Paag 1 - Maktub Ta Kumkajir

Ta lo de kɨdenesew kɨ ngeɗamajal

¹ Ngeronel la i de kɨ a ndia go takɔjt lo ngéɗagootalg al, a duba dɔ ɗobt lo ngéɗamajalg al, a ndɨ nat kɨ ngégo Luwah al tɔ.

² Na ronel loa i kam tat lo Bɨraɓe hɔ gah dɔt ndɔ ho kàda ho.

³ De'n non i tit kag kɨ hɔ ta mant kɨ nũ, ɗa tee kandɨn dɔnahgt, mbia a ndulo al. Kɨla kɨɗen'n de'n non ɗa, a ngah nyat.

⁴ Na ngéɗamajalg titɨnbe al. Ĩn tit kɨ tisa; nél ndɨ tɨnda tĩa kɔ.

⁵ Kɨtɔ 'nten a ɔrrɨn ta dɔ ngéɗagootalgt lo gangtat al, a ɔrrɨn ta dɔ ngéɗamajalgt dan ngékawnat lo deg kɨdenesew al tɔ.

⁶ Kɨtɔ 'nten Bɨraɓe ger ɗob lo deg kɨdenesew ɓet, na ɗob lo ngéɗamajalg aw lo nujkɔt.