Genese 1 - MUKANDA WANZAMBI

¹ Hatachi Nzambi waleŋeli nimawulu nimaseki.

² Maseki adiŋi akadi nimwayawu, adiŋa amukunkulu; hewulu denyiŋi hadiŋi mwidima. Spiritu yaNzambi wadiŋi nakuhitahita hewulu dameji.

³ Nzambi wahosheli nindi, Muchi. Mucha nikucha to-o.

⁴ Nzambi wamweni kucha nindi kunawahi; Nzambi wa ambwili kucha namwidima.

⁵ Nzambi watumbili kucha nindi, Ifuku, mwidima wawutumbili nindi, Wufuku. Kwila nimelela, kwila nintetemena, ifuku dimu.

⁶ Nzambi wahosheli nindi, Mukachi kameji mwikali luzwizu, lwambuli meji nameji.

⁷ Nzambi welili luzwizu, wa ambwili meji, awa kwishinada luzwizu, awa kwiwulu daluzwizu; chila nikwila.

⁸ Nzambi watumbili luzwizu ijina, nindi, Iwulu. Kwila nimelela, kwila nintetemena, ifuku damu chiyedi.

⁹ Nzambi wahosheli nindi, Meji adi mwishina dewulu apompi kwawukumu, hawuma hamwekani. Chila nikwila.

¹⁰ Hana hawuma Nzambi watu mbiluhu ijina, nindi, Maseki; kwapompeleli meji watumbiluku ijina, nindi, Majiya; Nzambi wamweni nindi chinawahi.

¹¹ Nzambi wahoshelinindi, Hamaseki hameni nimatahu, niyisakola yasoŋaŋa mbutu, ninyi tondu yasoŋaŋa nyikabu yikweti nyisoka yayu, iwu namwawu, iwu namwawu, hamaseki; chila nikwila.

¹² Hamaseki hamena nimatahu niyi sako laya soŋaŋa mbutu, iyi namwayu, iyi namwayu, ninyitondu yasoŋaŋa nyikabu yikweti nyisoka yayu, iwu namwawu, iwu namwawu. Nzambi wayimweni nindi yayiwahi.

¹³ Kwila nimelela, kwila nintetemena, ifuku damu chisatu.

¹⁴ Nzambi wahosheli nindi, Haluzwizu lwahewulu hekali yuma yakutoŋeka, kulonda kwambula nimwaana niwufuku; yakekali niyayinjikijilu, niyayilaaka, niyamafuku, niyanyaka;

¹⁵ yakekali yaku toneka haluzwi zulwahewulu, yakatoŋeki hanu hamaseki to-o; chila nikwila.

¹⁶ Nzambi welili yuma yamaneni yakutoŋeka yiyedi; chasweja kutoha chakekali mwanta wahamwaana, chakehaku chakekali mwanta wahawufuku; welilini tutumbwa nawa.

¹⁷ Nzambi washili yumiyi haluzwizu lwahewulu kulonda ya katoŋe kaŋa chejeji hamaseki to-o,

¹⁸ yakekali nawanta niwamwa anani wawufuku, nakwambula kucha namwidima. Nzambi wachimweni nindi chinawahi.

¹⁹ Kwila nimelela, kwila nintetemena ifuku damu chiwana.

²⁰ Nzambi wahosheli nindi, mumeji mukumini dakulumbama yendu yayuma yendaŋa, yikweti wumi, niatujila atuukapa hewulu damaseki hejima hahita luzwizu lwahewulu.

²¹ Nzambi waleŋeli anyama amaneni amumeji, niyuma yejima yendaŋa yikweti wumi, yalumbama mumeji, hanyitundu, hanyitundu, niatujila akweti mpuula, hanamutundu, hanamutundu. Nzambi wachimweni nindi chinawahi.

²² Nzambi wayikiswilili nkisu, nindi, Semununenu muvuleŋa, inzeshenu mumeji amumaji yani atujila avuleŋa hamaseki.

²³ Kwiia nimelela, kwila nintetemena, ifukuda muchitanu.

²⁴ Nzambi wahosheli nindi, Hamaseki hediki yuma yikweti wumi, hanamutundu, hanamutundu, ni ayimuna, niyuma yazalalaŋa, nianyama amumpata hanamutundu, hanamutundu; chila nikwila.

²⁵ Nzambi welilini anyama amumpata hanamutundu, hanamutundu, ni ayimuna hanamutundu, hanamutundu, niyuma yejima yazalalaya hamaseki hanamutundu, hanamutundu. Nzambi wachimweni nindi chinawahi.

²⁶ Nzambi wahosheli nindi, Twilenu muntu wudi neyi chitwekaletu, adifwani nanetu; akekali mwanta niwawanshi amukaluŋalwiji, niwawatujila ahaluzwizu, niwawanyama, niweseki dejima, niwayuma yazalala ŋayi kuzalala hamaseki yejima.

²⁷ Nzambi yoleŋa muntu neyi chekalayi yomweni, chochekalayi Nzambi dichi chamuleŋeliyi; wayileŋeli niiyala nimumbanda.

²⁸ Nzambi wayikiswilili nkisu, Nzambi hakuyila nindi, Semununenu, muvuleŋa, muwanini heseki, mudovwahishi; ikalenu anyanta niawanshi amwijiya, niawatujila ahaluzwizu, niayuma yayumi yejima yendaŋa hamaseki.

²⁹ Nzambi wahosheli nindi, Talenu, nayinki yisakola yejima yasoŋaŋa mbutu yekala mwahita iseki dejima, ninyitondu yejima yikweti nyikabu yekala nanyisoka mukachi kayu; yakela kudya kwenu.

³⁰ Nianyama amumpata ejima, niatujila ahaluzwizu ejima, niyuma yazalalaŋa hamaseki yejima yikweti wumi, nayinki nyitondu yituuta yejima yiikali kudya kwawu; chila nikwila.

³¹ Nzambi wamweni yuma yejima yeliliyi nindi yinawahi nankashi. Kwila nimelela, kwila nintetemena, ifuku damu chitanu nadimu.