Oje 14 - Maktub Ta Kumkajir

Bɨraɓe kun Israelag kad telɨn kɨront

¹ Ngéndɨ Samarit a ban ɗagootalg lod Kɨtɔ taɗɔɔ Luwah lod Deg a son ta kiyaɗɔɔt, a rigɨjɨn ngandg Dekɨdẽ ngéndan ngang tɔ a tɔsɨn kamd mbutɨn.

² A. Israel, i tel kɨro Bɨraɓe Luwaht loi, kɨta i so kɨta ɗagootal loi. Ɗan go takelsɨ kad i telɨn ne kɨ ro Bɨraɓet. Elɨna anan: I nyàgo ɗagootalg loj tube kɔ. I taa nya kɨ maj'n oo rojt, na j'a jad kand ndartaj tit kadkari bɔw mangg kɨjakɔ.

³ Asiri a aj'j al, j'a kɨ j'al sɨndag gog al, j'a kɨ j'el kɨlaɗa jij j'an: ĩn luwahg loj, gog al. Ta õ kami kɨta ngan halg.

⁴ M'a m'ɔrr kam kɨjoo lod kɔ, m'a m'tard kɨ kammd tube, kɨta m'un wong lom dɔdt kɔ.

⁵ M'a m'ɔrr kam kɨjoo lod kɔ, m'a m'tard kɨ kamm tube, kɨta m'un wong lom dɔdt kɔ.

⁶ M'a mĩ tit tal kɨ hɔ be ro Israelt, a hut tit hutkam, a la ngɨran tit kag ɓitag,

⁷ dɔjiag a ɓa teen ngal, koomaja a i tit kag olib koota a i tit koot nyag kɨ dɔning Libã be.

⁸ A tel ɗen ndɨn ndil Luwaht, a ndɨn kɨ dɔd dõ gog, a duwɨn kum nyako na a tetɨn ngãi, a hutɨn tit dĩndu, kootd a i tit koot kasɨnduu kɨ dɔning Libã

⁹ Epraim a el an: Nẽbekɨnõt usɨm ɗi kɨ yog kɨ hile a? M'oo dɔ kɔ loa, m'a m'oo goa. Mĩ tit kag sipres kɨ mbia to mbool kɨ nah nah. Kokɨromt la kand ndɨ teet ye.

¹⁰ Kɨ dekɨɗen kɨ ngeterr ger girr nyag 'nten. Kɨ dekɨɗen kɨ ngegoosɨ gerd tɔ. Kɨtɔ ɗobg lo Bɨraɓe ĩn kɨɗingg, de kɨdenesewg a ndian, na ngétɔidɔtag a tusont.