۲تسالونئکلی‌لره 3 - موقدس کتاب

¹ نهایت، قارداشلار، بئزئم اوچون دوعا ادئن کی، ربّئن کلامی تز یاییلسین و سئزئن آرانیزدا اولدوغو کئمی عئزّت قازانسین.

² و بئز ترسه و پئس آداملاردان خئلاص اولاق؛ چونکی هامی ائمان گتئرن دیئل.

³ آمّا رب وفالی‌دیر و او، سئزی قووّتلَندئرئب شرئردن حئفظ اده‌جک.

⁴ بئزئم ده ربده سئزه اعتئمادیمیز وار کی، سئزه ددئیئمئز احکاملارا عمل ادئرسئنئز و اده‌جکسئنئز ده.

⁵ قوی رب اورَکلرئنئزی تارینین محبّتئنه و مسئحئن تحمّولونه هئدایت اتسئن.

⁶ ائندی، قارداشلار، ربّئمئز عئسا مسئحئن آدیندا سئزه امر ادئرئک کی، تربئیه‌سئزلئکله گزن و بئزدن آلدیغینیز تعلئمه موطابئق یاشامایان قارداشدان اوزاقلاشین.

⁷ چونکی سئز اؤزونوز بئلئرسئنئز کی، نجه بئزدن نومونه گؤتوره‌سئنئز. چونکی بئز آرانیزدا ائنضئباطسیز بئر رفتار اتمه‌دئک.

⁸ هچ کئمئن چؤره‌یئنی ده موفته یمه‌دئک. لاکئن زحمت و چتئنلئکله گجه-گوندوز ائشله‌دئک کی، سئزئن هچ بئرئنئزه یوک اولمایاق.

⁹ بونون اوچون یوخ کی، گویا حاقّیمیز یوخدور، آمّا اونون اوچون کی، اؤزوموزو سئزه بئر نومونه قویاق و سئز بئزدن نومونه گؤتوره‌سئنئز.

¹⁰ حتّا سئزئنله اولارکن ده سئزه بو امری وِرَردئک: هر کس ائشله‌مک ائسته‌مئر، قوی یمه‌سئن ده.

¹¹ چونکی اشئدئرئک کی، سئزلردن بعضئلری ائنضئباطسیز بئر حیات یاشاییب اصلا ائشله‌مئرلر، آمّا بورونلارینی هر شیه سوخورلار.

¹² رب عئسا مسئحده بله آداملارا امر ادئب اونلاری تشوئق ادئرئک کی، آراملیقلا ائشله‌یئب اؤز چؤرکلرئنی یسئنلر.

¹³ آمّا سئز، قارداشلار، یاخشیلیق اتمکدن یورولمایین.

¹⁴ اگر کئمسه بو مکتوبداکی سؤزلرئمئزدن ائطاعت اتمئر، او آدامی نئشانلاییب اونونلا آرتیق گلئش-گدئش اتمه‌یئن کی، اوتانسین.

¹⁵ لاکئن حله ده اونو دوشمن حساب اتمه‌یئن، آمّا قارداش کئمی اونا نصئحت ورئن.

¹⁶ قوی باریش ربّئن اؤزو، سئزه دائم هر وجه‌له باریش عطا اتسئن. رب سئزئن هامینیزلا اولسون.

¹⁷ من، پولوس، بو سالامی سئزه اؤز اَلئمله یازیرام و بو، هر مکتوبدا بئر نئشاندیر؛ من بله یازیرام.

¹⁸ ربّئمئز عئسا مسئحئن فیضی سئزئن هامینیزلا اولسون.