Hebrews 4 - Muklom

¹ Piq nángtong náng nop rangtum sha thaney náng thula ang tungkang o, nim wang utang tho eshi rangtum sha kap moq ang eq nak tong inn.

² Ning aa tatta thimal hiqtang aa tho tungtang qhal tat ti etharin tatchol raaq wang ning aa chamtho kap moq angta; chammatakoi ning aa kam jamoq tat moq angta.

³ Hiqtang wang barey han aa, ning sha hun eshi nángtong náng nop aa; Shkewa batta thimal, “Nga tinqhat eq miqtang ma bat táng, ‘Ning i nángtong náng jin nop moq angna.’” Irimal ang jo tho mingkang phanghun rangham wang piq aa ujaksom thum som sey ta.

⁴ Asang likwit na chamtey katáng saal sanat tung aa raaq piq aa irimal batta, “Shkewa saal sanat tho thaji ujaksom tang tha som eq nángtong angta.”

⁵ Etho piq aa wey batta, “Ning i nángtong náng nop moq angna.”

⁶ Iri tungtang qhal raa jakho tattey miqtang nángtong náng unop angta chammatakoi ning aa kam moq angta. Etharin eshi nángtong náng noptey tang tungkang o,

⁷ Shkewa saalshey sha “Thaney saal” ta shing ta. Piq aa saal daqhan jio David tungkang o batta, “Thaney aa náng aa piq raaq tat ujo, ba tin shi nak tachet u.”

⁸ Joshua ning shima nángtong kota jo, eshi jio inap saal tung aa raaq mal wantit moq ang wang ta.

⁹ Eshirangma Shkewa miqtang rangma Sabbath saal nángtong sha uthok angma ta aa.

¹⁰ Utang piq nángtong náng nop aa, piq Shkewa mal ujaksom wang nángtong na.

¹¹ Eshirangma hiqtang eshi nángtong shináng nop ma kacha ching, irimal ang ajo ning mal utang tho tat hunga thun moq angna.

¹² Shkewa raaq atharang etho tarong etho thani kowang athi jantong wang tho ahan athi. Piq raaq sha hiqtang rollung etho tsija etho urum aa, thaji sha adak adak shing eq, phung aa; tinthin nia tin raaq sha phung aa.

¹³ Phanghun wang cham tangwang tho Shkewa wang jin tapu moq, piq miik relna thaji alak nia takhi ang aa etho hiqtang aa piq ma wetwel kot ching.

Jesu ajong tingwa tang solwa

¹⁴ Hiqtang ma mungtan náng wangtey ajong tingwa tang solwa atha, bara Shkewa Miqwasa Jesu; eshirangma kaphin, í aa piq tung aa raaq bat ti sha aching eq kam i.

¹⁵ Hiqtang ajong tingwa tang solwa Jesu aa hiqtang thaji tahung sha usam eq aa, chammatakoi hiqtang mal piq tho uphan uphan ma tari angta. Etharin piq aa ngarey som moq angta.

¹⁶ Eshirangma hiqtang Shkewa ráng manchan tongching relnáng arong eq ka i, irimal ang ajo hiqtang ma cham tinshi phi etho uráa ang aa rangham sho hiqtang sha nong rangma piq ráng manchan kap ni.