اِرِمیا 12 - موقدس کتاباِرِمیانین تارییا شئکایت ادئر 1 اگر سنئنله موباحئثه اِتسَم، سن حاقلی چیخارسان، یارب. لاکئن گئنه ده ائستهیئرم کی، سنئنله عدالت بارهده دانیشیم. نه اوچون پئس آداملار عمللرئنده اوغور قازانیرلار، بوتون خائنلر دئنج یاشاییرلار؟ 2 اونلاری سن اَکئبسن، کؤک ده سالیبلار، بؤیویورلر، بار دا وردئلر. سن اونلارین دئللرئنه یاخینسان، آمّا اورَکلرئندن اوزاقسان. 3 آمّا منی، یارب، سن تانیییرسان، منی گؤرورسن؛ اورهیئمئن سنه اولان دوشونجهلرئنی ائمتاحان ادئرسن. اونلاری قوربانلیق قویون کئمی آییر، هلاک گونو اوچون حاضیرلا. 4 نه واختا قدر اؤلکه یاس توتاجاق، بوتون چؤل اوتلاری قورویاجاق؟ اورادا یاشایانلارین پئسلئیی اوزوندن حیوانلار و قوشلار محو اولوبلار. چونکی ائنسانلار دیئبلر: «تاری عاقئبتئمئزی گؤرمهیهجک.» تارینین جاوابی 5 «ای اِرِمیا، اگر سن پئیادالارلا قاچاندا یورولدون، آتلارلا نجه قاچا بئلرسن؟ اگر اَمئن-آمانلیق اولان تورپاقدا ییخیلاسان، اوردون چایینین کنارینداکی سیخ مِشهده نه ادهجکسن؟ 6 حتّا اؤز قارداشلارین-آتا اِوئن ده سنه خیانت ادئبلر، اونلار دا سنئن دالینجا اوجادان باغیریبلار. سنه یاخشی سؤزلر دِسهلر ده، اونلارا ائنانما. 7 اِوئمی ترک اتمئشم، ائرثئمی اَلدن ورمئشم، جانیمین سِوگئلئسئنی دوشمن اَلئنه تسلئم اتمئشم. 8 ائرثئم منئم اوچون مِشهدهکی آصلان کئمی اولوب. اوستومه نعره چکئب؛ بونا گؤره ده اوندان نئفرت اتمئشم. 9 ائرثئم منئم اوچون مگر آلابَزَک ییرتیجی قوش کئمیدئر؟ مگر هر طرفدن ییرتیجی قوشلار اونون اوستونه تؤکولورلر؟ گدئن، بوتون وحشی حیوانلاری ییغین، یِیئب-قورتارماق اوچون اونون اوستونه گتئرئن. 10 بئر چوخ چوبان اوزوم باغیمی وئران ادئب، زَمئمی تاپدالاییب اَزئبلر، سِوئملی زَمئمی بوش چؤله چِوئرئبلر. 11 اونو خارابا قویوبلار، خارابالیق ائچئنده حوضورومدا ماتم توتوب. بوتون اؤلکه وئران قالیب، لاکئن هچ کسئن وِجئنه دیئل. 12 چؤلدهکی بوتون چیلپاق تپهلره محو ادنلر گلئب، چونکی اؤلکهنئن بئر اوجوندان او بئری اوجونا قدر ربّئن قیلینجی قیریب-تؤکور. هچ کئم اوچون اَمئن-آمانلیق قالمیر. 13 اونلار بوغدا اَکئبلر، لاکئن تئکان بئچئبلر. زحمت چکئبلر، آمّا خیئر گؤرمهیئبلر. ربّئن آلوولانان قضبئندن اؤتری، محصوللارینیزدان اوتانین!» 14 رب بله دیئر: «بوتون پئس قونشولاریما گلئنجه، اونلارا کی، خالقیم ائسرایئله ائرث اولاراق وردئیئم مولکه توخونورلار، من اونلاری تورپاقلاریندان چیخاردیب آتاجاغام، اونلارین آراسیندان یهودا نسلئنی ده چیخاردیب آتاجاغام. 15 آمّا اونلاری چیخاردیب آتدیقدان سونرا، گئنه اونلارا رحم ادهجیم. هر کسی اؤز ائرثئنه، اؤز مولکونه قایتاراجاغام. 16 اگر اونلار خالقیمین یوللارینی حقئقتن اؤیرَنسهلر؛ خالقیما بَعَل آدی ائله آند ائچمهیی اؤیرَتدئکلری کئمی، ”وار اولان ربّه آند اولسون“ دیئب منئم آدیملا آند ائچسهلر، او زامان خالقیمین آراسیندا برقرار اولاجاقلار. 17 آمّا اگر قولاق آسماسالار، او زامان بله بئر مئلّتی کؤکوندن بوسبوتون چیخاردیب، یوخ ادهجیم» رب بله بویورور. |
© Elam Ministries 2013. All rights reserved.
Elam Ministries