Teekɨtɨga 11 - Maktub Ta Kumkajir

Bɨraɓe elta tɔl ngan der kɨ dãg

¹ Bɨraɓe el Moij an: M'a m'ɗe kɨ yokoosɨ kɨɗa ɓaitɔ kɨdɔ Paraõt kɨdɔ degt kɨ Ejipt. Goot gog a nyasɨ ad awɨn nu. Lon a nyasɨ ad awɨn, rota a tuɓasɨ nẽ be kɔ.

² El ad so mbidt kad dekɨdɨngã kɨɗen kɨ ndɨje madɓen kɨ dekɨdẽ kɨɗen kɨ ndɨje madɓen nya narg kɨ nya lɔrg.

³ Bɨraɓe ad Israelag ngahn maj takum Ejiptiagt. Moij kɨdɔn i de kɨkootɓool ngãi kam dɔning Ejipt't takum ɓergt lo Paraõ kɨ takum degt tɔ.

⁴ Moij el an: Bɨraɓe el an: Kɨ danlot m'a m'tɔi kam dɔning Ejipt.

⁵ Nganderg tube kɨ kam dɔning Ejipt't a oin, mba girra dɔ ngonderr Paraõt kɨ ndɨ dɔ pong kõɓet lon mbã kɨdɔ ngonderrt lo ɓer kɨdẽ kɨ ɗa ta kur nyat, kɨ ngander nyakulg tube.

⁶ Nõ kɨ kɨ na mbĩ a i kam dɔning Ejipt't kɨtaagbe. Nõ kɨ titbe goto maɗi nu, ke kɨtita a goto gog tɔ.

⁷ Na ku Israelagt tube, bisɨ kɨɗa kaa tee tan ɗɔɔn de ke dã al, kɨtakad kɨ i gerɨn ne Bɨraɓe a ɔrr Ejiptiag tadang kɨ Israelag tadang tɔ.

⁸ Kamla ɓerg loi'n non tube a ɗen romt, a ɔsɨn dɔd ber nomt, a anan: I tee, ĩ kɨ deg tube ngéndulo goi Goot gog m'a m'tee. Moij tee ɓe lo Paraõ kɨtɨga kɨ wong kɨtɨngabil.

⁹ Bɨraɓe el Moij an: Paraõ a oo dɔ ta losɨ al kɨtakad nyag kɨyaya lom a bɨlan kɨdɔtdɔt kam dɔning Ejipt't.

¹⁰ Moij kɨ Aarõ ɗan nyag kɨyaya'n non tube kɨ nõ Paraõt. Bɨraɓe ad kam Paraõ kongkong kɨdɔt, na Paraõ nya Israelag ad teen kam dɔningt lon kɔ al.