Dakɔr deg 2 - Maktub Ta Kumkajir

Londɨ girrkoojg kam londɨt

¹ Bɨraɓe elta Moij kɨ Aarõ an:

² Israelag a hɔn londɨ, dekɨɗen kam ɓut ngéɗɔɔt lon, nderbe kad drapot lo girrkooj lo bɨra bɔwdg. A hɔn londɨ tube gugɨn dɔ kujkub ndɔdnat kɨ Luwah.

³ Ko loɓakàdt, a i ɓut ngéɗɔɔ lo Juda, a hɔn londɨt. Bɨradɔ Judag i Nason ngon Aminadab.

⁴ Kɔr ngéɗɔɔg loa i 74 600.

⁵ Girr Isakar a hɔlondɨt kadat. Bɨradɔ Isakariag i Netanel ngon Suar.

⁶ Kɔr ngéɗɔɔg loa i 54 500.

⁷ Kamla girr Jabulon. Bɨradɔ Jabuloniag i Eliab ngon Helion.

⁸ Kɔr ngéɗɔɔg loa i 57 400.

⁹ Deg tube ngéhɔlondɨ ro Judat, kɔrd i 186 400. Ĩn la a ɓai, ndian kete ye.

¹⁰ Lo kɨ dɔɔ i londɨ ɓut ngéɗɔɔg lo Ruben, bɨradɔ Rubeniag i Elisur ngon Seder.

¹¹ Kɔr ngéɗɔɔg loa i 46 500.

¹² Girr Simeõ a hɔlondɨt kadat. Bɨradɔ Simeõiag i Selumiel ngon Surisadai.

¹³ Kɔr ngéɗɔɔg loa i 59 300.

¹⁴ Kamla girr Gad. Bɨradɔ Gadiag i Eliajap ngon Dewel.

¹⁵ Kɔr ngéɗɔɔg loa i 45 650.

¹⁶ Deg tube ngéhɔlondɨ ro Rubent, kɔrd i 151 450, Ĩgɨn non la a ɓain kɨkõjoo utɨn go kɨdasag.

¹⁷ Goot gog a ɓai kɨ kujkub ndɔdna na Lebiag a ndian mbɨnadt. Tit'n a hɔn ne londɨ ye, titbe tɔ la a ndian ne kɨ njɔranjɔra, dekɨɗen girr drapot lon.

¹⁸ Ko lokudkàd a i londɨ Epraim nat kɨ drapo lon kɨ ɓut ngéɗɔɔ lon. Bɨradɔ Epraimag i Elisama ngon Amihud.

¹⁹ Kɔr ngéɗɔɔd loa 40 500.

²⁰ Girr Manase a hɔlondɨt kadat. Bɨradɔ Manaseg i Gamaliel ngon Pedasur.

²¹ Kɔr ngéɗɔɔg loa i 32 200.

²² Kamla girr Benjami. Bɨradɔ Benjamiag i Abidan ngon Gidoni.

²³ Kɔr ngéɗɔɔg loa i 35 400.

²⁴ Deg tube ngéhɔlondɨ ro Epraimt i 108 100. Girrdeg'n non la a ɓain kɨkõmɨta utɨn go kɨkõjoo.

²⁵ Ɗɔɔ a i londɨ Dan nat kɨ drapo kɨ ɓut ngéɗɔɔ lon. Bɨradɔ Daniag i Ahiejer ngon Amisadai.

²⁶ Kɔr ngéɗɔɔg loa i 62 700.

²⁷ Girr Ajer a hɔlondɨt kadat. Bɨradɔ Aseriag i Pagiel ngon Okran.

²⁸ Kɔr ngéɗɔɔg loa i 41 500.

²⁹ Kamla girr Neptali, Bɨradɔ Neptaliag i Ahira ngon Enan.

³⁰ Kɔr ngéɗɔɔg loa i 53 400.

³¹ Deg tube ngéhɔlondɨ ro Dant i 157 600. Ĩgɨn non la a ɓain ko gog utɨn god, a tɔin kɨɗa kɨɗa dɔboit.

³² Ĩgɨn non la i Israelag'n tɨdan kɔrd kɨgo girrkoojt lo bɨrabɔwdg. Kɔr deg tube'n tɨdand kɨgo londɨdgt kɨ ɓut ngéɗɔɔg lod i 603 550.

³³ Na tɨdan Lebiag dan Israelagt al tit'n Bɨraɓe ndan mbera Moij.

³⁴ Israelag ɗan nyag tube tit'n Bɨraɓe ndan mbera Moij, Titbe tɔ la hɔn ne londɨ girr drapogt lod ad ndian, dekɨɗen kɨgo girrkoojt lon, kɨgo girrkoojt lo bɨrabɔwɨn.