اِفِسوسلولارا 5 - موقدس کتاب

تارییا اوخشار اولون

¹ بله‌جه، سوگئلی اوشاقلار کئمی تارییا اوخشار اولون

² و محبّتده رفتار ادئن، نجه کی، مسئح ده بئزی سِودی و اؤزونو بئزئم اوچون تارییا خوش عطئرلی بئر هدئیّه و قوربان تقدئم اتدی.

³ لاکئن سئزئن آرانیزدا عئفّتسئزلئیئن، هر جور ناپاکلیق، یا دا طاماحین حتّا آدی بله ذئکر اولونماسین، نجه کی، موقدّسلره یاراشار.

⁴ بی‌ادبلئک و هرزه دانیشماق، یا دا یاوا ظارافاتلار دا اولماسین. بونلار یاراشماز. عکسئنه، شوکور ادئن.

⁵ چونکی بونو یقئنلئکله بئلئرسئنئز کی، مسئح و تارینین پادشاهلیغیندا عئفّتسئز، یا دا ناپاک، یا دا بوتپرست اولان طاماحکار آدام مئراثا مالئک دیئل.

⁶ هچ کئم سئزی بوش سؤزلرله آلداتماسین، چونکی بو شیلر اوزوندن تارینین قضبی ائطاعتسئزلئیئن اوغوللاری اوستونه گلئر.

⁷ بونا گؤره اونلارین شرئکی اولمایین.

⁸ چونکی بئر زامانلار قارانلیق ائدئنئز، لاکئن ائندی ربده ائشیقسینیز. ائشیق اؤولادلاری کئمی رفتار ادئن.

⁹ (چونکی ائشیغین ثمره‌سی هر جور یاخشیلیق، صالحلئک، و حقئقتده گؤرولور.)

¹⁰ چالیشین کی، ربّه نه‌یئن مقبول اولدوغونو اؤیرنه‌سئنئز.

¹¹ قارانلیغین ثمره‌سئز عمللرئنده ائشتئراک اتمه‌یئن. عکسئنه، اونلاری ائفشا ادئن.

¹² چونکی اونلارین گئزلئجه اتدئیی ائشلری باره‌ده دانیشماق دا عاییبدیر.

¹³ لاکئن ائشیغین واسئطه‌سی‌ائله اونلار ائفشا اولوناندا، هر شی گؤزه گؤرولن اولور. چونکی گؤزه گؤرولن هر شی ائشیقدیر.

¹⁴ بونا گؤره دیئر کی، «ای یاتان، اویان، اؤلولردن دئرئل، مسئح سنه پارلایاجاقدیر.»

¹⁵ بله‌جه نه جور رفتار اتدئیئنئزه دئقّت ادئن، حئکمتسئز آداملار کئمی یوخ، حئکمتلی‌لر کئمی،

¹⁶ هر فورصتدن ائستئفاده ادئن، چونکی بو گونلر شرئردئر.

¹⁷ بونا گؤره ده عاغیلسیز اولمایین، آمّا آنلایین کی، ربّئن ائراده‌سی نه‌دئر.

¹⁸ شرابلا کفلی اولمایین؛ سفاهته سبب اودور. لاکئن موقدّس روحلا دولون.

¹⁹ بئربئرئنئزه مزمورلار، ماهنی‌لار و روحانی نغمه‌لر اوخویون. اوره‌یئنئزده ربّه ترنّوم ادئب، اوخویون.

²⁰ هر شی اوچون دائم ربّئمئز عئسا مسئحئن آدیندا تارییا و آتایا شوکور ادئن.

²¹ مسئحه اتدئیئنئز حؤرمتدن اؤتری بئربئرئنئزه موطئع اولون.

²² ای آروادلار، ربّه موطئع اولور کئمی اؤز اَرلرئنئزه موطئع اولون.

²³ چونکی اَر، آروادین باشی‌دیر، نجه کی، مسئح کئلئسانین باشی‌دیر و بدنئن قورتاریجیسی او، اؤزودور.

²⁴ لاکئن نجه کی، کئلئسا مسئحه موطئعدئر، آروادلار دا گرک هر شیده اَرلرئنه موطئع اولسونلار.

²⁵ ای اَرلر، آروادلارینیزی سوئن، نجه کی، مسئح ده کئلئسانی سِودی و اؤزونو اونون اوچون فدا اتدی.

²⁶ اله کی، اونو سو و کلام وسئله‌سی‌ائله یویوب تمئزله‌سئن و اونو تقدئس اتسئن.

²⁷ و بو یوللا کئلئسانی بوتون شؤوکتی ائچئنده اؤزونه تقدئم اتسئن کی، اوندا لکه، قیریشیق و یا بونلار کئمی شیلر اولماسین، آمّا موقدّس و مذمّتسئز اولسون.

²⁸ بله‌جه اَرلر ده گرک آروادلارینی سِوسئنلر، نجه کی، اؤز بدنلرئنی سوئرلر. آروادینی سِوَن، اؤزونو سِوئر.

²⁹ چونکی هچ کئم هچ واخت اؤز بدنئندن نئفرت اتمه‌یئب، لاکئن اونو یدئردئر و اونا یاخشی یتئشئر. نجه کی، مسئح ده کئلئسایا بله ادئر.

³⁰ چونکی بئز اونون بدنئنئن عوضولرئیئک.

³¹ بونا گؤره کئشی آتا-آناسیندان آیریلار، و اؤز آروادینا یاپیشار و او ائکی، بئر بدن اولارلار.

³² بو سئرّ بؤیوکدور. لاکئن من مسئح و کئلئسانی گؤز قاباغینا آلیب دیئرم.

³³ هر حالدا، سئزئن آرانیزدا اولان هر کس ده اؤز آروادینی اؤزو کئمی سِوسئن و آرواد دا اَرئنه احتئرام اتسئن.