالارینا تقدئم اتدئلر. هارون بارماغینی قانا باتیریب، قوربانگاهین بوینوزلارینا بئر آز چکدی؛ قانین قالان حئصّهسئنی ده قوربانگاهین آلتلیغینا تؤکدو. 10 سونرا گوناه قوربانینین پئیئنی، بؤیرهکلرئنی، قارا جئیهرئن قویروغا بَنزهر حئصّهسئنی قوربانگاهدا توستولهدئب یاندیردی. نجه کی، رب موسایا امر اتمئشدی. 11 لاکئن قوربانین اَتی ائله دَرئسئنی دوشَرگهنئن اشئیئنده یاندیردی. 12 بوندان سونرا هارون یاندیرما قوربانینی کسدی. اونون قانینی هارونون اوغوللاری آتالارینا گتئردئلر؛ او دا قانی قوربانگاهین هر طرفئنه سَپدی. 13 پارچا-پارچا کسئلن یاندیرما قوربانی باشی ائله هارونا گتئردئلر؛ او دا اونلاری قوربانگاهدا توستولهدئب یاندیردی. 14 قوربانین ائچآلاتی ائله آیاقلارینی یویوب، قوربانگاهدا یاندیرما قوربانی ائله بئرلئکده توستولهدئب یاندیردی. 15 سونرا هارون خالقین قوربانینی تقدئم اتدی. خالق اوچون گوناه قوربانی اولان کچئنی گؤتوروب کسدی؛ اونو بئرئنجی گوناه قوربانی کئمی تقدئم اتدی. 16 یاندیرما قوربانی اوچون حیوانی گتئرئب، اونو قایدا-قانونا موناسئب تقدئم اتدی. 17 سونرا هارون تاخیل تقدئمئنی گتئردی. اوووجونو تاخیل تقدئمی ائله دولدوردو و قوربانگاهدا توستولهدئب یاندیردی. بو سحر تقدئم اولونان یاندیرما قوربانیندان علاوه ائدی. 18 هارون خالق اوچون باریش قوربانی اولان گامیش و قوچو کسدی. هارونون اوغوللاری اونلارین قانینی آتالارینا گتئردئلر؛ او دا قانی قوربانگاهین هر طرفئنه سَپدی. 19 گامیش و قوچون پئیئنی، قویروغونو، ائچآلاتی اؤرتَن پئیئنی، بؤیرهکلرئنی، و قارا جئیهرئنئن قویروغا بَنزهر حئصّهسئنی گؤتوروب 20 پئی حئصّهلرئنی دؤش اَتلرئنئن اوستونه قویدولار. هارون دا پئیلری قوربانگاهدا توستولهدئب یاندیردی. 21 لاکئن دؤش اَتلرئنی صاغ بودو ائله بئرلئکده ربّئن قاباغیندا یِللَتمه تقدئمی اولاراق تقدئم اتدی. نجه کی، موسا امر اتمئشدی. 22 سونرا هارون اللرئنی خالقا طرف قالدیریب، اونلارا برکت وردی، و گوناه قوربانینی، یاندیرما قوربانینی و باریش قوربانینی تقدئم ادندن سونرا آشاغی دوشدو. 23 موسا ائله هارون حوضور چادیرینا گئردئلر. چادیردان چیخیب خالقا برکت وردئکدن سونرا، ربّئن جلالی بوتون خالقا گؤروندو. 24 سونرا ربّئن حوضوروندان اود چیخیب، قوربانگاهداکی یاندیرما قوربانی ائله پئیی یاندیریب یوخ اتدی. بوتون خالق بونو گؤردوکده قیشقیریب اوزو اوسته یره دوشدولر. |
© Elam Ministries 2013. All rights reserved.
Elam Ministries