واعئظ 3 - موقدس کتابهر شیئن واختی وار 1 هر شیئن واختی وار، گؤیون آلتیندا هر ائشئن واختی وار: 2 دوغولماغین واختی وار، اؤلمهیئن واختی. اَکمهیئن واختی وار، کؤکوندن چیخارتماغین واختی. 3 اؤلدورمهیئن واختی وار، صاغالتماغین واختی. ییخماغین واختی وار، بئنا اتمهیئن واختی. 4 آغلاماغین واختی وار، گولمهیئن واختی. یاس توتماغین واختی وار، اویناماغین واختی. 5 داشلاری داغیتماغین واختی وار، داشلاری ییغماغین واختی. قوجاقلاشماغین واختی وار، قوجاقلاشمدان اؤزونو اوزاق ساخلاماغین واختی. 6 آختارماغین واختی وار، ائتئرمهیئن واختی. ساخلاماغین واختی وار، آتماغین واختی. 7 ییرتماغین واختی وار، تئکمهیئن واختی. ساکئت اولماغین واختی وار، دانیشماغین واختی. 8 سِومهیئن واختی وار، نئفرت اتمهیئن واختی. موحارئبهنئن واختی وار، صولحون واختی. 9 ائشلهین آداما زحمت چکدئیی ائشدن نه فایدا وار؟ 10 گؤرموشم کی، بو ائشی تاری ائنسانلارا ورئب کی، اوستونده زحمت چکسئنلر. 11 او هر شیی اؤز واختیندا گؤزل یارادیب. ابدئیّتی ده ائنسانلارین اورهیئنده قویوب. آمّا اِله ادئب کی، ائنسان تارینین اتدئیی ائشئنی اَوّلئندن آخیرینا قدر آنلایا بئلمهسئن. 12 بئلئرم کی، اونلار اوچون شادلیق اتمکدن و عؤمورلری اولدوقجا یاخشیلیق اتمکدن داها یاخشی بئر شی یوخدور. 13 هم ده هر کسئن ییئب ائچمهیی و چکدئیی بوتون زحمتلرئندن راضی اولماغی تارینین هدئیّهسیدئر. 14 بئلئرم کی، تارینین اتدئیی هر ائش ابده کئمی دورور؛ اونا نه آرتیرماق اولار، نه ده اوندان اسکئلتمک. تاری بونو اونون اوچون ادئر کی، ائنسانلار اوندان قورخسونلار. 15 هر نه کی، ائندی وار، کچمئشده ده وار ائدی. هر نه ده کی، اولاجاق، قدئمدن اولوبدور. تاری اولوب-کچنلرئن حسابینی طلب ادئر. تورپاقدان تورپاغا 16 گونون آلتیندا باشقا بئر شی ده گؤردوم: عدالت یرئنده پئسلئک وار، صالحلئک یرئنده شرارت. 17 اورهیئمده فئکئرلَشدئم: «تاری هم صالح آدامی، هم ده پئس آدامی موحاکئمه ادهجک، چونکی هر ائشئن واختی وار، هر عملئن واختی.» 18 ائنسانلار حاقّیندا اورهیئمده فئکئرلَشدئم: «تاری اونلاری ائمتاحان ادئر کی، اؤزلرئنئن آنجاق حیوان اولدوقلارینی گؤرسونلر.» 19 چونکی ائنسانلارین باشینا گلن، حیوانلارین باشینا دا گلئر؛ ائکئسئنئن ده آخیری بئردئر. نجه کی، بو اؤلور، او بئری ده اِله اؤلور. ائکئسئنئن ده نفسی بئردئر و ائنسان حیواندان هچ ده اوستون دیئل، چونکی هامیسی باطئلدئر. 20 هامیسی بئر یره گدئر؛ هامیسی تورپاقدان گلئب، تورپاغا دا دؤنور. 21 کئم بئلئر کی، ائنسانلارین روحو یوخارییا چیخیر و حیوانلارین روحو آشاغییا، یر آلتینا اِنئر؟! 22 و گؤردوم کی، آدامین اؤز ائشلرئنده کِف اتمهسئندن داها یاخشی بئر شی یوخدور، چونکی اونون پایی بودور. چونکی اونو کئم گتئرهجک کی، اؤزوندن سونرا اولاجاغینی گؤرسون؟ |
© Elam Ministries 2013. All rights reserved.
Elam Ministries