واعئظ 4 - موقدس کتاب

ظولم، مشقّت، دوستسوزلوق

¹ تکرار باخدیم و گون آلتیندا ادئلن بوتون ظولملری گؤردوم: باخ، مظلوملارین گؤزیاشلارینی گؤردوم، و اونلارا تسلّی ورن اصلا یوخ ائدی. قودرت ظولم ادنلر اَلئنده ائدی، مظلوملارا تسلّی ورن اصلا یوخ ائدی.

² اؤلوب-گتمئش اولانلاری، دئری یاشایانلاردان داها خوشبخت سایدیم.

³ آمّا اونلارین هر ائکئسئندن داها خوشبخت، اونلاردیرلار کی، حله دوغولماییبلار، و گون آلتیندا ادئلن پئسلئیی گؤرمه‌یئبلر.

⁴ گؤردوم کی، بوتون زحمت و بوتون یاخشی گدن ائش آدامین قونشوسونا پاخیلّیغی گلمکدن باش آلیر. بو دا باطئلدئر، یل دالینجا قاچماقدیر.

⁵ سَفِه آدام اَلئنی قوینونا قویور، اؤز بدنئنی اوزور.

⁶ راحاتلیقلا بئر اوووج دولوسو، زحمت و یل دالینجا قاچماقلا اَله گلن ائکی اوووج دولوسوندان یاخشی‌دیر.

تنهالیغین معناسیزلیغی

⁷ گئنه گون آلتیندا اولان باطئل بئر شیی گؤردوم:

⁸ یالقوز بئر کئشی وار ائدی، نه اوغلو وار ائدی، نه ده قارداشی. بوتون زحمتلرئنه ده آخیر یوخ ائدی. لاکئن گئنه ده گؤزلری مال-دؤولتدن دویموردو. هچ واخت اؤزوندن سوروشموردو کی، «کئم اوچون بو قدر زحمت چکئرم؟ کئم اوچون جانیمی لذّتدن محروم ادئرم؟» بو دا باطئلدیر، یامان بئر زحمتدئر.

⁹ ائکی آدام بئر آدامدان یاخشی‌دیر، چونکی زحمتلری اوچون یاخشی اوجرت آلاجاقلار؛

¹⁰ اگر بئری ییخیلسا، یولداشینی او بئری قالدیرار. لاکئن وای او آدامین حالینا کی، ییخیلیر و اونو قالدیران بئری یوخدور.

¹¹ بوندان علاوه، اگر ائکئسی بئر یرده یاتالار، قیزیشارلار. آمّا تک باشینا بئر آدام نجه قیزیشار؟

¹² و اگر بئری هوجوم گتئرسه، ائکئسی اونون قاباغیندا دورا بئلرلر. اوچ قاتلی بئر ائپ تز قیریلماز.

¹³ فاغیر و حئکمتلی بئر جاوان، ائخطار قبول اتمه‌ین قوجا و سَفِه بئر پادشاهدان یاخشی‌دیر.

¹⁴ چونکی او جاوان بو اؤلکه‌ده یوخسوللوق ائچئنده دوغولسا دا، زئندانا دوشسه ده، چیخیب پادشاه اولا بئلر.

¹⁵ گؤردوم کی، گون آلتیندا گزن بوتون یاشایانلار، پادشاهین یرئنه اوتوران بو جاوانین آردینجا گدئرلر.

¹⁶ اونون باشینا ییغیلان بوتون خالقین سایی-حسابی یوخ ائدی. لاکئن سونرا گلن نسئل‌لر اوندان سِوئنمیه‌جکلر. بو دا باطئلدئر، یل دالینجا قاچماقدیر.