Romans 14 - Muklom

Miq dak nak phung inn

¹ Bara kam na anung, ning shi nim jamna sol inn; etharin ning chamlang asing tia aja tinthin aa eshi tung aa raaq nak thadan inn.

² Thaji phaksat sha jin phaksat eq aa ta chamtey kam aa, etharin bara kam na anung, piq aa paru chen phak aa.

³ Thaji phaksat tey eq irimal phaksat moqtey sha chikrik ching ang moq etho thaji phaksat moqtey eq thaji phaksat tey sha phung ching ang moq; chammatakoi Shkewa piq sha uhal eq ta.

⁴ Miqdak sanga sha phungtey nang utang aa? Ning ulang angna tia qhakwang angna sha ning tangteywa raaq na. Ning sha ulang angna, chammatakoi Teyhungwa ning sha thalang na.

⁵ Chamtey eq saal shey sha saal dak wang asang tathin aa etho chamtey eq thaji saal sha ashey mal tathin aa. Thaji nim ni nim tin na chamlang tathin eshina aching tong inn.

⁶ Barey chamtey saal sha rangka aa, ning aa Teyhungwa rangma irimal somlo aa. Barey ngam phaksat aa, ning aa Teyhungwa rangma esha phaksat aa, chammatakoi ning aa Shkewa ma kechu ajong kot aa; etho barey ngam phaksat moq, ning aa Teyhungwa rangma phaksat moq etho Shkewa ma kechu ajong kot aa.

⁷ Chammatakoi hiqtang wang utang tho ning ni ning rangma hun tong moq etho utang tho ning ni ning hun rangma ti moq.

⁸ Hiqtang atharang ang ijo tho Teyhungwa rangma atharang etho utik ang ijo tho Teyhungwa rangma ti i; hiqtang atharang tong ijo tho etha ang moq o utik ang ijo tho hiqtang Teyhungwa rang hun.

⁹ Iri rangma Khristo tita etho weyjey angta, irimal ang eq piq sha utiktey nia atharang angtey thani ma Teyhungwa.

¹⁰ Irimal ang jo nim aa nim no shi chamma phung inn? Etho nim aa nim no shi chamma miiksuk inn? Chammatakoi hiqtang thaji Shkewa khaphung lungwang tongching relna ulang ang ni.

¹¹ Asang likwit na thawit aa, “Teyhungwa bat aa, nga atharang Shkewa mal, thaji miq i jakho na bonna, Thaji nung eq nga raa Shkewa ta wungbat na.”

¹² Req hiqtang thaji eq Shkewa jakho hiqtang ni hiqtang wetwal sha takhi ni.

¹³ Eshirangma hiqtang aa ashey eq ashey phung sha thamáng ching. Eshi kaley na miq dak tabot angma etho ngarey náng taqhat ma chamtho som mi ang ni ta nim tin na tathin ching.

¹⁴ Chamtey phaksat sha ning ni ning nan moq ta nga usam eq ang etho Teyhungwa Jesu sho nga kam shing ang. Etharin barey chamtey phaksat sha anaan ta tathin aa, ning rangma esha anan.

¹⁵ Nim no eq nim phaksat tungkang o tintashit ajo nim tinmat na qhing min. Bari rangma Khristo tita, eshi miq shi nim phaksat tungkang o nak tashit inn.

¹⁶ Eshirangma nim jaqhal ta tathin phan shi jashit ta bat ma nak kot inn.

¹⁷ Shkewa mung sha ling phaksat raaq ang moq; etharin esha Asang Tsija o asing, nungmay etho sungrang sha ang aa.

¹⁸ Chamtey eq irimal wang Khristo sha nong aa, piq aa Shkewa tasungrang aa etho miqna eq piq sha khakla ta shing aa.

¹⁹ Eshirangma hiqtang aa nungmay etho ashey eq ashey ma taching raaq shina tong ma salwet tathin ching.

²⁰ Phaksat rangma Shkewa jaksom shi nak tashit inn; thaji sha asang etharin miq dak ma tabot ang ching phaksat sha miq rangma jashit.

²¹ Nim aa ngam phak tungkang o etho kham ling tungkang o nim no sha ngarey náng taqhat inn jo nim aa ngam nak phaksat inn etho nim no taqhat phan chamtho nak somlo inn.

²² Iri raaq tang rima nim aa chamlang kam inn esha Shkewa nia nim jaktung o shing inn. Nim aa chamal khakla ta tathin inn, eshi tung aa raaq sha aja ta shing moq tey sha sunmaan.

²³ Etharin nim aa chamli lang phaksat sha jin phaksat moq tia jin phaksat eq aa ta tathin eq phaksat inn jo ngarey somlo inn. Chammatakoi nim kam eq phaksat min; bara kam wang ang moq esha ngarey.