Oje 3 - Maktub Ta Kumkajir

Oje tar nẽn, tel sia kɨront gog

¹ Bɨraɓe elɨm an: Aw gog tɔ ro dekɨdẽt kɨ ngeɗangaw'n dekɨdɨngã kɨ ngengaw loa ndiga, na ĩ Oje i tara tit'n hã Bɨraɓe tar Israelag; na in awɨn go luwahgt kɨɗang, na ndig san kand nduu kɨ ɓa kɨnat'n i kadkarig kɨ lan adɨn yog.

² M'ndugo dekɨdẽ'n non (ad i Gomer) kɨ nar kɨlah gidaimi kɨ omer kɔj nyako kɨ tɔa i lɔrj kɨɗa kɨ nusɨ.

³ Na m'ela m'an: A i ngom roi kɨtatɔm ndɔg ngãibe. Ot ɗakaya. A ĩ lo dekɨdɨngã mad al. Mĩ m'a m'ɗa sei titbe tɔ.

⁴ Kɨtɔ Israelag a ndɨ kari ndɔg ngãibe kɨkanj ngar ke mbaiɓe ke kadkari kɨjakɔ ke kag yo ke kub epod ke yo terapim.

⁵ Go nyagt 'nten, Israelag a sahn Bɨraɓe Luwah lod kɨ ngar lod Dabid, A telɨn kɨro Bɨraɓet kɨ ɓool, kɨ kɨro kamkẽt loa dɔboi ndɔgt.