Numere 1 - MUKANDA WANZAMBI

¹ Hamwaka wamuchiyedi hafuminuwu aIsarela mwituŋa daEjipitu, hefuku damuchimu dakakweji kamuchiyedi mwisaŋa dakuSinayi, mwitenti dakubulakena, Yehova wahosheli naMosi,

² nindi, Mwakachindamwashikila chipompelu chawanyana kaIsarela chejima, mwahita yisakayawu, mwahita mavumu awankakulula jawu, mwachindilawu majina awamayala ejima, kunamutu kunamutu;

³ kutachikila hadi anyaka makumi ayedi nakubadikamu, amuIsarela ejima ayaŋa kunjita, akayichinda kudeyi naAroni mwahita majitawu.

⁴ Mwakekala namayala akwila hamuchidi iyala wumu, hamuchidi iyala wumu, mwahita nyichidi yejima, anyanta anyitaŋa yawankakulula jawu ejima.

⁵ Majina awamayala imwakemana nawu diwenawa; wakuRubeni; Elizuri mwana kaShedeyuri.

⁶ WakuSimeyona; Shelumi yelimwana kaZurishadayi.

⁷ WakuYuda; Nahashoni mwana kaAminadabi.

⁸ WakuIsakari; Netaneli mwana kaZuwari.

⁹ WakuZebuluni; Eliyabi mwana kaHeloni.

¹⁰ Wakudi anyana kaYose fu; wakuEfweremi; Elishama mwana kaAmihudi; wakuManase; Ŋamaleli mwana kaPedazuri.

¹¹ WakuBenjamini; Abidani mwana kaGideyoni.

¹² WakuDani; Ahiyezeri mwana kaAmishadayi.

¹³ WakuAsheri; Paŋiyeii mwana kaOkirani.

¹⁴ WakuGadi; Eliyasafwi mwana kaDeyuweli.

¹⁵ WakuNafwatali; Ahira mwana kaEnani.

¹⁶ Wenawa diwu atambikiluwu muchipompelu, wowu atulamba ahanyichidi yawankakulula jawu; diwu anyanta amakombakaji waIsarela.

¹⁷ Mosi naAroni atambikili amayalawa atenenuwu hamajina.

¹⁸ Apompesheli chipompelu chejima hamu hefuku damuchimu hakakweji kamuchiyedi, ashimwini mwasemukilawu, mwasemukilawu mwahita yisaka yawu, mwahita mavumu awankakulula jawu, mwachindililuwu majinawu, kutachikila hadi anyaka makumi ayedi nakubadikamu, kunamutu kunamutu.

¹⁹ Mwamulejeluwu Mosi kudi Yehova, dimu mwayichindilili yimwisapa dakuSinayi.

²⁰ Anyana kaRubeni, wedi waIsarela mumakiriu awu mwahita yisakayawu, mwahita mavumu awankakulula jawu, mwachindililuwu majina awamayala ejima, kunamutu kunamutu, kutachikila hadi anyaka makumi ayedi nakubadikamu, ayilaŋa kunjita ejima;

²¹ achindiluwu kumuchidi waRubeni, ashikili mumakombakaji makumi awana natanu nadimu, namakulakaji atanu.

²² Akudi anyana kaSimeyona, mumakiŋu awu mwahita yisaka yawu; mwekalila mavumu awankakalula jawu, achindiluwu mwachindililuwu majina awamayala ejima, kunamutu kunamutu, kutachikila hadi anyaka makumi ayedi nakubadikamu, ayilaŋa kunjita ejima;

²³ achindiluwu kumuchidi waSimeyona, ashikili mumakombakaji makumi atanu natanu nawana, namakulakaji asatu.

²⁴ Akudi anyana kaGadi mumakiŋu awu, mwahita yisaka yawu, mwahitamavumu awankakulula jawu, mwachindililuwu majinawu, kutachikila hadianyaka makumi ayedi nakubadikamu, ayilaŋa kunjita ejima;

²⁵ achindiluwu kumuchidi waGadi ashikili mumakombakaji makumi awana natanu, namakulakaji atanu nadimu namakumi atanu.

²⁶ Akudi anyana kaYuda, mumakipu awu, mwahita yisaka yawu, mwahita mavumu awarikakulula jawu, mwachindililuwu majinawu, kutachikila hadianyaka makumi ayedi nakubadikamu, ayilaŋa kunjita ejima;

²⁷ achindiluwu kumuchidi waYuda ashikili muma kombakaji makumi atanu nayedi nawana, namakulakaji atanu nadimu.

²⁸ Akudi anyana kaIsakari, mumakiŋu awu, mwahita yisaka yawu, mwahita mavumu awankakulula jawu, mwachindililuwu majinawu, kutachikilahadi anyaka makumi ayedi nakubadikamu, ayilaŋa kunjita ejima;

²⁹ achindiluwu kumuchidi waIsakari, ashikili mumakombakaji makumi atanu namakombakaji awana, namakulakaji awana.

