۱تسالونئکلی‌لره 2 - موقدس کتاب

پولوسون خئدمتی

¹ اونا گؤره قارداشلار، سئز اؤزونوز ده بئلئرسئنئز کی، بئزئم سئزئن یانینیزا گلمه‌یئمئز عبث دیئلدی.

² لاکئن بئلدئیئنئز کئمی، قاباقجا فئلئپئده عذاب چکئب تحقئر اولدوغوموز حالدا، تاریمیزدا جورعتئمئز وار ائدی کی، او آغیر ضئدّئیّته باخماییب، تارینین خوش خبرئنی سئزه دئیک.

³ چونکی بئزئم تشوئقئمئز نه سهودن، نه ناپاکلیقدان، نه ده حئیله‌دندئر.

⁴ آمّا نجه کی، تاری طرفئندن ائنجئلئن بئزه امانت ورئلمه‌سی اوچون تصدئق اولونموشوق، اله ده دانیشیریق کی، ائنسانلاری یوخ، اورَکلرئمئزی ائمتاحان ادن تارینی راضی ادک.

⁵ چونکی بئلدئیئنئز کئمی، هچ بئر زامان یانینیزا به‌به‌لنمه سؤزلری ائله، یا دا طاماحکارلیغی گئزله‌دن نئقابلا گلمه‌دئک، تاری شاهئددئر.

⁶ ائنسانلاردان دا عئزّت آختارمادیق، نه سئزدن، نه اؤزگه‌لردن. گرچی مسئحئن حوارئلری اولاراق سئزه یوک اولماغا ائقتئداریمیز وار ائدی.

⁷ آمّا آرانیزدا اوشاقلارینی اَمئزدئرئب عزئزله‌ین بئر آنا کئمی، سئزئنله مولایئم رفتار اتدئک.

⁸ سئزه بله کؤنول باغلادیغیمیز اوزوندن، سئزه آنجاق تارینین خوش خبرئنی یوخ، اؤز جانلاریمیزی ورمه‌یه ده چوخ راضی ائدئک. چونکی بئزه چوخ عزئز اولدونوز.

⁹ بئزئم چکدئیئمئز زحمت و چتئنلئک یادینیزدادیر کی، هچ بئرئنئزه یوک اولماماق اوچون نجه گجه گوندوز ائشله‌دئک و تارینین خوش خبرئنی سئزه اعلان اتدئک.

¹⁰ هم سئز هم ده تاری شاهئددئر کی، نجه سئز ائمانلی‌لار آراسیندا موقدّس، صالح و قوصورسوز ائدئک.

¹¹ بونو دا بئلئرسئنئز کی، آتا، اؤولادی ائله رفتار ادن بئری کئمی نجه سئزی اورکله‌ندئردئک، تشوئق اتدئک و یالواردیق،

¹² اِله کی، سئز، سئزی اؤز پادشاهلیق و عئزّتئنه دعوت ادن تارییا، لایئق شکئلده رفتار اده‌سئنئز.

¹³ بونا گؤره ده بئز دائم تارییا شوکور ادئرئک کی، سئز تارینین بئزدن اشئتدئیئنئز کلامینی قبول اتدئکده، اونو ائنسانلارین سؤزو کئمی یوخ، اصلئنده اولدوغو کئمی تارینین کلامی اولاراق قبول اتدئنئز کی، ائمان گتئرن سئزلرده ائشئنی یرئنه یتئرئر.

¹⁴ چونکی قاراداشلار، سئز تارینین یهودئیه‌ده مسئح عئسایا عایید اولان کئلئسالاریندان نومونه گؤتوردونوز. اونا گؤره کی، سئز ده اؤز هموطنلرئنئزدن همن عذابلاری چکدئنئز کی، اونلار یهودئلردن چکدئلر.

¹⁵ کی، رب عئسانی و پیغمبرلری اؤلدوردولر، بئزی ده قوودولار. اونلار تارینی ناراضی ادئب بوتون ائنسانلارا دوشمن دورورلار.

¹⁶ بئزه مانع اولورلار کی، قیری‌‌یهودئلرله دانیشمایاق، مبادا بونون نتئجه‌سئنده اونلار نئجات تاپسینلار. بله‌جه ده دائم گوناه اوستونه گوناه قویورلار. لاکئن قضب نهایت درجه‌ده اونلارین اوستونه تؤکولوب.

¹⁷ آمّا ای قارداشلار، بئز کی، قیسا بئر مودّت اوچون-روحن یوخ، جئسمن-سئزدن محروم قالمیشدیق، بؤیوک آرزو ائله اوزوزو گؤرمه‌یه جان آتیردیق.

¹⁸ چونکی بئز-من، پولوس بئر نچه دفه-ائسته‌دئک کی، یانینیزا گلک، آمّا شیطان بئزه مانع اولدو.

¹⁹ چونکی ربّئمئز عئسا مسئح گلنده، اونون حوضوروندا بئزئم اومئدئمئز، شادلیغیمیز و تاجیمیزین جلالی کئمدئر؟ مگر سئز دیئلسئنئز؟

²⁰ چونکی سئز بئزئم شؤوکت و شادلیغیمیزسینیز.