اِفِسوسلولارا 4 - موقدس کتاب

موقدّس روحدا بئرلئک

¹ بله‌جه ربّئن محبوسو اولان من، سئزه یالواریرام کی، آلدیغینیز دعوته لایئق رفتار اده‌سئنئز؛

² بوتون باشی‌آشاغیلیق و حلئملئکله، صبرله، محبّتده بئربئرئنئزه تحمّول اتمکله.

³ جهد ادئن کی، روحون بئرلئیئنی باریش باغی ائله حئفظ اده‌سئنئز.

⁴ بئر بدن و بئر روح وار، نجه کی، سئز ده دعوت اولان زامان بئر اومئده دعوت اولوندونوز.

⁵ بئر رب، بئر ائمان، بئر تعمئد،

⁶ بئر تاری و هامینین آتاسی کی، هامینین اوستونده، هامینین واسئطه‌‌سی‌ائله و هامیدادیر.

⁷ لاکئن فیض بئزئم هر بئرئمئزه مسئحئن عطاسینین اؤلچوسونه گؤره ورئلئب.

⁸ بونون اوچون بله دیئر: یوخارییا قالخدیقدا، بئر قوشون اسئری، اسئرلئیه آپاردی، و ائنسانلارا عطالار وردی.

⁹ ائندی بو «قالخدی» سؤزو نه دمکدئر، مگر بو کی، او، اوّل یرئن اَسفلئنه اِندی.

¹⁰ اِنَن اله همن اودور کی، بوتون گؤیلرئن اوستونه ده قالخدی. اله کی، بوتون شیلری دولدورسون.

¹¹ و او، بعضئلری حوارئلر، بعضئلری نبئلر، بعضئلری موبشّئرلر، بعضئلری ده شبانلار و موعلّئملر تعیئن اتدی کی،

¹² موقدّسلر، خئدمت ائشئنی یرئنه یتئرمک اوچون سئلاحلانیب، مسئحئن بدنئنی بئنا اتسئنلر.

¹³ او قدر کی، هامیمیز ائماندا، تاری اوغلونون معرئفتئنده بئرلئیه چاتیب، مسئحئن دولولوق قامتئنئن اؤلچوسونه قدر بؤیوموش بئر ائنسان اولاق.

¹⁴ بله کی، آرتیق اوشاق اولماییب، شپه‌لر الئنده چالخالانمایاق و هر تعلئمئن یلی ائله، ائنسانلارین کلکبازلیغی ائله، آلداتان طرزلرئن حؤقّه‌بازلیغی ائله یولدان آزمایاق.

¹⁵ آمّا حقئقتی محبّتده دیئب هر جهتدن اونون قدرئنجه بؤیویک کی، بدنئن باشی‌دیر. یعنی مسئح کی،

¹⁶ اونا اساسن بوتون بدن، هر بئر بندئن کؤمه‌‌یی ائله بئربئرئنئن یانینا قویولوب و هر عوضوون دوزگون ائشلمه‌سئنه گؤره، بدن بؤیویور کی، محبّتله بئنا اتسئن.

¹⁷ بله‌جه من بونو دیئب ربله بئرلئکده تصدئق ادئرم کی، سئز آرتیق قیری‌‌یهودئلر کئمی ذهئنئن باطئللئیئنده رفتار اتمه‌یه‌سئنئز؛

¹⁸ اونلارین دوشونجه‌لرئنی قارانلیق باساراق، ائچلرئنده اولان جهالت اوزوندن و اورَکلرئنئن برکلئیئندن تارینین حیاتینا یاد اولوبلار.

¹⁹ اونلار هر جور حسّاسلیغی ائتئرئب، اؤزلرئنی سفالته تسلئم ادئرلر کی، هر جور نجئسلئیی طاماحلا یرئنه یتئرسئنلر.

²⁰ آمّا سئز مسئحی بو یوللا اؤیرنمه‌یئبسئنئز،

²¹ اگر حقئقتن اونو اشئدئب و اوندا تعلئم ورئلئبسئنئز، نجه کی، حقئقت عئسادادیر.

²² یعنی سئزئن قاباق نجه یاشادیغینیزا باخاراق، کؤهنه منئیّتی کنارا آتین کی، حئیله‌نئن شهوتلری ائله فسادا چکئلئب.

²³ و ذهئنلرئنئزئن روحوندا تزه‌له‌نئن

²⁴ و تزه منئیّتی گیئن کی، صالحلئک، قودسئیّت و حقئقتده تارییا موطابئق یارانیب.

²⁵ بونا گؤره، یالانی کنارا آتین؛ هر بئرئنئز اؤز قونشوسونا حقئقتی دسئن، چونکی بئز، بئربئرئمئزئن عوضولرئیئک.

²⁶ قضبلَنَنده گوناه اتمه‌یئن. قویمایین قضبئنئز یاتمامیش، گون باتسین.

²⁷ ائبلئسه هچ بئر فورصت ورمه‌یئن.

²⁸ اوغورلوق اِدَن آرتیق اوغورلوق اتمه‌سئن؛ عکسئنه، زحمت چکئب اؤز اَللری ائله یاخشی ائشه مشغول اولسون کی، او اؤزو ده مؤحتاج اولان بئری ائله بئر شی پایلاشا بئلسئن.

²⁹ آغزینیزدان هچ بئر یاوا سؤز چیخماسین، آنجاق احتئیاجا گؤره، بئنا اتمک اوچون یاخشی سؤز دیئن کی، اشئدنلره فیض عطا اتسئن.

³⁰ تارینین موقدّس روحونو قمگئن اتمه‌یئن. خئلاص گونو اوچون اونونلا مؤهورلَنئبسئنئز.

³¹ قوی هر جور آجیلیق، حئدّت، قضب، کوفر، و تؤهمت هر جور پئس نئیّتله برابر سئزدن اوزاق اولسون.

³² بئربئرئنئزه مهرئبان و شفقتلی اولون. بئربئرئنئزی باغیشلایین، نجه کی، تاری دا مسئح ده سئزی باغیشلاییب.