³⁰ Akudi anyana kaZebuluni, mumakiŋu awu, mwahita yisaka yawu, mwahita mavumu awankakulula jawu, mwachindililuwu majinawu, kutachikilahadi anyaka makumi ayedi nakubadikamu, ayilaŋa kunjita ejima;

³¹ achindiluwu kumuchidi waZebuluni, ashikili mumakombakaji makumi atanu natanu nayedi, namakulakaji awana.

³² Akudi anyana kaYosefu akudi anyana kaEfweremi, mumakiŋu awu, mwahita yisaka yawu, mwahita mavumu awankakulula jawu, kutachikilahadi anyaka makumi ayedi nakubadikamu, ayilaŋa kunjita ejima;

³³ achindiluwu kumuchidi waEfweremi, ashikili mumakombakaji makumi awanana makulakaji atanu.

³⁴ Akudi anyana kaManase, mumakiŋu awu, mwahita yisaka yawu, mwahita mavumu awankakulula jawu, mwachindililuwu majinawu, kutachikilahadi anyaka makumi ayedi nakubadikamu, ayilaŋa kunjita ejima;

³⁵ achindiluwu kumuchidi waManase, ashikili mumakombakaji makumi asatu namakombakaji ayedi, namakulakaji ayedi.

³⁶ Akudi anyana kaBenjamini, mumakiŋu awu, mwahita yisaka yawu, mwahita mavumu awankakulula jawu, mwachindililuwu majinawu, kutachikilahadi anyaka makumi ayedi nakubadikamu, ayilaŋa kunjita ejima;

³⁷ achindiluwu kumuchidi waBenjamini, ashikili mumakombakaji makumi asatu namakombakaji atanu, namakulakaji awana.

³⁸ Akudi anyana kaDani, mumakiŋu awu, mwahita yisaka yawu, mwahita mavumu awankakulula jawu, mwachindililuwu majinawu, kutachikila hadianyaka makumi ayedi nakubadikamu, ayilaŋa kunjita ejima;

³⁹ achindiluwu kumuchidi waDani ashikili mumakombakaji makumi atanu nadimu, namakombakaji ayedi, namakulakaji atanu nayedi.

⁴⁰ Akudi anyana kaAsheri mumakiŋu awu, mwahita yisaka yawu, mwahita mavumu awankakulula jawu, mwachindililuwu majinawu, kutachikila hadianyaka makumi ayedi nakubadikamu, ayilaŋa kunjita ejima;

⁴¹ achindiluwu kumuchidi waAsheri ashikili mumakombakaji makumi awana nadimu, namakulakaji atanu.

⁴² Akudi anyana kaNafwatali, mumakiŋu awu, mwahita yisaka yawu, mwahita mavumu awankakulula jawu, mwachindililuwu majinawu, kutachikilahadi anyaka makumi ayedi nakubadikamu, ayilaŋa kunjita ejima;

⁴³ achindiluwu kumuchidi waNafwatali, ashikili mumakombakaji makumi atanu namakombakaji asatu, namakulakaji awana.

⁴⁴ Wenawa diwu achindiluwu, wowachindiluwu kudi aMosi naAroni, natulamba twa waIsarela, amayala ikumi nayedi, hevumu dankakulu laya muntu iyala wumu, hevumu dankakulula yamuntu iyala wumu.

⁴⁵ Dichi akudi anyana kaIsarela ejima achindiluwu mwahita mavumu awankakulula jawu, kutachikila hadi anyaka makumi ayedi nakubadikamu, amuIsarela ayilaŋa kunjita ejima;

⁴⁶ eŋa, achindiluwu ejima ashikili mumakombakaji makulakaji atanu nadimu namakombakaji asatu, namakulakaji atanu namakumi atanu.

⁴⁷ Hakwila aLevi mwahita muchidi wawatata jawu hiyayi chindili nawuku.

⁴⁸ Muloŋa Yehova wahosheli,

⁴⁹ nindi, Hakwila muchidi waLevi bayi wakawu chindaku, kuyichindila hamu nawanyana kaIsarela nehi;

⁵⁰ aLevi wakayi kunjika kumudimu watabanaka yawunsahu, niwayuma yekalamu yejima niwayuma yayu yi kwawu yejima. Akasendaŋa tabanaka niyumayayu yejima; akayikalakalaŋa, akate ekaŋa kwitenti kwi-ndo.

⁵¹ Chikwila tabanaka hiyi kuya, aLevi akayilemonaŋa; chikwila tabanakahiyi kuteeka aLevi akayituŋaŋa; mwenyi wakadataku akamujaha.

⁵² Anyana kaIsarela akate-ekaŋa wejima wawu awa hohachilombu chawu, awa hohachilombu chawu, kumpandelu yawu, kumpandelu yawu, mwahitamajitawu.

⁵³ Hakwila aLev i akate-ekaŋa kutabanaka yawunsahu kwi-ndo kulonda chipompelu chawanyana kaIsarela akabuli kuchizuwila; aLevi akatalaŋa mudimu watabanaka yawunsahu.

⁵⁴ Dimu mweliluwu anyana kaIsarela; mwalejeluwu Mosi kudi Yehova mwejima dimu mweliluwu.