اِرِمیا 9 - موقدس کتاب1 «کاش کی، باشیم بولاق اولایدی، گؤزلرئم یاش چِشمهسئنه دؤنَیدی کی، خالقیمین قیزینین اؤلدورولَنلری اوچون گجه-گوندوز آغلاییم. 2 کاش کی، کئمسه منه صحرادا سیّاحلارین سیغیناجاغینی وِرَیدی کی، من خالقیمی ترک ادئب اونلاردان اوزاقلاشایدیم. چونکی اونلارین هامیسی زئناکاردیرلار، خائن ییغیندیرلار. 3 دئللرئنی یالان اوچون کامان کئمی دارتیرلار، اؤلکهده حقئقت اوچون یوخ، یالان اوچون گوجلهنئبلر، چونکی پئسلئیی پئسلئک دالینجا ادئرلر، و منی تانیمیرلار.» رب بویورور. 4 «هر کس قونشوسوندان چکئنسئن، قارداشینا دا اِعتئماد اتمهسئن. چونکی هر قارداش آیریسینا حئیله ائشلهدئر، هر قونشو نمّاملیق ادئر. 5 هر کس اؤز قونشوسونو آلدادیر، دوغرو دمئر. دئللرئنی یالان دانیشماغا اؤیرَدئبلر، یورولانا قدر گوناه ائشلهدئرلر. 6 ای اِرِمیا، حئیلهنئن اورتاسیندا یاشاییرسان، حئیلهدن اؤتری منی تانیماق ائستهمئرلر.» رب بله بویورور. 7 بونا گؤره ده قوشونلار ربّی بله دیئر: «باخ، من اونلاری اَرئدئب خالئصلَشدئرهجیم، ائمتاحاندان کچئردهجیم. چونکی خالقیمین قیزی اوچون داها نه اده بئلهرم؟ 8 دئللری اؤلدوروجو اوخدور، مکرله دانیشیرلار. بئری آغزی ائله قونشوسونا باریشدان دانیشیر، لاکئن اورهیئنده اونا تله قورور.» 9 رب بویورور: «بونلارا گؤره اونلاری جزالاندیرماییم؟ بله بئر مئلّتدن قئصاصیمی آلماییم؟» 10 داغلار اوچون آغلاییب یاس توتاجاغام، چؤلون اوتلاقلاری اوچون مرثئیه اوخویاجاغام. چونکی هامیسی یانیب، داها کئمسه اورادان کچمئر، ناخیرین بؤیورمهسی اِشئدئلمئر؛ گؤیون قوشلاری و وحشی حیوانلار دا قاچیب گدئب. 11 «اورشلئمی داش قالاقلارینا، چاقّال یوواسینا دؤندَرهجیم؛ یهودا شهرلرئنی ساکئنسئز بئر خارابالیغا چِوئرهجیم.» 12 حکئم بئر آدام مگر وار، بونو آنلاسین؟ کئم وار کی، ربّئن دئلی اونونلا دانیشیب، اِله کی، او دا اونو اعلان اتسئن؟ نئیه بو اؤلکه محو اولوب، صحرا کئمی یانیب و هچ کس اورادان کچمئر؟ 13 رب ددی: «اونا گؤره بله اولدو کی، اونلار اوچون قویدوغوم قانونومو ردّ اتدئلر، سؤزومه قولاق آسماییب اونا موطابئق عمل اتمهدئلر، 14 لاکئن اورَکلرئنئن عئنادکارلیغینا گؤره رفتار ادئب آتالارینین اؤیرَتدئیی کئمی بَعَل بوتلرئنئن دالینجا گتدئلر. 15 بونا گؤره ده ائسرایئلئن تاریسی اولان قوشونلار ربّی بله دیئر: ”باخ، من بو خالقا یووشان یِدئردهجیم، اونلارا زَهَرلی سو ائچئردهجیم. 16 اونلاری اِله مئلّتلرئن آراسینا سَپهلهیهجیم کی، اونلاری نه اؤزلری تانیمیشدیلار، نه ده آتالاری. اونلاری محو ادنهجک آرخالارینجا قیلینج گؤندَرهجیم.“» 17 قوشونلار ربّی بله دیئر: «ائندی دوشونون، مرثئیهچی آروادلاری چاغیرین گلسئنلر، شئون ادن آروادلاری چاغیرین گلسئنلر! 18 قوی اونلار تَلَسئب او قدر بئزئم اوچون مرثئیه اوخوسونلار کی، گؤزلرئمئزدن یاش آخسین، کئرپئکلرئمئزدن سو سوزولسون.» 19 چونکی صحیوندان شئون سَسی اِشئدئلئر: «بئز نجه تالان اولوندوق، یامان روسوای ادئلمئشئک. چونکی اؤلکهنی ترک اتمئشئک، چونکی مسکنلرئمئزی داغیدیبلار.» 20 ای آروادلار، ربّئن سؤزونو اِشئدئن، قویون قولاقلارینیز اونون آغزیندان چیخان سؤزو اشئتسئن. قیزلارینیزا شئون اتمهیی اؤیرَدئن، هر کس قونشوسونا مرثئیه اوخوماغی اؤیرتسئن. 21 چونکی اؤلوم پنجرهلرئمئزه دیرماشیب، سارایلاریمیزا گئرئب کی، کوچهده اوشاقلاری، میدانلاردا جاوانلاری قیریب کَسسئن. 22 دانیش: «رب بله دیئر: ”ائنسان جسدلری زَمئده پِیئن کئمی، بئچئنچئنئن دالینجا قالان تایا کئمی یِره ییخیلاجاق. آمّا اونلاری ییغیب آپاران اولمایاجاق.“» 23 رب بله دیئر: «قوی حئکمتلی آدام حئکمتی ائله فخر اتمهسئن، ائگئد اؤز گوجو ائله فخر اتمهسئن، وارلی دا اؤز ثروتی ائله فخر اتمهسئن. 24 آنجاق فخر ادن بونونلا فخر اتسئن کی، منی درک ادئر و تانیییر. بئلئر کی، من یِر اوزونده محبّتله، عدالت و صالحلئکله عمل ادن ربّم. چونکی بونلاردان خوشلانیرام.» رب بله بویورور. 25 رب بویورور: «باخین، او گونلر گلئر کی، من بوتون آنجاق جئسمن ختنه اولانلاری جزالاندیرجاغام؛ 26 مئصئری، یهودانی، اِدومو، عَمّون اؤولادلارینی، موآبی، چؤلده یاشاییب کَکئللرئنی قیرخانلارین هامیسینی جزالاندیرجاغام، چونکی بوتون بو مئلّتلر ختنهسئزدئرلر، بوتون ائسرایئل نسلئنئن ده اورهیی ختنهسئزدئر.» |
© Elam Ministries 2013. All rights reserved.
Elam Ministries